多次被學校無理投訴！

pandacat_bb

小兒四年級，有過度活躍專注力不足症+亞氏保加（社交障礙），多次被老師無理投訴，甚至扭曲事實，投訴無門，副校同我講不應執著老師某些許字眼（老師話小兒踎係電腦枱，小兒話冇，然後佢同我先生解釋「假如隻手放咗入去都好危險」，我不能接受假設小兒有做，因老師並無目擊，只係引導小兒講有冇咁可能），佢甚至乎話我係鑽牛角尖。

今日小兒帶咗相中魚肉腸返學，第一個小息時有2個同學借去睇然後做不雅動作，班主任先屈佢講不雅語句，同疑似拎住黎追打人，係冇了解嘅情況下沒收了魚肉腸。

另一位老師係第二個小息分別向三個小朋友了解，結論係雖然我囝冇做不雅行為，但佢已經係縱容同學做不雅動作，而訓導主任指出校規係禁止帶此類食品返學作小食，而且魚肉腸係可以做作武器！

成件事我覺得好無稽，小兒既不是風紀又不是班長，佢借比同學時同學話想睇下，佢點知同學會做不雅動作？！

有冇家長試過無理被投訴，除同學校反映仲可以點？佢地根本係互相包庇，早2年都有老師講大話恐嚇小兒，話如果唔認做咗就要見訓導主任，我囝怕被趕出校認自己講大話，返黎日日喊住話怕冇書讀，副校所謂調查完只回覆佢無法証明真偽！

好無助！求各位指點下！

SA同學

原帖由 pandacat_bb 於 15-01-13 發表
本帖最後由 pandacat_bb 於 15-1-13 00:19 編輯

小兒四年級，有過度活躍專注力不足症+亞氏保加（社交障 ...

又係一件無奈及不愉快的事件! 我曾經接解過又係4年級又係亞氏保加嘅小朋友，差不多每日都收到學校投訴，家長們都好怕電話響起，恐怕又是學校的投訴，由於雙方關係(家長和校方)已到達互不信任，最後家長決定轉校，讓孩子重新開始。
這個小朋友4年級時轉到新學校，即他在小一至小三已適應了學校及與同學的相處方式，之後他並不容易適應新環境，他和你囡囡唔同嘅地方係佢真係有打人，有做攻擊性嘅行為，對四周環境缺乏安全感，欠缺表達。

不論個案如何，而及早先找學校社工介入，重新了解小朋友嘅成長需要先(不只在學業上)，再給與適當的治療或訓練，以提升他的各項效能，這才是上策。

pollybell

好明顯你冇同學校講你小朋友既問題，而學校又冇支援，學校想迫你走，無謂將個小朋友黎作磨心，轉校時一定要同學校溝通好，同時要比些社交訓練佢。