7歲第一次參加2日一夜營

elmostoney

想幫兩個仔女報名呢個weekend參加, 去渡假村的, 專為7~8歲小朋友而設, 男女分房, 但活動一齊, 大人小朋友比例1:7, 應該係十幾個小朋友.  大女8.5歲, 細仔月尾7歲.  兩個都有興趣, 但我有d擔心天氣, 兩個識自己沖涼, 但驚佢地慢吞吞會攝親.  

有冇家長有小朋友咁上下大時第一次去呢d營?  (唔係學校辦個d).  覺得點呢?

wonderbaby

我仔第一次升2暑假去，我唔會揀冬天囉，真係怕冷親，其實等多半年暑假去都唔遲啦，小朋友又唔駛拎咁多衫，大人又駛咁擔心小朋友冷親

Radiomama

我仔第一次都是兩日一夜聖誕假宿營，當時五歲。
對父母是一個好的訓練-學會為他準備、教他照顧自己、最後是父母學習放手。

elmostoney

Radiomama, 有冇覺得你個小朋友去完宿營有物唔同? 其實我兩個細路自理冇問題, 我都唔係點擔心.  想佢地去嘅原因除左感受下真正獨立外(起碼冇父母interfere) 亦覺得宿營應會幫助佢地建立自信心, 當然亦都係學習下同唔同又唔識嘅人相處.  本來理想係復活節, 但我地個段時間唔係到, 到夏天, 唔係凍, 就係熱到爆, 又多蚊, 所以我諗諗下聖誕都未為不可. 起碼戶外活動會舒服d.

birdbird

原帖由 elmostoney 於 14-12-16 發表
Radiomama, 有冇覺得你個小朋友去完宿營有物唔同? 其實我兩個細路自理冇問題, 我都唔係點擔心.  想佢地去嘅 ...

兩日1夜，day 1 及day 2 只得大半天，而且只是宿營（舒服營），其實對小朋友冇咩大轉變。
自信心的建立是要長時間透過不同活動而慢慢建立的

Radiomama

同意，自信心是一點一滴建立；我仔自五歳起join YMCA宿營，當時Y1, 之後無論童軍宿營定露營，他都無home sick，好獨立。