關於箍牙

vf_mom

我囡想箍牙, 有冇人箍過 Damon 3 System, 有冇人知邊個醫生用 Damon 3? 我囡睇左林友港, 他專做 Damon, 可以快d完成, 小朋友亦舒服d。 但林醫生要我囡脫兩隻大牙, 又要打骨釘! 我唔想阿囡脫兩隻大牙, 始終大牙用來咀嚼, 脫左就冇! 打骨釘聽來好似好恐佈, 小朋友會吾會好痛和好辛苦? 有冇人試過, 可以俾d意見, 唔該哂!

王家爸爸

vf_mom 發表於 15-1-5 16:12
我囡想箍牙, 有冇人箍過 Damon 3 System, 有冇人知邊個醫生用 Damon 3? 我囡睇左林友港, 他專做 Damon, 可 ...

我小朋友箍過，但醫生只用一個不銹鋼箍，可以很容易地除下來。

vf_mom

王家爸爸 發表於 15-1-5 16:48
我小朋友箍過，但醫生只用一個不銹鋼箍，可以很容易地除下來。

你小朋友是箍 Damon 嗎? 是否比傳統鋼箍快完成? 可否PM給我醫生資料? 我上網找不到用 Damon 的牙醫名單。

wyl

你囡囡咩情況要脫兩隻大牙？我囡也在林醫生度箍Damon 3（已完成），因為有少少哨，林醫生建議要脫牙，但我選擇唔脫，林醫生話可以但箍完可能冇咁perfect，咁我話我要牙唔要最perfect，所以最後都冇脫。你有冇問過林醫生可否唔脫？

mielmiel

我囡都在林醫生度箍牙，可以唔需要脫牙，反而另一個醫生就要脫，你多睇一個醫生吧，我相信若冇必要，林醫生也不會特別要求脫牙的。

vf_mom

我囡上面兩邊有兩隻智慧牙出唔到, 林醫生話要脫左最後面兩隻大牙讓兩隻智慧牙生出來。阿女上排d牙前面係齊的, 只是大牙有少少向外生, 中缐位都正, 返而下排牙就唔夠位, 有隻門牙生入左, 兩隻大牙又唔夠位出, 之前巳脫]兩隻下面智慧牙, 但林醫生又話唔使脫牙, 夠位拉返正

我地都睇過另一過陳×廣醫生, 佢話要脫4隻小臼齒, 但陳醫生用的係3M 唔係 Damon, 要箍成兩年半, 但就冇話要落骨釘!

wyl

vf_mom 發表於 15-1-6 10:32
我囡上面兩邊有兩隻智慧牙出唔到, 林醫生話要脫左最後面兩隻大牙讓兩隻智慧牙生出來。阿女上排d牙前面係齊 ...

因為Damon 3係將個牙床撐大，然後拉返齊啲牙，所以多數唔需要脫牙，但你說大牙阻住智慧牙出唔到，咁就可能係different case，你試吓攞多個second opinion好啲。

anna_gigi

小女(已14歲)兩隻前門牙凹了入去,如箍牙請問需要多錢

mielmiel

anna_gigi 發表於 15-1-7 17:35
小女(已14歲)兩隻前門牙凹了入去,如箍牙請問需要多錢

我女14歲上年在林友x醫生箍牙$48,000, 先付$28,000其餘每次覆診付$1,000，但箍牙前要先檢查、x-ray、牙模等約$2,000

vf_mom

mielmiel 發表於 15-1-7 18:28
我女14歲上年在林友x醫生箍牙$48,000, 先付$28,000其餘每次覆診付$1,000，但箍牙前要先檢查、x-ray、牙模 ...

咁請問林醫生整得好唔好，阿女都係$48,000，重未計其他野如牙托，骨釘，脫牙等等，全部計哂要五萬幾，真係好貴，但我地想箍 Damon 3，又揾唔到其他醫生用！

mielmiel

vf_mom 發表於 15-1-7 19:17
咁請問林醫生整得好唔好，阿女都係$48,000，重未計其他野如牙托，骨釘，脫牙等等，全部計哂要五萬幾，真係 ...

阿女未箍完牙，但唔洗脫牙，又唔需要牙托及骨釘，so far 都唔錯

IT7711

請教用Damon3怎樣較其他好？一般需時多久才可以完成整個過程？我參考其他貼文，感覺林友港醫生應該是頗不錯，請問如何約呢？要不要牙醫轉介信？

wyl

IT7711 發表於 15-1-11 00:01
請教用Damon3怎樣較其他好？一般需時多久才可以完成整個過程？我參考其他貼文，感覺林友港醫生應該是頗不錯 ...

yiuyiu2000

mielmiel 發表於 15-1-7 18:28
我女14歲上年在林友x醫生箍牙$48,000, 先付$28,000其餘每次覆診付$1,000，但箍牙前要先檢查、x-ray、牙模 ...

