你地小朋友有冇補習呀？

hi_baby

我都好想搵私補中文老師

jc2009

沒有補習, 因有屋企人睇

PINKBABY

coco_cocopig 發表於 15-2-8 00:38
有呀，我屋企無人湊，加上兩隻馬騮一黏埋一齊就玩到傻，所以有參加功課輔導班，其實都係睇撞唔撞正好老師。 ...

請問可否pm我補習社資料？謝謝!

PINKBABY

洋蔥頭媽咪 發表於 15-2-10 00:02
我大仔以前冇補習，但我發覺佢弱科就算跟得到，始終根基都唔夠穩固，所以我細仔小三起已開始專科補習，一般 ...

請問有沒有中文及數學老師介紹？謝謝!

jennylovemama

有補習，補功課班，不過一定要補操卷班，對小朋友很大幫助，好處不多講，私人補習無卷差很遠的

babywoman

一個星期兩堂共三小時外籍老師英文。一堂學劍橋，一堂會話閲讀寫作。都係小組形式。
我仔理解能力算好，但識字少，唔肯記，成日串錯字，唔知再大啲會唔會改善?
以前唔喜歡喺外面學英文，現在兩個老師嘅堂都喜歡返，可能外籍老師活動教學，令我仔次次都期待返，不過返左兩個月only.希望keep住喜歡。
我現在俾仔仔去補英，主要想打好個底，令佢喜歡英文。
中文小一時都唔好，但通過閱讀，中下變小二中上了。
數學唔駛理。
所以現在暫時補英文。剛開始，未知效果。

marcuscyrus

原帖由 mybabylove 於 15-02-07 發表
如果有補習，成績係咪會好D呢？

沒有補，唔知會否成績好啲，不過我都唔太想比佢地補，一來時間，二來錢，三來我想佢地自己負責多啲

Superwoman

我個仔都是上功課輔導班,三年級, 不過上月開始老師由天水圍搬去元朗. 我是放工都八點, 我回家對功課. 晚晚十一時先有得休息.
叫姐姐放學由天水圍帶仔去元朗以前的老師,姐姐又話遠. 因為之前的老師跟得好, 完全放心. 上個月比佢去其他的功輔班, 上了兩星期每天都欠功課. 想死

woyj

一個星期一堂1小時外籍老師上門補英文。囡囡好鍾意, 有遊戲玩, 老師專攻囡囡弱項，會俾小量功課
其他就冇補

大件仔

回覆 jennylovemama 的帖子

有無好的操卷班介紹下，　亞仔成績一般，　但中文科最差，　每次都是緊緊合格，　開始担心呈分試會死在中文上

大件仔

回覆 coco_cocopig 的帖子

有無中文班提供下呢?

scyauchris

回覆 jennylovemama 的帖子

掂解一定要去操卷班，是否要達到100分？如果操完卷都是90頭至90中，基本上不用操卷都可以取得到分數。

scyauchris

回覆 IloveJJ 的帖子

原來如此，咁可以事但買出面補充做，不用浪費時間坐車去補習社。叫佢考試不用寫字太靚，可以嗎？唔識就skip, 直頭唔好浪費時間想，之後double check 才做。
但操卷可以令佢寫快d嗎？中文考試前，我都比外面補充考卷佢做，等佢習慣寫多d字，唔會見到咁多野寫已不想做或覺得辛苦。

公主老豆

回覆 IloveJJ 的帖子

支持同意!
誰都想拿滿分, 但考試總有估不到的,
退而求盡量取分, 都要有技巧
最少當然是要做晒
當然也不是亂做
有溫習嘛
但亦要小朋友明白考試不是寫字比賽
考試必須分秒必爭
只要寫出來的,老師能看得到便有機會了
如果慢吞吞
就算已寫的是全部答對
但結果做不完全卷
就肯定吃虧
慢慢就戒不掉這習慣
連日後當上抄筆記都是吃虧的一群

little_yolky

IloveJJ 發表於 15-3-31 09:18
對一啲慢熱/做野慢既小朋友，操卷就好重要囉！我個仔中文不嬲9字頭，我都無同佢溫，但佢上次，就因為一題唔 ...

係呀, 我囡囡隔離位就係咁, 測數學, 中間一題唔識, 就坐响度諗, 搞到最後半份卷無做, 得4x分唔合格。

MASAYA

又冇諗過會有一題唔識，然後後面全部冇做既情況... 我女係全卷scan一次，然後做晒最簡單個d，之後複雜個d，做晒之後由頭覆一次

wan_sosin

原帖由 scyauchris 於 15-03-31 發表
回覆 IloveJJ 的帖子

原來如此，咁可以事但買出面補充做，不用浪費時間坐車去補習社。叫佢考試不用寫字太 ...

我仔平時嘅字幾靚下，但考試嘅字唔會靚，但求快得來清楚就算！無試過做唔晒卷，還有時間check! 考試技巧都有用，我教我仔，唔肯定的放後面才做！