培正 反思書

sheffield

回覆 naughtybj 的帖子

邊個咁勁知道真相？

除了老師自己才知她真正想要乜外，冇人知會知到底發生咩事！可能她真的是因為分數而要孩子反思，也可能她用詞不當而引起了風波，也有可能是某些家長神經被觸動了而起了論壇，惹來傳媒大造文章…

大家見到呢d事咪當給自己的提醒囉！有關人事自然會跟學校或老師去了解和處理，何需我們外人去判誰是誰非。

NICOLE123

sheffield 發表於 15-2-3 10:11
回覆 naughtybj 的帖子

邊個咁勁知道真相？

其實報串的....又不一定是家長呢....太多外人不知既事...
都係唔講最好.

sheffield

naughtybj 發表於 15-2-3 11:00
在EK發表吓意見都可以嗎？！ THANKS.

當然可以呀！但大家唔好為自己睇唔通的事傷和氣囉！

GreenMaDad

似乎老師是一個對教育有熱誠的人，要學生＂反思＂也可能是一個好方法。但如果只是一班要這樣做，學校可能要檢討管理方面了。＂報串＂的家長可能就是想＂為何我們班要做，其他班不用？＂100字對於小二生來說不太難，但家長也要跟跟吧。這次學校也難做，要護著這有熱誠的老師，但學校又未必完全認同老師的做法...有心做好老師的老師是非常難得的，希望這老師堅持信念，但將來要跟其他老師、主任溝通商量好。

lutang

其實大家都無謂再就呢個問題去爭拗喇，我覺得要反思唔係問題，只係老師究竟點樣去向小朋友解釋至係重點，但家長已講，首先老師唔係話作文冇100分所以反思，亦沒有冇90分就來電！我唔知呢位老師係咪純粹表達有問題（最好該班家長自己澄清）．不過我覺得大家既討論開始唔理性，如果真係純粹發表意見既係冇問題，但毋須要強迫對方認同自己，如果唔認同就處處進逼，死咬住不放，咁樣討論好冇意思，不停重複自己既論點，變相俾人覺得你係唔服輸，非要全世界認同你不可！無論你既言論幾有道理，要發表既已發表過，要解釋既亦解釋過，不如留待校方和家長處理啦！
真係有錯，老師和家長都會知都會改，冇錯既人地自會澄清！無謂再你一句我一句去攞尾彩喇！

little_yolky

eviepa 發表於 15-2-2 18:26
Cowmoon,

我不知道英文教育詞彙有那個字可以和中文「反思」的詞性、語氣會完全一樣，但中文的「反思」，就 ...

老實講, 報紙佬要造新聞, 老師講乜都係死的。
你建議的「可達致滿分成績」也是死路一條, 因為又有人會彈出嚟, 求學不是求分數, 點解要同學攞滿分, 好谷好谷呀, 細路仔好慘呀.....(下寫一千字)。

老實講, 明顯地老師係希望小朋友學習反思, 小朋友又無反感, 家長又無反感, 係我哋外人覺得反感。結論係乜? 即係培正好利害, 真係收到一班合適既家長同同學, 我哋一班不合適的, 就沒有送子女入去讀或沒有獲收錄。這個不就是大家經常說的 "要找適合的學校" 嗎?


個人意見, 「反思」並沒有負面意思, 因為所有事情沒有最好, 只有更好, 所以每一項大型活動後, 都會有反思會, 看看什麼地方可以做得更好。就如你响其他帖說的, 老師已經有九萬樣嘢做了, 點解仲要為雞毛蒜皮事去煩佢哋, 又要開會又要解釋, 最重要係：

1. 老師出發點為小朋友好
2. 老師一直以來教學都係有愛心, 關心小朋友

以上兩點已經有該班當事人證明了, 所以, 根本無需再質疑。

little_yolky

Yanamami 發表於 15-2-2 17:50
其實呢~好多百年老校都俾人鬧到一文不值，有間變左”旺角學店“，唔理成績就專收奇能異士，有間就校風太自 ...

你哋就好啦, 有人插係實力既表現。可憐我哋都係百年老校(唔好意思, 好似仲耐過貴校), 但理都無人理, 從無俾人插過的, 俾錢去讀間無人理既學校, 都俾99話架, 我都好有壓力。真係想試下俾大家圍 "趙" 既經驗

MASAYA

little_yolky 發表於 15-2-3 11:54
你哋就好啦, 有人插係實力既表現。可憐我哋都係百年老校(唔好意思, 好似仲耐過貴校), 但理都無人理, 從無俾 ...

你成日話中文要背model ans，數學又即刻畀答案冇時間思考，你開名應該好快見報

little_yolky

MASAYA 發表於 15-2-3 12:01
你成日話中文要背model ans，數學又即刻畀答案冇時間思考，你開名應該好快見報  ...

