重讀K3

朱寶媽媽

我個囡0912月細B，本應明年上小一，但依家發現有D專注力不足，上堂坐唔定，喜歡挑戰大人嘅底線，常駁咀，佢4歲10個月時做個test話認知同理解發展方面已有5歲一個月，但係會追得比較辛苦，我想問有冇人試過repect K3, 同埋依家重會有學校收嗎?

MrBeast

Kg 插班應3/4月後，不過你最好打去心儀kg問清楚，以免miss the boat.

請問你做的是什麼test? 我有少少側疑可pin point 到一個月咁準，in any case, assume its accurate, 咁不是算已超前真實年齡少少嗎？真有需要repeat?

如決定repeat, 記得去信ebd withdraw 統一派位（冇交form 都要）

hongk

其實重讀沒什麼問題。她因為大點，反而更容易培養她的leadership，和做事情的信心了。如果她總是最小的，尤其跟不上別人的步伐的話，再大點可能會被其他孩子排斥，最終做事沒信心。所以重讀其實是一個很好的選擇。

好多學校都願意收細崽的，留意一下學校網頁就好了。或者直接打電話去問了。

Fortop

朱寶媽媽 發表於 14-12-24 08:07
我個囡0912月細B，本應明年上小一，但依家發現有D專注力不足，上堂坐唔定，喜歡挑戰大人嘅底線，常駁咀，佢 ...

我的小朋友是12月尾細仔，之前就讀學劵幼稚園，個子長得比其他同學細小，雖然整體評估上升小一可能沒有什麼問題；但了解到現在大部份小學（特別是津校）都谷和多功課，每天完成所有功課就沒什麼時間玩樂。我不希望囝仔咁細就要過早面對太大壓力沒了開心快樂的童年，所以物色了一間英文幼稚園讓他重讀K3。

至目前為止，我認為當初的選擇正確！囝仔讀得很開心很enjoy，學術上也有很大進步，英文更是有長足提升（當然相對同學還是有距離）。雖然，學費加其他使費（雜費、校車費....之類）多了，但相對如果搵課外補習的話，條數還是一樣的，但未必比在良好的學校環境氛圍效果理想。而且，考直資私小都感覺有優勢多了（我衹報了幾間最有名氣的讓他試，因為個人認為二三線的就不如讀津校了），上年報了四間全部失敗，今年多報了幾間都終於有一間非常心儀的男校入到最後一輪，雖然最終能否成事還是未知之數，但總算是成功機會大了。所以，如果是細仔細女，重讀一年K3確是值得考慮的一個選擇。

提醒一下：要注意通常幼稚園插班收生是每年的3-5月份，要多留意心儀學校的網頁或致電詢問，及時遞交求位信及相關資料以免錯失。建議重讀選擇學術程度比之前要高一些的（不建議原校重讀），最好選擇口碑良好的英文幼稚園，因為一方面無需擔心因為學術程度低或相若小朋友會讀得悶或hea，另一方面可以鞏固英文基礎有助升讀小一。最好多選擇幾間學校作後備，因為每間學校的插班學位富餘情況不一，而且均需面試，熱門的學校競爭激烈（有其他轉校生或重讀生）不易進入，但值得一試。另外，要通知教育局不參加派位(沒填寫表格可能不用通知）。

希望我的經驗對你的選擇有所幫助吧！

hkpapa852

專注力不足，上堂坐唔定，喜歡挑戰大人嘅底線，常駁咀

好多4-8歳小朋友都係咁, 我個D當年都係

hkpapa852

講多少少:
專注力不足: 對要做既野不感興趣, 俾著你都心不在焉啦!
上堂坐唔定: 佢可能覺得學校太悶, 又無老師攪得佢掂
喜歡挑戰大人嘅底線: 其實有番咁上下聰明同大膽既小朋友先會咁做
常駁咀: 其實有番咁上下口才而又大膽既小朋友先會咁做

chiliwu

原帖由 Fortop 於 14-12-24 發表
本帖最後由 Fortop 於 14-12-24 10:34 編輯

好同意你講話搵間深少少嘅學校重讀。

個人經驗: 我係大大B, N年前未夠2歲8個月讀K1，跟住K2,K3。讀完K3弊傢伙，眼見其他同學升晒小一，自己因未夠5歲8個月，未能升讀小一，所以就原校重讀K3。

嗰一年好唔開心，唔係好想返學。1來同學仔唔同晒，2來又係學嗰D嘢覺得悶，於是就成日諗/做好多嘢出嚟，希望可以"逃學"

奥脫福

同樓主相反，我識有升Ｋ３的小朋友成功「飛走」Ｋ３，直上小一。

佢先在Ｋ２時報了幾間私小，並成功獲得在九龍城區某超迷你私小取錄。因佢有阿哥在
觀塘區一間一線尾二線頭津小就讀，在呢年內這家長很投入家教會事務，校長、不少主
任都識佢。

今年九月，正當大家都談論緊呢位小朋友咁叻「飛走」Ｋ３，轉個頭原來佢成功以「插
班生」身份，在十月份就在該津小返學了！原來對於「插班生」，「五歲零八個月」這
個規定。。。ｗｈｏ ｃａｒｅｓ？！

hkpapa852

奥脫福 發表於 14-12-24 11:59
同樓主相反，我識有升Ｋ３的小朋友成功「飛走」Ｋ３，直上小一。

佢先在Ｋ２時報了幾間私小，並成功獲得在 ...

