有無需要驗？驗了是否有program更好地栽培小朋友

annie40

回覆 lillymarie 的帖子

千萬不要氣餒，外子年少時肯定有ADHD, 仲有暴力傾向。還好是對自己有要求，也有夢想，要做的事會非常努力地做到。當年醫生唔識醫ADHD, 但有提議他停吃朱古力和奶類，停吃后情況有改善。
近年全家趨向健康飲食，發現不少疾病由化學食品引致，也可用健康食物改善，有空可上網查閱各種硏究和建議。

MASAYA

lillymarie 發表於 15-1-26 20:46
他真的有ADHD嗎？ADHD是「專注力不足過度活躍症」，正正就是不能專注做自己的事。

Anyway, 講番資優。

之前睇佢訪問自己話有, 但我搵唔返段訪問... 搵到再post上黎

wan_sosin

lillymarie 發表於 15-1-26 20:46
他真的有ADHD嗎？ADHD是「專注力不足過度活躍症」，正正就是不能專注做自己的事。

Anyway, 講番資優。

有部份專注力不足的人任,其實準確d係專注力失調,一係大意到暈,一係就為一件喜歡嘅事控制唔到自己,飯都可以唔食去做,完全忘記時間,早兩年森美也公開談論過他的專注力失調,佢都有不顧一切瞓身的時候,但佢話有時都需要食藥,佢不能仔細地睇稿,只係記個大概,然後自己應變,但聽聞他也是資優.

我個仔都有d類似情形,想做一件事時,停不下來.聰明亦會把ADHD掩飾到,我仔都係,佢識諗辦法曳得來唔比人捉到,一般老師係剛接觸佢都會唔覺得佢有ADHD,要相處一段時間才會發現佢做過什麼.正面來睇,佢嘅智能幫到佢克服自己嘅弱點,人越大越明顯,但適當時候都要將佢壓抑咗嘅能量放返出來,咁先平衡到.

lillymarie

回覆 annie40 的帖子

多謝妳分享。不會氣餒。

lillymarie

回覆 wan_sosin 的帖子

廢寢忘餐地做一件自己喜歡的事，不是ADHD的主要特徵，好多人都會這樣。

wan_sosin

原帖由 lillymarie 於 15-01-27 發表
本帖最後由 lillymarie 於 15-1-27 10:54 編輯

回覆 wan_sosin 的帖子

所以叫失專注力失調，而不是不足，嗰種"瞓身"亦不是常人做到的那種，是過度的，"分心不是我的錯"的作者也提到過！只係常規上，ADHD 不會理會這一點！亦不是個個如此！

annie40

回覆 gigiic 的帖子

b)父母非常用心培育子女,生活作息有序
c) 孩子早遇貴人，給予良好的示範指導，因此讀書路上開竅極早。xxxxxx.  xxxxxxx


Gigi,


能成為b), c)孩子，真的十分幸福啊！


點解還要怕輸，怕瘀，怕失敗？自己不是專家，只能分享個人意見如下：


聰明人對周遭物事，人事很清楚，孩子的知識比情感(按年齡）是走前多，因而雜念過多，消化不良，影響了正面mindset的運作，因而船頭驚見鬼，船尾又怕賊，這些恐懼，是幻想預想多於會真實發生，然曰積月累，便容易因不安而煩躁，對不認識的人和物事，有預設的抗拒，這些抗拒，就是日後的學習障礙。


咁點算？其實父母最要做的是保育孩子「赤子之心」，聰明的，不聰明的,就是不讓孩子知道。生活上愈純愈好，沒愛心的成人，要敬而遠之。生命內多好人好事，孩子的想法必然正面多吧！純真的孩子喜愛的東西很多，凡事為喜愛而做，前面的路難否的concept, 完全不存在的，第一次跑步很開心，知道有個叫保頓的，下次已經告訴媽媽要打破他的記錄了。事情發展的結果不重要，孩子相信自己才重要。


沒有人喜歡失敗的感受，任何失敗，一定難受。然而相信自己的孩子，會去改進，會去努力，去證明自己相信的事，因此會失敗，但不會怕失敗。

MASAYA

annie40 發表於 15-2-1 14:48
回覆 gigiic 的帖子

b)父母非常用心培育子女,生活作息有序

前輩的分享我又覺得很受用了
//第一次跑步很開心，知道有個叫保頓的，下次已經告訴媽媽要打破他的記錄了//

大人才會知這個難度有多大, 小朋友根本不用理會, just do it就好了, 可惜太多大人會跟小朋友說this is impossible...