請問你女上箍同每次調教後係唔係真係無咁痛? 現在見到效果嗎? 我女都係14歲, 佢又怕痛又怕脫牙, Damon好似啱佢做

mielmiel

yiuyiu2000 發表於 15-1-11 23:01
請問你女上箍同每次調教後係唔係真係無咁痛? 現在見到效果嗎? 我女都係14歲, 佢又怕痛又怕脫牙, Damon好似 ...

我女問題不是太大，只是有隻爆牙及門牙有少少哨出嚟，林醫生可選擇不脫牙，但美觀效果只有96-98%，脫牙就有98-100%，咁我當然不會脫牙啦。 佢上箍到而家約10個月，半年左右隻爆牙已經落咗嚟回到原位，但佢唔勤力帶橡根所以哨牙進度比較慢。


第一次上箍佢啲同學嚇佢話會好痛，但佢又覺得可接受係啲牙好酸，第一日冇咩特別痛第二天才感受到，吃了一個星期粥/軟飯之後正常，每6星期覆診調教後都有啲酸，就有一兩天唔食得硬嘢，但又唔需要食粥咁誇張。 佢平時外出食飯都冇帶剪刀習慣，只係唔可以太大力用門牙扯食物，如可以一啖咬斷放入口就完全冇問題。


順便一提，林醫生只係初診及上箍一定係佢，之後覆診可能會係另一個年青矯齒科醫生，佢個診療症室好大兩個醫生一齊做，就睇下輪到你時邊個醫生得閒就邊個幫你，不過冇問題的，我女返而鍾意年青醫生，佢話溫柔過林醫生，因為林醫生手腳好快喎。

yiuyiu2000

mielmiel 發表於 15-1-12 10:01
我女問題不是太大，只是有隻爆牙及門牙有少少哨出嚟，林醫生可選擇不脫牙，但美觀效果只有96-98%，脫牙就 ...

mielmiel,

多謝你的回覆!
我打去林醫生度問過了, 姑娘話依家已經唔係用Damon 3, 轉左最新的叫Damon Q 喎, 話比以前更好D. 但有D唔明, 聽講Damon system 係唔需要落橡根, 點解你話你女唔勤力帶橡根呢?

vf_mom

我囡最後決定搵林醫生做, 我本來叫阿女唔脫兩隻大牙, 我打電話再同林醫生商量, 他好好人, 在電話裏再詳細講我知為甚麼要脫牙。因為我囡上排牙除左唔夠位頂住智慧牙生出之外, 門牙有少少哨, 大牙又向外生, 阿女有時食野都會咬到下面的牙肉。雖然 Damon 3 可以做到唔脫牙將排牙拉返齊, 但效果差好遠, 到時會覺得好哨, 到時阿女可能會唔滿意效果, 再整會好麻煩及時間重長。而且林醫生話兩隻智慧牙要迫出來的時侯, 會整到上排牙又再移位, 又要再箍。但現在又唔可以脫左兩隻智慧牙先, 因為兩隻智慧牙重生得好入, 好近鼻竇位置, 做手術脫的時侯會有風險, 驚整到鼻竇手尾長。最後阿女決定要靚唔要牙, 我說服她不到, 由她自己決定, 自己承擔!

yiuyiu2000

vf_mom 發表於 15-1-12 16:08
我囡最後決定搵林醫生做, 我本來叫阿女唔脫兩隻大牙, 我打電話再同林醫生商量, 他好好人, 在電話裏再詳細講 ...

vf mom

要脫兩隻大牙喎, 你要考盧清楚呀, 用Damon 箍牙就是不想脫牙, 否則同傳統箍分別不大了。
另外都想問問你林醫生有無話係做Damon3 或是Damon q?

mielmiel

yiuyiu2000 發表於 15-1-12 15:27
mielmiel,

多謝你的回覆!

我女用Damon Q, 橡根唔係用於牙箍表面上的，是箍在上、下排牙齒之間，即係你張大口會見到有條橡根在口腔內張開，除了食嘢除下來，幾乎24小時都要戴住，佢就係每次除咗唔記得帶返。

yiuyiu2000

mielmiel 發表於 15-1-13 11:07
我女用Damon Q, 橡根唔係用於牙箍表面上的，是箍在上、下排牙齒之間，即係你張大口會見到有條橡根在口腔內 ...

咁就真係唔明了, 最近上網search左好多有關Damon system的資料, 都話係不用橡根, 這就是其中一個同傳統不同之處, 點解你女仲需要用橡根呢?