越來越唔識教仔

taptap83

最近覺得自己越來越唔識教阿仔。 大仔k2, 每日三四樣功課，平日我返工到七點幾先返到屋企食飯， 再睇佢功課同教佢功課。一直以來阿仔都算合作，食完飯再做下功課都有時間同佢玩。不過最近每當我返到屋企見佢做功課又話肚餓，食飯又話眼瞓，瞓覺又掛住玩，擺明其實只係想玩玩玩... 我日日同佢講道理，佢次次話知跟住第二日又係咁，仲周不時十問九唔應或者扮傻望住我發呆眨眼扮眼瞓，我真係好嬲佢D態度。佢唔鍾意理人時連我關心問候都扮瞓覺唔答我，我真係唔知點教。。。

我同阿仔其實關係一向好好，佢好鍾意我，我又好錫佢，之前都一直聽我話。而家晚晚見到佢咁好火，唔知點教，請問我可以點做？

picture

自己做功課得唔得？

咁夜至做可能真的攰。