北角培僑，有無comment?

EMMA88

王家爸爸 發表於 15-1-28 11:10
當年協同係壞，但佢地係砲台山，距離好遠，點同桂華山打呢？

相約在後山....

rickhkpc

協同隔離係李潤田，它校風好嗎？

rickhkpc

唛咁大個故事！今天宝馬山情况〇K嗎？

rickhkpc

因為今年我的小朋友升中一，自行已選宝馬山！

王家爸爸

rickhkpc 發表於 15-1-28 12:41
協同隔離係李潤田，它校風好嗎？

李潤田都唔同 BANDING，李潤田係 B2A，協同係 BAND 3。

憫父

培僑真係唔差！絶對唔係五嶽之一。成績好過好多 BAND 2A 學校！

入大學率如下：
A. 入聯招院校大學學位課程 (JUPAS DEGREE OFFER)
- 2012 年 17.97%
- 2013 年 17.27%
- 2014 年 17.32%

B. 本地大學學位課程
- 2012 年 17.97% + 3.13% = 21.10%
- 2013 年 17.27% + 4.32% = 21.59%
- 2014 年 17.32% + 9.45% = 26.77%

資料來源：http://www.pkms.edu.hk/images/file/2014/1314sch_repoort.pdf (第 11 頁)


文憑試表現：http://www.pkms.edu.hk/index.php/component/k2/item/96



宿舍最多可容納 144 名寄宿生，72 名男生 及 72 名女生。
每年可供申請的空位：
初中生約有 18 - 22 個
高中生約有 8 - 12 個

資料來源http://www.pkms.edu.hk/index.php/2010-10-19-04-07-55

rickhkpc

培僑都好好！

憫父

其實培僑一直都不太差，只是因為是左派學校，很多人都不喜歡！

在以前考AL的年代
A. 入聯招院校大學學位課程 (JUPAS DEGREE OFFER)
- 2005 年 33%
- 2006 年 21%
- 2007 年 23%
- 2008 年 26.3%
- 2009 年 33.3%
- 2010 年 18.0%
- 2011 年 27.4%

B. 本地大學學位課程
- 2005 年 33% + 0% = 33%
- 2006 年 21% + 0% = 21%
- 2007 年 23% + 15% = 38%
- 2008 年 26.3% + 7% = 34.3%
- 2009 年 33.3% + 20.4% = 53.7%
- 2010 年 18.0% + 29.5% = 47.5%
- 2011 年 27.4% + 8.2% = 35.6%

培僑大部份的 AL 學生都是原校中五升讀的學生，AL 有此表現不是靠 中六時取錄外校成績好的學生獲得的。

入大學率好過不少 BAND 2 學校。

憫父

五嶽故事是很久以前的事，主因是當年政府只推行 9 年免費教育，學生完成中三後，要成績較好的才能升中四 (是相對較好，不代表成績一定好)，否則便要去工作、IVE 或私校。

當年許多 BAND 3C 學校只不足一半學生可以升上中四，餘下的中四學位要收其他 BAND 3B 和 BAND 3A 的學生。

新入學的中四學生都是原來 BAND 3B 和 BAND 3A 中懶讀書的人，夾集不少行為有問題的人，但集中在 BAND 3C 學校的中四，做成不同的派系，容易有衝突，稍一不和，便會向去了附近 BAND 3C 學校的舊同學班馬。

五嶽附近有賽西湖公園，有許多隱閉地方，是講數和打交的好地方。

但現時所有中學的學生都是直升，已經沒有了當時的情況了。加上桂華山收生不足，伊斯蘭搬走，已經沒有了當年的情況了。


註：當年事實上沒有 BAND 3ABC 學校，當時 BAND 3C 學校是叫 BAND 5 學校，BAND 3A 學校是叫 BAND 4 學校。

--------------------------

以下是一則當年的新聞

北角十餘校服少年揮摺椅打傷七學生　
開學以來寶馬山異校學生爭執越演激烈

　　北角一間中學的十多名學生被附近另一間中學的十多名學生襲擊，結果有七人受傷送院，現時案件交由港島東區反黑組接手調查；而兩間學校的校長同稱需要與鄰近學校協商時間表的安排，避免不良學生再發生摩擦打鬥。

　　事發於昨日下午一時，北角寶馬山道聖貞德學校剛放學讓學生午膳，十名中四男生行經賽西湖公園的食物部時，忽被十多名身穿桂華山中學校服、手持摺椅的學生上前喝停。

　　一名受傷的聖貞德學生憶述，當時有人大聲盤問：「係咪合桃露！) 」但未等回應即不由分說向聖貞德的學生襲擊，十人不敵，逃進附近的蘇浙中學求救，行兇者見狀不敢貿然追趕，加上一些穿著桂華山校服的女學生從旁勸止，隨即散去，並遺下數張摺椅。