lillymarie

<純真的孩子喜愛的東西很多，凡事為喜愛而做，前面的路難否的concept, 完全不存在的>

唔.....想起細仔年幼時好喜愛砌LEGO，但每次玩玩下就會發脾氣大哭。原因是他砌不到自己心中的模樣。砌不到，有時是因為他的手眼協調未夠好，有時則是完全沒可能以他的方法砌。

annie40

回覆 lillymarie 的帖子

孩子有個time clock, 情緒發展就是沒道理。行過笑笑口，當睇唔到，轉頭就無事，通過時間成長，有些事孩子會自然明白，不用講大道理。

bennyeva

睇左各位前輩家長0既分享, 確實獲益良多. 其實我心入面一直有好多疑問, 生怕同人講0既同時...又怕唔講出來會阻礙個囡0既發展....睇完大家分享之後,今次的起心肝問一下各位…....

小女其實只有2 歲5個月, 佢係唔係資優呢個問題, 係我近半年開始0既諗法, 其實我除左同老公傾過之外一直都無同朋友家人講過... 因為一來我唔想比人以為我想認叻, 二來我好怕同長輩人講左之後佢地太開心而LABEL 左個囡影響左佢之後0既發展..... (D 長輩而家已經成日跨口我囡...)

我不是虎媽, 從小到大無教過什麼A-Z. 我注重0既係同佢溝通同親子時間, 所以自一歲多D每日都抽時間同佢講德育故事, 為的是改善佢0既脾氣同急躁性格,如是者, 佢未夠2歲已經開始同公仔講故事書, 而亦因為我要求要坐定定先可以講故事, 佢而家可以坐定個幾兩個鐘聽故事。佢0既語言能力方面… 好早就開口, 一歲半左右已經講全句子，兩歲前已經同成年人對答一樣, 我開始留意到佢會用不同方法問同一個問題, 我講錯故事又會糾正我….就係因為佢0既專注力同語言能力比同齡小朋友強…我開始覺得奇怪.. 幸運地佢無行為或其他發展上0既問題

呢個幾月我睇左好多關於資優小朋友0既書同資料, 我大致都覺得小囡同資優小朋友有好多共通點, 其實我又開心又有D擔心, 我睇好多育兒書教我點教一般小朋友, 一直都好WORK, 但我而家開始覺得我有點追唔到佢0既能力發展, 好似育兒書教我比兩個選擇小朋友揀, 可以訓練佢地自信時又可以有合理0既控制, 一歲多時都WORK, 但而家佢已經唔選A OR B 而要C…. 我而家要用教 3-4歲0既方式去教佢; 又好似玩貼紙書咁, 兩歲0個D佢已經玩哂, 3-4歲0個D 先至覺得有趣…

我開始意識到有問題.. 個問題唔係0係個囡度, 係0係我度……….. 我想個囡有快樂童年, 同同鹷小朋友玩, 但我又怕咁會阻礙佢發展0既機會. 就好似…. 我應該繼績買其他出版社0既2-3歲書, 定係買3-4歲書呢??? 呢個問題就好似我地教育大方向一樣, 我應該比有挑戰0既環境佢, 定　比佢同同年玩… 但我又怕佢覺得無挑戰而變得懶惰

我老公比較隨緣, 我地有共識無必要就唔好TEST, 但我又怕唔TEST 的話無學下點教同支援資優小朋友, 個囡會變成「低成就資優」, 我之所以咁擔心, 係因為我家族係有人有資優背景. 但而家佢兩個就正正做左「低成就資優」, 一個因為父親家偏心無得到父愛, 另一個就因為一般課程太易而無比心機去讀書個人好懶惰,  我唔想個囡好似佢地咁, 我知道「資優」都要「努力」先有成就. 如果唔係就會有反效果的….好矛盾… 好多問題, 好似有D杞人憂天, 不過我一向都係要準備充足0既人來的…

lillymarie

回覆 bennyeva 的帖子

講真做唔做測試，妳都知道個女有「讀書的能力」（這是我丈夫對我仔仔的形容）。就算測，正式的評估，暫時要6-8歲或以後做才準確，起碼四年後的事喎。
要不要和同齡的小朋友一齊玩，妳控制不到的，除非妳的意思是想女兒跳級？我朋友的兒子性格開朗兼貪玩，大細都啱傾。我兒子就較小心眼，鍾意與他的同類人做朋友，年齡不是問題，最緊要啱頻度。

