培正am VS 德望pm

NICOLE123

原帖由 Tingkennie 於 15-02-28 發表
Siden, 想知如果俾你選擇，你會選GH是嗎？

我都會選good hope 不過中学要比学費

rabbithung

我女女都讀培幼，當年考唔到德望。比我有得㨂，都揀德望。我相信兩間學校德育都做得好好，至於成績，培正都好好，但德望應可更上一層。培正中數較強，女孩子如果呢方面不是太強，在培正冇得發揮。但偏偏我女女較喜歡英文，培正的語境是不足的，所以我都希望她中學可以讀女校。
樓主女女有這兩個好offer, 你女兒比較叻，不用擔心升唔到德小，相信日後可更上一層樓。

siden

原帖由 Tingkennie 於 15-02-28 發表
Siden, 想知如果俾你選擇，你會選GH是嗎？

呢個問題好難答。
我係培正fans，老公係super fans
我諗我極盡掙扎苦惱之後最終會揀GH

你問我，PC差不多所有條件都好過GH:
100% 上小學(罕!)
小學中學男女校(正！)
中學唔使俾錢(筍！)
窩打老道(便利)

之但係，眾所周知，培正係中中。
中小其實可接受。
但中中令它被GH比下去。
正常港人家長，會覺得中中係心中一條刺。如果你完全接受到就no problem
嗱，記住，係真心完全接受到。
BK就有前人以為自己接受到，點知到頭來都係俾呢條刺搞到周身唔舒服，上到小學都找學校轉走。
我間接識朋友的朋友也是如此。
其實培正英文不錯的，但中學是英中涵接上大學專門科目如Medic Law Engine Pharmacy等一定會好些。英書中教可以partly solve this problem, 但培中好似唔係每一班都英書中教，要調查清楚。
當年在U, 幾個培正同窗品行人品無可挑剔，但年年考試在合格邊緣飛過，就係因為啲technical vocab人地英中Form 4 已經開始接觸，佢地Year 1先黎由頭學過。

講番德幼, 8成幾上小學其實好多。
怕就怕萬一失手你會怨你自己當年冇揀PC
建議你如果小孩沒有以下危機現象，可搏德望:
頑劣，叫極唔聽
超級好動，上堂坐唔定
超級多野講叫極唔停
超級冇野講，超怕羞唔肯在人前表達(你女有咁多offer唔會la)
N班時同佢認簡單中英文字教極唔識
小肌肉發展比同齡慢好多

基本上宜家小朋友咁細，就算有以上情況都好common, 仲有大把時間改進。但如果情況嚴重到N班老師話佢在班中明顯比其他小朋友差，咁就要小心。可考慮揀100% 上小學省得佢改唔到時心驚肉跳德小唔收。

德小唔收果十幾%，八九不離十都同以上問題有關。

gillielam

如果唔介意女校和中學俾錢，我都選德望，我小朋友培小，我都認同培正英文paper test方面不淺，但聽講就不行，始終冇語境，一星期才一堂net上oral堂

lovebb2

原帖由 gillielam 於 15-03-01 發表
如果唔介意女校和中學俾錢，我都選德望，我小朋友培小，我都認同培正英文paper test方面不淺，但聽講就不行 ...

英文真係好一般。

bubuG

正路就是德望。但女校就會多D八婆仔是是非非。可以好煩。

Smilealitto

唔知GH 有冇net teacher?

B.B.BaBa

Smilealitto 發表於 15-3-2 12:48
唔知GH 有冇net teacher?

有，除了 net 的課堂外，net 仲會不時在非 net 課堂走入課室和學生傾談

B.B.BaBa

我曾是德幼用家，在德幼創校年放棄十多個offer 去做白老鼠。學校課程及運作一年比一年進步，我自己就覺得學校好好，大部分老師都好好，女兒在充滿愛的環境裡讀得好開心，亦學得好好，無怨無悔。

P.S. 當年無份考培正，因為係細女，不符合報考資格。但即使有幸報考及被錄取，我都會楝德幼

siden

原帖由 B.B.BaBa 於 15-03-02 發表
我曾是德幼用家，在德幼創校年放棄十多個offer 去做白老鼠。學校課程及運作一年比一年進步，我自己就覺得學 ...

