BB唔望人

frankiemilk723

大家好, 我bb依家仲有一星期就三個月, 基本上係絕少主動望人, 就算望都係望兩下, 好快又會望番其他地方, 唔似健康院啲書仔講嗰啲會注視人地。佢亦都唔會對媽媽特別偏愛, 基本上對我同對任何人都無分別，唔會對住我或者其他人笑。非常大脾氣, 每次食完奶一拎開個奶樽就勁喊…有時抱起佢會勁掙扎, 反而放喺床上就無事。依家有時會依依呀呀, 但通常都係放佢喺床仔上面時會, 一抱起佢佢就好少, 通常會周圍望。眼睛會跟隨物件移動, 但對人嘅移動就無乜反應。未識得抓住嘢, 仲係成日握實拳頭。


我有啲擔心佢係a仔，我知道依家擔心有啲過早, 但都希望趁早觀察, 萬一真係有事, 都可以早啲開始訓練。所以想請教各位有經驗嘅家長, 你地啲寶寶喺細個時係咪都有以上嘅情況? 之後最好留意佢邊幾方面, 睇下佢有冇a仔嘅傾向? 我睇左唔同嘅post, 通常係留意佢有冇自我剌激行為(如轉身、fing手等)、識唔識手指指、對人地叫佢有冇反應、有冇眼神接觸、聽唔聽指令、固執行為等等，除左以上嘅, 仲唔會唔有其他地方可以察覺得到?
多謝各位嘅解答 !

Fa媽媽

我家A仔細個都望人，佢令我覺得和其他小朋友唔同（佢有個家姐），雖然明白每個小朋友發展有快有慢，但你會發現A仔同當時同齡差好遠，係叫佢名冇回應（當時有懷疑佢係咪聾）、唔會用手指指嘢、學拜拜、飛吻、請請、扔垃圾去垃圾筒呢D簡單指令都好耐同好大個先識。

Fa媽媽

細個同佢玩都識笑，差不多一歲先發現他可能是來自星星的孩子

mybryan

Try watching this

15-3-4 10:38 上傳

下載附件 (67.95 KB)

kuehcero

樓主，請問你bb依家點樣？ 有無做評估？