　　蘇浙中學校長得悉事件後，代被襲學生報警，並帶傷者到醫療室包紮傷口。救護車接報到場將七名傷者送院其餘三人則留下協助警方調查。七名傷者分別是鄺X乾（十七歲）、林X恩（十七歲）、李X雄（十九歲）、馮X興（十六歲）、吳X雄（十七歲）、盧X鎮（十五歲）、陳X亮（十四歲）各人分別被摺椅擊傷頭或手，經醫治後俱無大礙。

　　據受傷學生透露，他們全部是今年經中央派位派往聖貞德中學的中四新生，分別來自港島不同學校，至於今次為何被襲，他們均表示不明所以。不過其中一位傷者聲稱認識行兇的人，並肯定對方當時全部身穿校服，但他同時否認與人有過節。

　　在這班聖貞德學生遇襲之前不足一小時，即中午十二時許，現場附近亦曾發生過打鬥，一位在附近進行路面工程的工人表示，首先是兩名十四、五歲，身穿便服的少年被近二十名穿校服的學生追打，不久，即有五名二十來歲的大漢到場喝問：「邊個打我啲靚（即手下）！」見無人回應後即拿起公園食物部的摺椅，襲擊在場穿著校服的學生，有人被襲後深深不忿，聲言要報復。

　　東區反黑組的黃幫辦透露，今年九月開學以來該區一帶已發生多宗學生爭執事件，但情況與往常沒有分別，都是學生之間的意氣之爭，亦不見得情況趨向嚴重。他表示每年經過漫長的暑期，學生在開學時都比較活躍，而反黑組一如往常都會趁時到學校區加強巡邏與宣傳。他又承認，寶馬山一帶由於學校較多又集中，所以問題較多，而賽西湖公園更是該區的是非地。

Sindy

李XX? 我仲有張佢地學生係巴士攬埋一舊既相呀, 我唔覺佢校風好.. 老師都唔係好, 我當時抱住個2/3歲仔, 帶住個二年班女返學, 無位企, 佢個老師坐係而家既優先座, 都唔識以身作則讓下位, 雖然佢唔係必要讓我, 但無同理心既老師我唔喜歡, 點教細路呀

Sindy

王家爸爸 發表於 15-1-28 11:10
當年協同係壞，但佢地係砲台山，距離好遠，點同桂華山打呢？

協同行過去五分鐘.... 好快到啦..

王家爸爸

Sindy 發表於 15-1-28 21:59
協同行過去五分鐘.... 好快到啦..

係喎，後生仔女，行上山唔會好似我啲阿伯咁，佢地唔需要停低休息，行上山真係可以幾分鐘到。

Sindy

王家爸爸 發表於 15-1-28 23:10
係喎，後生仔女，行上山唔會好似我啲阿伯咁，佢地唔需要停低休息，行上山真係可以幾分鐘到。 ...

打橫係雲景道過去, 唔係好山架咋

啫喱黃

我個女讀緊F1，我覺得無外界講得咁愛國，你想知D咩？我可以把我知的告訴

啫喱黃

佢地係好刻意避開雲景道果幾中學，中一至中六都不能外出食飯，好奇怪地佢地返學時49m小巴同25號巴士大多數都係培僑學生，其他學校學生好小，放學時49m小巴仲會特登有空車直上學校車學生，好似專用校巴咁

littlewoman

請問除第—輪自行後，是否在放榜後才可申請？

啫喱黃

A班精英班，初中數學、科學、西史用英文教，中一分班試英文成績最好的40名分A班，到中二要全級頭40名才分到A班。

今年B班為國語班，只有中文一科用國語，其他科都係用廣東話教，要另考普通話試才可以在這班上，不考是不會比安排到昵班的，其他班學生也可以在這班上中文話，呢班也有幾位學生到其他班上廣東話中文科，今年D大6學生分曬到呢班。

我女話今年最壞既學生係哂佢果班，其實都只係成日上堂瞓覺、聊天、抄功課，我女話隔離3班都乖過佢地班，但我女係讀A班的，攪事既只有男仔，仲要全部係香港傳統名牌小學（中西區果D）畢業的😓，班老師由開學到現在一路都在想辦法修好呢班少爺們

啫喱黃

原帖由 littlewoman 於 15-01-30 發表
請問除第—輪自行後，是否在放榜後才可申請？

咁我就唔知，不過2014年7月註冊果陣我見好多人黎叩門都話收左

啫喱黃

會升國旗要唱國歌但不是每日，呢半年好似都只係唱過1－2次。

國慶有慶祝活動，個活動只是攪下灘位遊戲，D灘位仲要同國慶無關😅，灘位由學生做每班都要做1-2個

啫喱黃

我最鐘意呢間學校既地方係，老師會同成績較差的或成績下滑的同學補課，真正既拔尖補底，好比心機教，學生同家長有D咩問題想問，任何時候搵佢只要佢睇到留言都會理你。好多學校得個講字，實際係只拔尖，我領教過怕左，個女讀到無哂信心😓