但教育局可以唔俾資助非適齡兒童喎?
男拔上年話收K2生言論後教育局講個喎!

悠悠110409

朱寶媽媽 發表於 14-12-24 08:07
我個囡0912月細B，本應明年上小一，但依家發現有D專注力不足，上堂坐唔定，喜歡挑戰大人嘅底線，常駁咀，佢 ...

...

Fortop

原帖由 奥脫福 於 14-12-24 發表
同樓主相反，我識有升Ｋ３的小朋友成功「飛走」Ｋ３，直上小一。

佢先在Ｋ２時報了幾間私小，並成功獲得在 ...

相信你說的例子有些特殊對於大部份家長並不適用。重要還是家長的想法，是想小朋友過什麼样的童年及如何走往後的人生路。我就覺得人生苦短也漫長(各自解讀)，沒必要争在朝夕過早快速起跑，留點後勁沿途好好享受風光人生會更豐足。以香港的教育現况，快樂輕鬆、無憂少慮的童年玩樂生活才是小朋友彌足珍貴的需要！

mickey_lai78

樓主，可以分享下點解唔建議原校重讀k3？

brng

回覆 Fortop 的帖子

重讀K3仍可參加自行/ 大抽獎嗎？你怎樣向小朋友解釋重讀的安排？

MrBeast

hkpapa852 發表於 14-12-24 12:09
但教育局可以唔俾資助非適齡兒童喎?
男拔上年話收K2生言論後教育局講個喎!
...

My thought too. Moreover Ebd can refuse subsidy if they want.

MrBeast

Fortop 發表於 14-12-24 12:38
相信你說的例子有些特殊對於大部份家長並不適用。重要還是家長的想法，是想小朋友過什麼样的童年及如何走往 ...

照你咁講理應做大。and i agree

MrBeast

brng 發表於 14-12-24 13:28
回覆 Fortop 的帖子

重讀K3仍可參加自行/ 大抽獎嗎？你怎樣向小朋友解釋重讀的安排？ ...

Exaxt 字眼是派位，not 參加

Fortop

mickey_lai78 發表於 14-12-24 13:25
樓主，可以分享下點解唔建議原校重讀k3？

原校重讀好大可能課程內容一樣，小朋友可能會認為沒新意覺得悶而不太用心讀，甚至餋成hea讀的習慣，將來升小一就麻煩了（換言之可能浪費了一年時間但小朋友卻不能享受到快樂及重讀的好處）；另外，原校讀環境熟悉會比較容易產生是重讀生的感受，轉換新校新環境會減少這種情況出現，而小朋友的適應能力是很強的，很快就會融入新的學習環境而忘記其重讀生身份了。而建議入讀其他學校還要學術程度高一些的作用是可以學習一些新知識，如果語言環境理想就更好，這樣就可以全面提升而不會浪費時間，將來升讀小一就更有優勢了。

Fortop

brng 發表於 14-12-24 13:28
回覆 Fortop 的帖子

重讀K3仍可參加自行/ 大抽獎嗎？你怎樣向小朋友解釋重讀的安排？ ...

如果曾參加過自行、派位而重讀就不能再參加了（一生衹有一次機會），但可以考直資和私小！如果之前沒有參加過就肯定可以的。
至於如何向小朋友解釋重讀，其實也沒多大難題吧？我衹系與囝囝講：因為你系細B，爸爸想你讀多一年幼稚園，可以過多一年開心的幼稚園生活，遲D讀小學時會輕鬆好多。小朋友也好簡單的，衹要有得開心玩就沒問題了，無須講太多大道理，平時做好身教多陪伴留意變化就可以了。


順便一提，有家長也認為重讀小一會更好，應也有好處。但我就認為重讀K3會更理想，一是重讀小一可能要面對六年的重讀生標籖，而小一重讀心理影響會較大；二是重讀K3有助於投考直資和私校（雖然好多直、私校也接受小一生報考)，而且無需過早面對小一的功課壓力(小一總比幼稚園功課深和多）。

MrBeast

Fortop 發表於 14-12-24 14:20
如果曾參加過自行、派位而重讀就不能再參加了（一生衹有一次機會）

This is a common misunderstanding.  正確的解讀是一生人只可被派一次位，這和參加不同，即是話若在未被派位前withdraw 統一派位申請，便可下年再參加，但留意是個system 派位的時間為準，而不是申請人到中心攞結果的日期。

MrBeast

另外，已就讀小一的學生，就算之前未參加過統一派位，亦不能參加 （eg, 一早決定讀C校嗰d）。

Thx hkpapa for the note