考認字

mamath

請問考小一，認字是否很重要? 有沒有例子?

想找一間學術不錯但不要太谷的幼稚園, 但得到的分享是, 要很谷的幼稚園才能應付小一考誋字. 是否當真? 額外進補是否必須?

daddyday

原帖由 mamath 於 14-12-17 發表
請問考小一，認字是否很重要? 有沒有例子?

想找一間學術不錯但不要太谷的幼稚園, 但得到的分享是, 要很谷 ...

多間考認中，英文詞語，有些更要考讀句子。多看故事書已可認到。

breadbb

原帖由 daddyday 於 14-12-17 發表
多間考認中，英文詞語，有些更要考讀句子。多看故事書已可認到。

請問例如邊幾間

Charlotte_mom

K3考小學時識睇簡單中英文圖書(一版有2,3句)係好基本, 個人估計70%學校面試中都有包括呢一項

IRK

差不多間間也考認字，足唔到路，有勁深(例如蜻蜓，flamingo)有淺的，多看書便可以，英文靠拼音估。有些學校，連gramma也考。例如圖片物品在椅子下，但英文句子用 on the chair, 叫小朋友圈出錯處。

IRK

原帖由 breadbb 於 14-12-17 發表
請問例如邊幾間

印象中：spcc, TT, YW, CKY (2nd in俾本書你讀添)，禮賢，播道，救恩，宣道都有考認字，db 2nd in都有考看圖加字咭講故事。

bearcat2003

現實是，P1的課程其實已經要[寫]很多字，K3也應[認]字看圖書。撇開面試要求，K3能認字是基本功。

little_yolky

mamath 發表於 14-12-17 16:31
請問考小一，認字是否很重要? 有沒有例子?

想找一間學術不錯但不要太谷的幼稚園, 但得到的分享是, 要很谷 ...

其實幼稚園唔駛咁谷, 閱讀認字九成係靠家長伴讀大計的。

BTW, 如果K3都唔識字, 升小一就死得了, 因為小一中文已經要做閱讀理解。

bearcat2003

原帖由 little_yolky 於 14-12-17 發表
其實幼稚園唔駛咁谷, 閱讀認字九成係靠家長伴讀大計的。

BTW, 如果K3都唔識字, 升小一就死得了, 因為小一 ...

對！閱讀理解

chanwendy

樓主想選一間唔谷的幼稚園, 咁同時都要選一間唔谷的小學先得喎.  如果你要名校神校, 幼稚園唔谷你入到都未必讀得上.  如果心儀的係二三線小學, 唔谷的幼稚園其實係可以的.  我細仔我向來都覺得佢係文盲一個, 中文好好多, 但英文真係聽得明勉強簡單地表達到, 但字真係認唔到, 我係考學校前的一個月先迫佢串啲好簡單的字去應付考試, 都叫做 OK.  考的中英文字都唔係深的.  所以樓主首先諗清潔想搵咩小學先.

Charlotte_mom

樓主想選一間唔谷的幼稚園, 咁同時都要選一間唔谷的小學先得喎
好多家長都係咁以為, 但事實係唔谷的小學都幾千人爭, 唔夠競爭力, 點考

safeway

原帖由 chanwendy 於 14-12-17 發表
樓主想選一間唔谷的幼稚園, 咁同時都要選一間唔谷的小學先得喎.  如果你要名校神校, 幼稚園唔谷你入到都未 ...

可否分享你考左咩學校？

mamath

原帖由 Charlotte_mom 於 14-12-17 發表
樓主想選一間唔谷的幼稚園, 咁同時都要選一間唔谷的小學先得喎
好多家長都係咁以為, 但事實係唔谷的小學都 ...

唉，陪讀不是問題，只是不想太谷。

話說回來，應何時開始認字呢？

babykeikeikei

大部份都要識字,陳守仁要考英文重組句子,中英文生字,有d要考串字,有數學題eg,小明有100元,買玩具30元,食飯用左28元,仲剩返幾多？有d會問有20個橙分比5個小朋友,每人有幾多個等等

爸爸愛您

IRK

谷唔谷，視乎小朋友興趣及吸收程度，我的方法是：中文，大量伴讀，到咁上下熟便抽字認，好處是除了具體化的名詞動詞形容詞，小朋友連助語詞也認得及明白意思。英文靠phonics。不管學校谷定外補，幼兒期的語文真的是家長天天跟，一分耕耘一分收穫，沒免費午餐的。

chanwendy

safeway 發表於 14-12-17 17:58
可否分享你考左咩學校？

嶺南同學會

mamath

chanwendy 發表於 14-12-17 17:40
樓主想選一間唔谷的幼稚園, 咁同時都要選一間唔谷的小學先得喎.  如果你要名校神校, 幼稚園唔谷你入到都未 ...

老實說, 我仔已入讀比較出名的幼稚園, 已經不算是happy school. 只是有一間出名更谷的幼稚園offer, 思考是否要轉, 才有此一問.

其實認字和presentation skills之間, 哪一項在考小一時更重要? 正是兩間學校的不同的特色之處.

傻太

原帖由 mamath 於 14-12-18 發表
老實說, 我仔已入讀比較出名的幼稚園, 已經不算是happy school. 只是有一間出名更谷的幼稚園offer, 思考是 ...

認字不用亦不應依賴學校