育兒書，妳見她發展到甚麼地步，自然就買那階段的書啦。我以前一口氣睇哂1-6歲的書，未雨綢繆。

無挑戰 －－－－＞變懶？
有機會。其實唔係懶，而係無野要佢努力，無機會去努力，結果唔識努力。有心理學家做過研究發現有些資優的小朋友，求學初期成績很標青，不用怎樣study就有高分。但錯失學習study skills的機會，去到高小，中學，甚至大學階段，發現自己不能再好似以前那麼輕易過關，感受到下苦功的「苦」，開始懷疑自己的能力。我朋友的兒子讀大學時發現自己不能再輕易取A，曾跌落情緒低谷。幸好他天性開朗，努力一番後又見起色。

學樂器就會明顯見到這情況。有好多小朋友聰明學野快，短短一兩年就學到五六級，到7級時，有些小朋友因為之前沒耐性練好基本功，技巧追不上，同時又發現學習的內容深了難了，進度不復以往。到這真正要下苦功的時候，孩子覺得辛苦，悶，不好玩了，於是說沒興趣不想學。有一部份孩子有這情況。

bennyeva

原帖由 lillymarie 於 15-02-06 發表
回覆 bennyeva 的帖子

講真做唔做測試，妳都知道個女有「讀書的能力」（這是我丈夫對我仔仔的形容）。就算 ...

lillymarie , 謝謝你嘅回覆。我都明白仲有好幾年先有得做評估，所以我也怕自己有點杞人憂天。但因為屋企嘅經驗，我唔想個囡因為自己教育方法問題而錯失d咩野，變成嗰兩個失敗例子，所以我先會咁緊張…我又唔可以同屋企人講，一來好難直接話佢地當年唔識教，二來怕佢地重轁覆轍咁教我個囡=_=

我個囡同你兒子一樣，只係中意同年紀大少少嘅哥哥姐姐玩，或者同佢同類人做朋友，我怕佢將來嘅人際關係有問題，所以成日教佢要幫助別人同每個人都有自己叻嘅地方等等…但成效未知…

育兒書，我也是買了0-6歲育兒書睇，你意思即係唔好睇年齡，佢去到咩階段就用咩階段教？即是用跳級嘅方法教嗎？我猶豫的是，咁會唔會影響佢正常發展？就算佢係語言資優，未必係其他方面係資優，我驚佢嘅唔同步影響到佢嘅社交。

舉個例，我囡中意同大個佢嘅朋友傾計，但當佢見人地踏單車（他們4-5歲吧）但佢自己隻腳又未長到可以自己踏單車嘅時候，就會唔開心。但同時，同年齡嘅朋友未識講好多野，個囡又覺得同佢地唔好玩之類，慢慢又疏遠佢地=_=

對啊！正如你所説，我説的失敗例子之一就是這個！「求學初期成績很標青，不用怎樣study就有高分。但錯失學習study skills的機會，去到高小，中學，甚至大學階段，發現自己不能再好似以前那麼輕易過關，感受到下苦功的「苦」，開始懷疑自己的能力。」

我睇住佢大，一路都唔明白點解佢咁聰明，以前唔讀就得，而家同我講讀唔入腦，而家對資優了解多左，就明白當年佢就係因為唔識讀嘅方法同態度（ie. 上住網聽住歌咁溫書），結果浪費了自己嘅天份。

以前有時我會諗如果我有佢嘅天份，我會點點點。而家我囡有天份了，我就又開心又怕，唔知點處理=_=

gingerm

其實小朋友係唔係資優都好，順著教就好了。學術上，佢要求的，有興趣的就教囉。心理上，品德上，覺得正確的，就教囉。育兒書，我自己都會睇零至六歲的，小朋友未必一定個個一樣，同一年齡有相同發展的，多睇書，點都有幫助的。

不要太擔心會否浪費孩子的天資，做父母的都會給自己孩子最好的。我曾經都有你的擔心，現在放下了。會盡力協助自己小朋友，幫助佢改善短處，balance 佢生活。

多尐上來分享，我的 consultant 跟我講， mutual support 真的好重要。

大家加油！

lillymarie

回覆 bennyeva 的帖子

小朋友的發展有快有慢，每個人的生長速度頭十年都不一樣，甚至說到青春期亦仍然有很大的差別。妳看書說幾多歲的孩子可以做到甚麼，那只是一個大約。是一個統計學得出來的結論，表示大多數孩子在那個時候可以做到這事。但有些孩子可能好早就做到，有些就要等多半年。這些孩子仍算是正常的。
這亦是為甚麼IQ test要等小朋友8歲以後做才會準確一些。8歲前孩子發展的個別差異仍然很大，超前的可能是資優，亦可能只是某方面發展速度快； 落後的，可能是developmental delay（即是遲些會追返上來），亦可能真是有問題。

