天主教南華中學（改變左？）

Tanglingchun

上年12月同囝囝同埋D同學仔一齊參加左 中學巡禮 初時聽D街坊學早十年間學校都已出左名，不過近年轉左校長，校風同學業都好似好有改善。。。但都係叫我唔好太大期望

不過去到參觀當日，由入門到食飯聽講座到參觀校舍玩攤位，再到上車離開整個過程都令我。。。好意外，係意外地好。

落車入學校，當然有人接待啦，不過同其他學校不同係。。。有條斜路可以用來練跑（聽學生講學校門條斜路真係用來比來練短跑，怪不得南華出左個香況飛人－黎振豪）仲點係有成廿幾個著得好整齊的男女童軍、紅十字（仲有一款不知道是什麼著到好似去行山甘既學生）來歡迎歡迎我們～感謝不錯，好有禮貌。加分！

入左學校後，二百幾人好快就座定定等食飯，正餓左成朝，初時都估到要聽下校長老師吹下水先有得食，點知唔係。。。成果過程由帶我地上去禮堂到乖乖地座好，係二百幾個小學生同家長座好，再到講野都係由學生包辦，一個字勁！   當然學生講野同D 名校學生比仲差少少，不過真係表現好掂好得體！好在聽左三十分鐘到後有得食了。竟然連派飯都係學生安排埋，好野！好有禮！

可能我個囝比較怕羞（唉。。。）都唔係好敢去玩D攤位，我最想佢去玩個英文攤位，等我睇下D學生英文點先得。好在有個姐姐（都係學生）主動來拉我地去玩，估唔到D學生英文都幾好，全程英文溝通！

其實本身唔係好想打出來同大家分享
但係0係之後個全港小學數學比賽甘arm又係來南華，同堆係果次巡禮中又報左佢地果模擬升中式面試，三次去南華，次次見到D學生既言行舉止同老師既說話真係比到我信心，間學校值得考慮！

唔知大家點睇呢？

chakkinwa

呢位jm講得幾客觀，我都覺得呢間學校有所改變，我住明愛對面又是呢頭的街坊，由於我成日都要到明愛覆診，好多年前舊大樓未拆，呢間學校學生成日同病人搶電梯答，但係近幾年未有見過他們返學放學午餐時間用明愛部電梯，明顯乖左。

校風都有有所改變，以前校服又百答，頭髮又染，現在好左又齊整，同學仔又有禮貌，希望他們繼續加油，保持落去，令學校變得越來越好。

sunnykou

我妹妹都是在呢間學校讀書，她讀得好開心，成績又有進步，她成日都講d老師對她好好。

SimTang

似乎D傳聞可能係真喎,小兒屬band 2尾band3頭,佢人其實頗聰明,但心散, 讀書但求合格唔係包尾就算, 老師建議佢自行派位可試佛教大雄（話佢體育唔錯可以一試）, 第二間就揀張明添或者南華, 我問張明添唔係同大雄差不多咩？老師話張明添近年差左些少,所以放喺第二都唔係無機，又或者揀南華？我就真係有點擔心喎，我唔熟南華，但問親人唔係話唔清楚就係話唔好，其實我上過佢校網望過，又唔差㗎噃，而且有D係教育局或者外面機構嘅獎或活動，又唔似老作或作大，但始終寧可信其有（我指負面評價），所以一直都無諗過將佢擺咁前，仲而家自分派位添，直至上星期老師咁講，攪到我心大心細，因老師話南華近依幾年由低谷冒起，進步好大，但又唔係咁多人知，屬當頭起？（都唔知係咪？）個類咁喎，所以應穩陣，好過派左唔知去邊⋯希望大家俾D意見我啦，唔想揀錯呀！！定係自行分配就試大雄同張明添？唔得填大表先頭三揀南華？南華其實係咪真係ok？