參加比賽係唔係找私人老師定自己教？

iamadc

想問下各路英雄，比賽係點教？對考小有無用？

tsangnamnam

我自己教，女去過朗誦比賽，冇搵過老師教。每晚一齊唸一兩次。每次比賽搵新題材練。
參加比賽係因為我女好內向細膽，想佢練吓膽。比賽已經要一筆錢，請老師又貴，獎項我又唔係志在必得，所以冇請老師，我自己教。
我覺得啲cert對考小一冇咩用，(可能因為我果啲唔係校際比賽)，有一間2nd in時話收portfolio, 但臨場交portfolio時，老師對我講咗2，3次:你可以放低，其實我地唔多睇，你真係唔拎返走?
如果小朋友好細膽，喺練膽嘅層面係有用。至於學校會唔會因為張cert而收，我就唔覺會。(亦可能係一間間學校唔同，我地唔係考咗好多間)

langnui1225

我有d朋友會自己教, 有d就會出去學, 但價錢會好貴...好似我聽過媽咪講英文詩朗讀是$800 蚊一堂練習費用...