你好勇
初開果年聽聞立立亂，搞到老師雞飛狗走，家長雞飛狗跳。
但依家辨得好好啦。

個friend同你一樣，佢個女依家P3 la

catcatyin

女校和男女校對性格的建立起好關鍵性既作用，要認真選擇。

B.B.BaBa

siden 發表於 15-3-2 13:58
你好勇
初開果年聽聞立立亂，搞到老師雞飛狗走，家長雞飛狗跳。
但依家辨得好好啦。

初時確係淺，被家長轟完之後，校方終於調番深D，到畢業果年我覺得good enough，當然無 sc丶KV咁深

我地更勇既係，無上過補習班及面試理，單憑在GH學的知識，走去考兩間都好多人考的小學做backup，兩間都有首輪offer。最終揀番德小，咁啱學校課程改革，讀左一年，唔覺得係傳說中咁谷，功課少、默測考亦唔多，開開心心渡過左小一生涯

媽媽虎虎

我舊年都有相同煩惱, 兩間都係上午班offer, 最後揀左培正, 因為知道囡囡性格唔係smart, 龍校有offer既原因係佢係乖乖呆呆型, 老師叫一叫就跟指示郁一郁果款, 考幼稚園都仲可以靠聽教聽話入圍, 但係深知三年後考小學完全係兩回事, 到時鬥醒鬥學術鬥知識我真係冇信心, 所以最後冇去GH註冊


至於中中呢方面, 既然你已經預知到入得PC會遇到呢個問題, 咁你已經預早有九年時間去處理呢方面既不足, 其實有好多嘢可以做, keep住個語境（阿囡係讀英文n班)


小囡依家k1 既程度係可以自己用英文囗述到故事內容出黎, 同埋同同齡 mixed 既朋友仔全英文溝通到, 其實我已經覺得ok,不過家長可以幫小朋友出去補一補, 就可以彌補對PC 英文憂慮既問題


同埋有一個題外話, 就係舊年K1開左學冇耐, 我發現自己係冇計劃既情況下有左第二個, 仲要係細佬, 所以都好感恩自己最終揀左PC


希望以上資料幫到你, 加油媽媽

keep-calm

原帖由 媽媽虎虎 於 15-03-03 發表
我舊年都有相同煩惱, 兩間都係上午班offer, 最後揀左培正, 因為知道囡囡性格唔係smart, 龍校有offer既原因 ...

想請教培幼K1課程如何？每天英文時間有多少？一星期約有多少net 時間？謝謝

kufubaby

siden 發表於 15-3-1 09:40
呢個問題好難答。
我係培正fans，老公係super fans
我諗我極盡掙扎苦惱之後最終會揀GH

好認同!事實上唔止Gh, 好多半龍篩選學生都係睇操行+成績+孩子本身性格。
所以直升有辣有唔辣!睇你家孩子在汰留强的環境中做咩角色。

angie_mama

原帖由 keep-calm 於 15-03-03 發表
想請教培幼K1課程如何？每天英文時間有多少？一星期約有多少net 時間？謝謝



  ...

每日30min NET 英文課

hilouisll

原帖由 catcatyin 於 15-03-02 發表
女校和男女校對性格的建立起好關鍵性既作用，要認真選擇。

非常同意，所以我prefer培正

cpychung

kufubaby 發表於 15-3-5 09:22
好認同!事實上唔止Gh, 好多半龍篩選學生都係睇操行+成績+孩子本身性格。
所以直升有辣有唔辣!睇你家孩子在 ...

現時教育制度下，本身性格係唔係聽教聽話比你係唔係聰明更重要，龍校幼稚園上小學實係先睇性格，始終有幼稚園看門口看足三年，一個小朋友乜野性格，受唔受教都可以睇得到，學術反而係其次，但如果你考小學，interview只有短短十幾分鐘，唔可能清楚小朋友既性格，咁就唯有睇學術....

winnietingting

原帖由 catcatyin 於 15-03-02 發表
女校和男女校對性格的建立起好關鍵性既作用，要認真選擇。

(         女校和男女校對性格的建立起好關鍵性既作用)？？？
hope to know more, many many thanks