蘇浙K2 vs 大坑真光K1

tam_bb

原帖由 Siusammama 於 15-02-21 發表
請問真光是否30人一班，3個老師？課堂上分小組嗎？
有多少英文國語堂呢？其實時間又有無英文學呢？
祝各位 ...

我小朋友讀坑真幼，佢嗰班33人，3位老師。上課時，有時會分3組，有時會成班一齊上，視乎內容。K1時一星期會有30mins NET english & 30 mins native PTH，K2＆K3會再多D english & PTH 時間。之前問過班主任，平時也會有英文，佢哋會重複番NET教過的東西。也祝你的小朋友健康快樂。

WinnieCatCat

原帖由 Siusammama 於 15-02-21 發表
請問真光是否30人一班，3個老師？課堂上分小組嗎？
有多少英文國語堂呢？其實時間又有無英文學呢？
祝各位 ...

我的女兒也是坑真K1，有關你的問題，樓上tam_bb已準確答了，我不重複。其實論語境，絕對唔係坑真強項，坦白講，讀了半年，英文和普通話也沒學過甚麼。選坑真就要有心理準備不是為語境。坑真強項是教德育自理，而且返學超開心，K1沒功課做，意想不到的是因為這別人眼中看為hea的課程，我女兒卻對學習非常有興趣，可能就是因為有空間讓她探索，可能學校以中文為主，佢對學中文字好有興趣，學校沒教的字她也會主動要認，仲非常愛閱讀，亦因毋須應付學校任何功課評估，佢有好多空間閱讀。

每間學校也有強弱項，最重要是家長認同學校方向，所以值唔值得為坑真repeat K1是見人見智。如你重學術重語境，在坑真repeat你真係會覺得浪費一年的。但如你重德育重啟發學習興趣，相信這些才是讓孩子走得更遠的能力，不急於要贏在起跑線，為坑真repeat你會覺得值得。另外提提你，坑真是K2才寫字的，如小朋友現在K1已寫字，讀坑真你會否覺得太遲才寫？我個人睇法是，你小朋友是細b，讀坑真會5歲才寫字，到時小肌肉已發展得好，一寫字就寫得好，佢會更有自信。

對小朋友的教育方向，人人看法唔同，都係嗰句，選自己認同教育方針的學校，別只因升小比例而選某校，雖然我認同這是現在家長所關心的，但這不應是選校number 1的考慮

tam_bb

其實我小朋友嘅case同siusammama嘅差不多。我小朋友本來是年尾細B，之前在英普幼稚園讀K1（one native PTH class teacher & one native english class teacher ），同蘇浙一樣，語言環境十分好。後來有坑真offer就轉做超大B讀K1。我哋兩公婆就冇後悔讓小朋友做超大B讀坑真。正如winniecatcat所說，小朋友每日開心返學，我個女都係對閱讀、認字好有興趣，中英都係。每日返學唔係只係玩玩玩，而係從遊戲中學習。另外，可能因為佢以前讀過英普班，佢依家喺坑真上native english or PTH 堂都好投入，佢會同我講返今日native english or pth teacher教乜，例如同佢哋玩"little bunnies"遊戲，"are you sleeping , are you sleeping ?......wake up little bunnies , wake up little bunnies ", 然後佢哋由本來扮瞓覺，變成起身扮兔仔跳3吓，一路講"hop hop hop"。又例如，我個女話，英文老師今日教英文字母，叫佢哋搵例如「H」字，同佢講"can you find for me please？"。我見我囡囡講得番哂NET講過乜，可見雖然NET堂時間少，但佢係吸收到、又投入。老實講，坑真K1英普時間一定少，但如果家長平時多同小朋友閱讀、講故事，未必會差過其他幼稚園好多。不過，都係嗰句，每個家庭要求不同，我自己就覺得對於K1小朋友嚟講，我唔要求佢講英文普通話講到「lak lak聲」，只要佢有興趣學就ok了。

Yatming2013

唔好意思, 想問蘇淅讀完N1係咪都大機會升上K1架, 學校話唔係guarantee。

babycute2009

樓主其實仲有好多時間考慮嘛?
可比左坑真留位費先
幾時要通知蘇幼唔讀K2呢?
女仔黎講, 坑幼龍校係很好既選擇

carson_ma

我當年情況同你一樣，本身報左真幼，收K1 pm， 當時升K2 蘇幼am. 唔想佢讀pm，寫左兩封轉am信都冇用，咁繼續升蘇幼，加上蘇浙k1老師話我仔進度ok, 咁俾佢繼續讀蘇幼唔repeat了

carson_ma

我果個係仔

Siusammama

十分感謝各位家長的意見，特別係Winnie cat cat and tam bb詳盡嘅分享。
老實講，到而家都好15，16，主要原因都係擔心用多咗亞女一年嘅時間。請教過蘇浙嘅老師，當然無同佢講另外有offer，但就問佢亞女嘅表現同使唔使重讀k1。佢哋覺得亞女水平相對同班同學係中至中下，但唔需要重讀。我哋都覺得如果唔係有真光嘅offer，我哋係唔會覺得佢要重讀，因為佢拍埋同齡小朋友，只覺
得佢係細女，而唔覺得佢完全跟唔到。。。

蘇浙讀緊，讀咗都未夠6個月，所以有排都未問讀唔讀k2.

Siusammama

原帖由 carson_ma 於 15-02-23 發表
我果個係仔

Hi Carson, 如果你嗰個係女，你會揀真光嗎？

carson_ma

應該會，唔洗煩小學升中學。雖然蘇小派位幾好，但會谷得好辛苦

Siusammama

見到有其他家長寫咗個蘇浙比較聖公會嘅題，啲家長都投蘇浙。。。真係好苦惱。

Jupiter

原帖由 Siusammama 於 15-02-27 發表
見到有其他家長寫咗個蘇浙比較聖公會嘅題，啲家長都投蘇浙。。。真係好苦惱。



  ...

而家你係真光唔係聖公會，女我一定揀真光

babycute2009

一d 都唔苦惱, 對於女仔黎講選擇好明顯

winnietingting

注意，坑真不是100%直上真小，但有幾多%唔知

Jupiter

蘇浙也不是100%直升，真光有中學蘇淅無。 真光係傳統龍校，即使冇100%，估計也會如其他女龍有8成。

Siusammama

雖然2015年是第1年不可直升，但我同意真幼上真小機會應該大過街外人嘅。

jenjenny

原帖由 Siusammama 於 15-02-27 發表
見到有其他家長寫咗個蘇浙比較聖公會嘅題，啲家長都投蘇浙。。。真係好苦惱。



  ...

蘇浙vs聖公會，家長投蘇浙我諗主要係因為蘇浙有小學backup,而不是蘇幼好過聖公會。同樣如果係女仔的話，真光vs聖公會，大部分人亦會投真光。我女舊年有聖公會，聖瑪，聖加勒，玫瑰崗同堅真，除聖加勒外，其他的我幾乎無諗過就放棄左而揀左大坑真光。不過我唔使考慮讀多一年的問題，而且我舊年係保證直升。

winnietingting

原帖由 jenjenny 於 15-03-04 發表
蘇浙vs聖公會，家長投蘇浙我諗主要係因為蘇浙有小學backup,而不是蘇幼好過聖公會。同樣如果係女仔的話，真 ...

st clares, 真光其實好接近。如St clares在銅鑼灣，或真光是直屬，就完美了