2歲幾人仔仍然很自我。講真我地大人都唔係人人都啱傾啦，只要他們社交技巧沒問題就OK。我們可以做的只是儘量給孩子多點機會接觸其他人，上學，去公園，探望親人，朋友間相聚等等。

怕浪費了孩子的資質，這想法我曾有。
我兒子遇過幾位小提琴老師都說他有天份，有位甚至建議我替他找條天才訓練的路。我好認真去研究，發現背後父母和孩子都要付出很大的努力。任何一條天才之路都不易走，問題是走這路的人不是我，我要把孩子推上去嗎？孩子想走這路嗎？成功與否還要看天時地利人和呢！看過好多小提琴家的成長故事，又對兒子作出一番觀察，我最後決定放下這星星之路。最主要的原因是我兒子對音樂並不是十分熱愛。我丈夫常說：「生得高的人，不一定喜歡打籃球。」我兒子有一次亦說：「我覺得L很可憐，除了踢足球，所有的時間都給了小提琴。這樣的人生好單調啊！」這是他的選擇。


我和妳差不多，是會想很多，計劃得遠的人。做評估的心理學家曾說我兒子是工程師，我曾經又嘗試讓他多接觸數學，怎知道他還是興趣不大。有些人說他畫畫有創意，我又想他會否是architect。今年勸服他在學校選art class，因為過去花好多金錢時間在音樂，沒機會讓他學art. 怎知他不停地投訴說沒有同班好友和他一起上，早知道跟大隊take music。我講笑地問他是否去厠所也要共同進退。 我在想要怎樣好好培訓他，他著意的却是怎樣享受生命，要和他的good friends一起。

Radiomama

順著教吧！無論是否資優，你都會有一套培育方法：品德愛心培育、選擇興趣班、選擇學校、交朋結友⋯就算是資優，你都不會把她高舉，讓她以為自己了不起，對嗎？

2-3歲的獨生子女，偏向喜歡跟大一點的孩子甚至大人玩，因為大家會遷就她/他。這情況好普遍。

S-Kwok

原帖由 Radiomama 於 15-02-07 發表
順著教吧！無論是否資優，你都會有一套培育方法：品德愛心培育、選擇興趣班、選擇學校、交朋結友⋯就算是資 ...

annie40

回覆 bennyeva 的帖子

你的心歷路程，幾乎九成以上家長也是似曾相識的。有關孩子的行為，和別的孩子沒有多大分別的，多去學校，公園，看顧朋友的BB，就發現各人有各人特質，潛力無窮。想通了，困擾便迎刃而解。
培養孩子的情商是一生一世的工作，比申延有限度的智商更重要。

wan_sosin

原帖由 bennyeva 於 15-02-06 發表
lillymarie , 謝謝你嘅回覆。我都明白仲有好幾年先有得做評估，所以我也怕自己有點杞人憂天。但因為屋企嘅 ...

上面D媽咪真係好叻！獲益良多！
正如上面講，你囡囡嘅情況，好多媽媽都經歷過！
我講下我仔，兩歲時投訴小朋友：唔講嘢嘅！唔講嘢嘅！到依家6歲，佢好鍾意坐隔離位，好文靜嘅女同學！
鍾意玩大D小朋友嘅嘢，好正常，一般小朋友都希望自己大個，未識踩單車就想學識，我仔識踩單車，就想有部轉波嘅單車！
我仔就快7歲，我已開始留意青少年嘅管教方法！佢間唔中都表現出，我有分數，唔洗你管！
學業方面，我睇法都似你，本來喜歡一間二線小學，但唔想個仔唔多洗用功就有好成果，變咗第日唔知凡事要努力！但因為有ADHD底，攞個平衡，最後入間一線尾，老師有愛心學校！
上面講，情商緊要，我絕對贊成，我仔學校今日見家長，我同班主任講，成積我唔緊張，我想知上堂和平日同同學相處情況，老師詳細解釋我知，點樣得出個操行分！
我經常同自己講，天外有天，人上有人！聰明人多的是！
唔洗樣樣歸入晒係資優所引致！小朋友嘅轉變，家長都唔會估到！

annie40