如何製造機會讓小一男生與同學建立友誼?

小余

小兒6歲,自幼比較論盡,常要同學仔幫忙,又不善和人相處,因此人緣較差.
上到小一,情況沒有改善,更加上性格薄皮,試過有小朋友說不同佢玩,梗梗於懷,於是變得孤癖,不喜歡和其他小朋友相處.
但他其實很心地善良,也樂意跟一些比他年幼的小朋友玩.
我很想搞一些同班同學的親子聚會,讓我可以襯機會鼓勵他和同學混熟.但感茫無頭緒, 又阿仔的生日又過了,不能以搞生會作為借口.
請各位靚媽給點意見!

himmamme

小余 發表於 15-2-23 00:08
小兒6歲,自幼比較論盡,常要同學仔幫忙,又不善和人相處,因此人緣較差.
上到小一,情況沒有改善,更加上性格薄 ...

新年团拜/playdate?

Yanamami

通常考完試就约去玩，—年就有幾次机会｡長假期又可开大食会｡

LeeCC

有無家長群組？或接放學時打他聽下有無住你附近的同學

先約幾個住同屋苑或附近的同學在屋企附近玩先，公園，屋苑會所或上你家，令對方家長覺得容易參加或接送，而你兒子也因為地方熟悉會表現自然一些，或簡單一些，自己在群組裡寫自己一陣會去公園或會所玩，有興趣的同學不如一起下來玩(我是這樣做)
再在群組邀請其他有興趣參與的同學，也可約埋出去玩，無需太多人，太多人會令小朋友不能與個別小朋友太多溝通，只是一班人吱吱咋咋

fc926

太多小朋友的聚會很難與人熟，反而只是幾位小朋友一齊玩就容易建立友誼，你可先與某些家長運熟，然後再安排小聚會試試

小余

謝謝樓上各位的意見. 但如新年假約出來,有點擔心其他家長考慮到派利是的問題而迴避. 如我發起一項活動,又很難主動話大家免派利是之類的說話.有點擔心
我是不是太多慮?

zilch01

多慮了，而家發起，諗得來都不用派了，約兩星期後不行嗎？

LeeCC

咪約初七後，你吾主動派，人地派，你話過左年啦，免啦
再加句，大家同學仔，呢D嘢吾使啦

我系甘講，跟著幾年大家過年假期一起玩都無派，只是試過年初一遇到才派

LeeCC

呢D敏感時間，咪只約三幾個相熟的

wan_sosin

準備D小禮物，例如文具，小零食，送比朋友仔，或返學帶返學校，或打探下其他同學仔幾時生日，送張卡或小禮物。
但唔洗貴，簡單得啦，一支筆，一張貼紙等，我多數只叫呀仔係佢自己有嘅嘢搵樣付出比小朋友，貴嘅人哋唔好意思收，亦唔好攪到小朋友好物質，只係小朋友收到都會開心，自然關係會易D.
我仔都有好多女同學送嘢比佢，連mask都比個佢，我都預備了 frozen 餅仔放完年假帶返學送比班女同學。

Bigpig_2007

最好做埋評估，睇有冇需要出面機構幫助

annie40

回覆 小余 的帖子

獨生子女在社交和各方面行為比較「論盡」和遲緩，是很正常的，不用介懷。
察覺不足，為孩子制造社交機會，真是偉大好媽媽。

除了攪play date, 可以觀察班內行為好的孩子，在家多提一下他們名字，又或買小玩意時，問兒子要否多一件送給某某同學等，總之令孩子覺得跟同輩有親切連繫，產生正面友情，在學校感到舒服，社交無障礙，人也自信，其他的學習更容易了。

Yanamami

小余 發表於 15-2-24 00:41
謝謝樓上各位的意見. 但如新年假約出來,有點擔心其他家長考慮到派利是的問題而迴避. 如我發起一項活動,又很 ...

其实小朋友(尤是女仔)都係一pair pair玩，所以約人两三pairs就夠，唔洗成大堆。約三个同学先，唔係一大堆，唔洗担心利是问題｡就算生曰会，都可講明免礼物，志在—齐聚下开心｡