唔單止咁, 近日仲發現數學都有抄寫, 書入面有幾題數, 上堂做咗, 有晒橫式, 計晒答案, 然後回家有本家課簿, 再「做」一次
我啲咁既二流學校, 連的士司機都差D去錯, 又點會有人「追捧」。

little_yolky

GreenMaDad 發表於 15-2-3 11:33
似乎老師是一個對教育有熱誠的人，要學生＂反思＂也可能是一個好方法。但如果只是一班要這樣做，學校可能要 ...

係嫁, 家長真係好火嫁, 好似只有我囡果班要背作文model answer, 其他三班都唔駛, 只係參考下。背嘢仲無deadline, 突然抽問就要罰無小息去思過崖繼續背, 真係火都嚟埋。

但我會先諗一下係咪我囡班同學仔全級嚟講中文最衰, 所以要背下嘢呢? 老師都同同學仔講, 如果想作文好啲, 就要背咗佢, 即係老師都係想同學仔好啫, 雖然我覺得方法可以商榷。佢仲要成日叉我女唔計分既作文功課, 真係好把火, 但我就唔會話老師係怪獸谷學生既, 因為如果老師好谷學生都係咁既成績就真係死得喇 我唔會責怪老師, 不過會希望了解一下同埋希望大家可以做好啲咁。

laorenjia

中國人天性有差不多先生的基因，遺憾是在很多例子中，香港記者都缺乏求真的精神。記者為什麼不先將事實搞清楚？可以訪問該老師，該班學生，搞清楚老師原話，搞清楚該次作文有沒有100分的？培小一般作文幾多分？

同樣地，我可以這樣猜測（更合理地）:老師想學生寫吓嘢，反思一下中文科考試的準備，學生鼓噪話唔想寫。老師就話:好，唔寫都得，一百分嗰啲就唔駛寫啦！

little_yolky

laorenjia 發表於 15-2-3 15:36
中國人天性有差不多先生的基因，遺憾是在很多例子中，香港記者都缺乏求真的精神。記者為什麼不先將事實搞清 ...

記者問得咁清楚, 咁篇報導仲點有可讀性, 唔俾老總丙餐死就奇啦。

little_yolky

naughtybj 發表於 15-2-3 16:35
佢訪問咗校長，校長話有但你哋唔信？差不多猜想？？

校長唔係當事人, 全校咁大, 唔會雞毛蒜皮事都知, 突然俾記者問嘢, 就答咁D官腔出嚟。高官去立法會答問, 都事前有準備啦, 仲旁住個常秘, 有嘢唔知可以即問。

唔好話報紙報導既茶餘飯後話題, 就算係學術論文, 當年教授都有教點睇篇文章有幾多真, 研究過程科唔科學啦。教授教落, 如果學習到看一篇文章可以分辨到文章既好壞, 咁就可以踏入研究之門了。係門咋, 唔係話你識研究呀。


如果你真係認為香港既報紙報導有可信性, 真係建議你再進修下；如果你本身知道報導偏頗仍引用, 咁......無以應了。我當然希望你只是前者。

Artie

一聽「反思書」三個字，相信家長就覺得太負面，亦為孩子感到委屈，甚至不憤。
「反思書」有點似 IB 的 "Reflection" ，小兒由小學到現在 year 11，做慣晒。
西方文化較開放，乜都可以攤開來講，乜都拿出來反思。
培正是傳統學校，家長未必受這一套。

little_yolky

Artie 發表於 15-2-3 16:46
一聽「反思書」三個字，相信家長就覺得太負面，亦為孩子感到委屈，甚至不憤。
「反思書」有點似 IB 的 "Ref ...

唔係, 依家係培正家長同小朋友都覺得無問題, 係其他家長唔能夠接受。

laorenjia

naughtybj 發表於 15-2-3 16:35
佢訪問咗校長，校長話有但你哋唔信？差不多猜想？？

校長可以問，但我會問學校中文作文的評分政策，中文科分數的統計數字，多唔多叫學生寫反思，有冇samples 睇吓，用以佐證各方的說話。

我無預設立場，純粹覺得記者報導太粗糙，不值得以此作基礎去討論。幾天過去，未見有跟進報導。

另外pcll學生墮樓，記者們連該人是full time 抑或part time pcll 學生，first degree 係Warwick抑或hku, 平曰成績如何都唔清唔楚就去猜測人哋墮樓原因，我覺得幾得人驚。但香港人已慣了，當呢啲係八卦新聞，唔會有記者follow up, 幾天後又去搵第二單嘢八。

Olympian

原帖由 little_yolky 於 15-02-03 發表
唔係, 依家係培正家長同小朋友都覺得無問題, 係其他家長唔能夠接受。

其他人接受有他們的自由。

而我會堅持自己的信念：（借用naughtybj所寫）一個簡單事實；培正的確有為了分數而要求小二學生進行反思！這已經是錯誤的教育！