DBS vs TSL

siden

TSL 3rd language 只是附加價值，情況就如買雞送葱油汁，或買化妝品送旅行套裝。冇理由因此影響你買邊隻雞或邊隻牌子化妝品。

另外，spanish係香港，講真有乜大用？當然某些行業或崗位用得着，也是少數。

fingerbb

DB for sure

monacheung128

DBS for sure X 2

hknote

原帖由 bubuG 於 15-01-25 發表
Tsl third language 十分皮毛。不是考慮主因。入咗DBS，如果讀得好，不怕冇錢，相信學校會支援。但讀到半桶 ...

係
我表姐個女人讀TSL,上年拜年見到佢，佢讀4年級，問佢既日文，簡直係嚇親，學左幾年的日文，問佢基本野,去唔去超級市場? 都唔識，我唔知何謂第三種語言
所以唔好比這些,有多種外語學,而去吸引.

kiov

原帖由 siden 於 15-01-25 發表
冇錢反而簡單。申請助學金。

最尷尬唔係冇，係勉強負擔得起，但家庭經濟就唔鬆動，但係入息又未夠資格申請 ...

心聲, 就是這種情況!

Soundervolt

五歳人仔話鐘意學西班牙文，遲尐因玩遊戲機又話鐘意學日文，再遲尐因為要睇韓劇又話鐘意學韓文。我個仔當年話鐘意做巴士司機想學揸車....我相信兒女五六歲時對選校嘅喜好只可作為參考，家長應為仔囡對選校應該有更成熟同客觀嘅判斷

siden

原帖由 kiov 於 15-01-25 發表
心聲, 就是這種情況!

完全明白

我與你差不多苦況

siden

計支出時要計埋校車費、興趣班、補品費。

雖然出外食補品非必須，但如該校很多負擔得起的家長讓小孩出外進補，你會否有壓力。

某些學校教淺考深，上到高小靠家長或補品頂住成績。我不知DBS 情況，你要調查清楚。

好多時，學費只係整體學習支出的一半甚至更少。

家長也很無奈。

Jack0128

DBS for sure X 3

Soundervolt

哥哥讀TSL,妹妹亦未必會被取錄。如果為咗兄妹之間嘅公平，到頭來未必可以如願。公唔公平喺子女自己嘅感覺，有時父母自以為做乜野對仔女都公平，但仔囡之間都可以覺得偏心。

WinnieCatCat

我有朋友當年女兒DGS收左，但有細佬跟尾，都有諗過抽官津，佢哋諗左好耐，最後決定讀DGS，原因係覺得每個小朋友係獨立個體，既然家姐有能力同機會入讀間禁好既學校，沒理由為細佬有保障而放棄，如果家姐為細佬去讀另一d學校，表面上係對兩個公平，實際上係對家姐唔公平！我認同佢呢個諗法，樓主亦可參考下。

當然明白樓主既經濟考慮，我會咁諗，讀DBS，只要keep 住中間成績，不用再花錢訓練特異功能十八般武藝，已可安安樂樂上DBS中學。讀TSL，學費係平d，但即使有中上成績，亦唔保證可升上如DBS級數的中學，為升中你會畀個仔補呢樣學果樣、文武全才，條數又係喺返到。重點係，花錢花時間，仍要擔心一大輪，因唔guarantee入到band1校！即使入到band 1，但級數未及DBS的，6年後你或會好後悔的。

如有機會，我都想小朋友入到神級學校。即使神校同地區名校成績相約，神校有既係歷史傳統舊生網絡，我識得朋友來自不同神校，有d係唔算成績好只在神校完成F.5就升唔到上去，但佢地對學校既熱愛、那種spirit係一般學校沒有的，而舊生網絡之強大亦非我們所能想像！呢d，真係地區名校難以追上。

另外，囝囝既然有實力入到DBS，若經濟真係好大壓力，咪試下叩門叩LS，St Jo等，話唔定收埋，到時再上黎XX vs DBS，等我地班家長羨慕下囉

BandC

原帖由 WinnieCatCat 於 15-01-25 發表
我有朋友當年女兒DGS收左，但有細佬跟尾，都有諗過抽官津，佢哋諗左好耐，最後決定讀DGS，原因係覺得每個小 ...

非常同意以上兩位所講的，我覺得每個小朋友的能力同命運都吾同，我同老公都吾想兩個小朋友互相影響太多，所以特登選不同的學校給佢地。哥哥考到就比佢讀啦，反而我覺得太多補習不是好事，如果要靠大量補習先讀到，到時經濟又有問題，可以再考慮好吾好轉校。試左先，相信DBS教的吾只係學業上的，是會終生受用的。

Davyhui

回覆 WinnieCatCat 的帖子

Agree!!

panpanpan

我相信樓主呢一刻比大仔去讀DBS係無問題，但係到妹妹讀小學嘅時候，問題又會出現！如果妹妹咁好彩考到DGS，咁又比唔比佢讀？果時唔係佢唔想，係經濟唔許可！因為哥哥讀緊貴嘅學校，而要妹妹將就，對樓主來講都係唔公平！所以宜家先至咁掙扎！Right?

kirstyau

到時真係唔知考唔考好

kiov

WinnieCatCat 發表於 15-1-25 22:53
我有朋友當年女兒DGS收左，但有細佬跟尾，都有諗過抽官津，佢哋諗左好耐，最後決定讀DGS，原因係覺得每個小 ...

非常感謝你的意見, 說中了我心中疑問及顧慮, 為囝囝讀 DBS 打了支強心針, 謝謝

Cavebaby

hadwinboy 發表於 15-1-25 01:17
我揀DBS, 唔讀唔知得唔得, 免強供到都ok 啦, 還掂TSL 都唔係必收妹妹, 最主要又唔係一條龍，到時要煩兩個升 ...

我好同意您咁講呀! 讀TSL，妹妹都係冇保障，除非，真係財政好緊，如果唔係，點都揀DBS...
我都知TSL好吸引，有好多課外活動，又抵讀。但如果阿女有DGS係手，我都會唔要tsl...
如果您有英華，又唔同。英華好比美DBS，而且好抵讀呀。諗清楚呀

GreenMaDad

TSL 是好，但跟DBS差太遠。坦白講，如現在經濟上marn marn 緊，小朋友入到dbs之後大個搵到份能賺$的機會大好多.   

4001cc

DBS for sure.

小曳人

GreenMaDad 發表於 15-1-26 09:41
TSL 是好，但跟DBS差太遠。坦白講，如現在經濟上marn marn 緊，小朋友入到dbs之後大個搵到份能賺$的機會大好多 ...

上面嗰句同意;下面嗰句唔同意

可能我比較唔好彩，身邊有個DB 差嘅例子，大學時玩開嗰班.. 逢二進一掛住玩嘅，又係DB仔
當然每個人有佢唔生性嘅原因，但係DB畢業唔等於d乜嘢，講到底，都係家教最緊要！

樓主，對窮中產又有兩件化骨龍嘅，大家都知錢係一個問題
錢要駛得响值得嘅地方，你可有了解過兩間學校嘅教學以及文化，邊間啱你地d？不防同現有家長傾傾！
我個人對學校文化有好深嘅體會... 雖然講緊唔係相同嘅學校，但我相信你手上兩間學校嘅家長/背景點都有少少差異，請選擇一間令你同孩子都感覺舒服愉快嘅學校！