作為聖家(KT)家長之分享，想選此校可作參考！

lobbytsui

原帖由 Freshment 於 14-12-11 發表
本帖最後由 Freshment 於 14-12-11 22:03 編輯

回覆 johnwooo 的帖子

因未到小六，所以暫時還未清楚了解升中派位機制

Freshment

正如我之前所說，學校對同學是有要求的，所以學生和家長在學習上是有一定壓力的。說實話，越高年級壓力越大。故此，學生的自律性和時間分配的掌握是很重要的。老實說，我聽已升中學部的師姐說，初中的學擔比小學更重。故此，如果家長們認為小學學擔重，更應考慮囡囡的升學方向。

說到常識專題研習，如果研習的要求是要學生去考察一個國內城市的話未免太過份。我認為家長們實在應該向老師反映。自高小後，我大囡所做的專題研習都只是用Word 完成，圖片、資料等都是用拼貼或手繪的形式貼上去。專題研習的排版都只是跟初小時老師所給予專題研習所用的模式。當然，資料搜集和中文打字必須親子合作完成，所以家長要有心理準備需花時間和囡囡一起完成專題研習。我相信，老師只要求一份內容充實、整齊順眼的功課。

當然，由於呈分關係，小五下學期後視藝功課不容忽視。不過，我認為將視藝功課當作閒暇 "習作" 並非鼓勵小朋友馬虎完成，反而是給予囡囡們減壓的機會。當然前題是小朋友喜歡畫畫，否則這又成了囡囡的壓力來源。在我的角度，我認為只要小朋友們能在自己能力範圍內做好視藝功課便可以了。

至於老師問題，我也明白學校亦有好些吹毛求疪、甚至惡名遠播的老師。遇到這些老師時，也只能無奈叫囡囡們在學校行事為人謹慎一些，以免遭殃。

其實當囡囡們升小學後，我們都減少了假日的戶外活動，我相信這是一般傳統小學家庭都需要面對的問題，就是要在學習和家庭活動上作出平衡和取捨。

johnwooo

cat2010 發表於 14-12-11 19:59
回覆 belle2009 的帖子

先利申，兩個囡正在讀

其中最無稭嘅係叫同學最好去一個中國城市實地考察，但講緊嘅係1月9號交。嚟緊下星期上學期考試，只係得番2、3個星期做。>>>無啦啦做咩叫人去大6考察, 咁如果冇去, 係咪低分D?

亞女小一, 我都覺得本視藝日記畫黎唔知做乜, 真係冇乜技巧教到, 同埋我從無見過佢地的作品, 有次仲搞笑, 同佢講下星期一要交視藝, 快D畫, 佢話成本野交左唔使畫, 我已變成機械人...............

多功課唔緊要, 我最驚無謂的project, 又要資料搜集, 又要多功課, dict and quiz, 一日48個鐘都唔夠

johnwooo

cat2010 發表於 14-12-11 19:59
回覆 belle2009 的帖子

先利申，兩個囡正在讀

其實有冇渠道反映, 我都好想反映好多野, 但會唔會被標籤?

cat2010

回覆 johnwooo 的帖子

成功需苦幹，呢點我同意，相信大部分嘅家長都同意。分享係旨在俾有意入讀嘅家長有個預算，始終瞭解多啲、比較多啲無壞

我諗其中一個問題係時間、內容要求同數量唔成比例、甚至唔合理，呢樣嘢令本來原意係好嘅功課、練習變成為做而做。自問阿囡做功課算快手，成績算唔差，但一路無停手都做到8、9點，我哋自己更好多時邊食夜晚飯邊睇功課（只係睇吓有無做齊），仲要加埋温書（係平常嗰啲默書或quiz，就算quiz唔計分，都無理由全打天才波）。如是者，莫講話消閒減壓，我哋每日都只係希望囡囡可以9點半前上到床瞓覺

如果只係自己係咁就無得怨，但同班以至同級同學都係咁；亦有高年級家長話個囡考試前兩星期晚晚做到過11點，因為多功課、多美勞，應付默書，仲有份group project要交。老實講，已經超越咗自律同時間分配嘅範籌

又相信呢一代嘅家長都係有跟開自己囡囡讀書嘅事，而且都樂意去做親子模式學習。但引述一位同學家長所講，要同囡囡講解以至引導到一個小朋友去做，就算只求做齊佢要嘅基本內容（要電腦打、唔好跟足老師份樣板嘅格式，否則會低分），其實都要好大量嘅時間。如果依家係活動教學，成個學期去做一份親子研究，絕對無問題。但只係3個星期，就算阿囡有聖誕假，大人都要等放工（唔係個個都係全職家長或朝9晚5）或週末先guide到佢，咁又有幾多時間去做呢？咁嘅情況下，係咪最後家長直接做？如果家長做，咁做嚟為咩呢？

另一個問題唔知算係teaching approach定學校管理，可以有如此惡霸嘅老師。小學唔係幼稚園，唔期望老師會永遠掛住親切笑容，因為咁諗係不切實際。但起碼喺學科上都應該有一個standard，以嗰個數學科嘅例子講，問過同級其他班，其他老師並無咁過份嘅要求。但其他班喺其他科上又會發生類似嘅奇怪要求。咁又係咪要抱住自求多福嘅心態？

而所謂實地考察，一度有諗過可能係份指引照抄舊年唔記得改，但囡又話老師有口述提過最好有如此安排，咁究竟問題出喺邊度？

有諗過係咪要向學校投訴或反映吓，但據聞呢啲事件或老師已經唔係新鮮事，存在咗好幾年、橫跨幾個年級，作為家長，有無信心出聲可以改變到學校而囡囡唔會被標籤？

讀傳統學校要犧牲，明白嘅，但要犧牲到咩地步同犧牲係啲咩上面？對小朋友嘅成長有無幫助？

klm402

belle2009 發表於 14-12-12 17:17
如果家長你們目標是打算比小朋友將來考DSE的話，我自己主觀認為家長可以大膽請教聖家校方school policy內的 ...

理性做法, 真係係度問咁多不如就索性直接問學校拎有關資料, 希望學校會提供比將會係聖家用家參考.

johnwooo

cat2010 發表於 14-12-12 15:20
回覆 johnwooo 的帖子

成功需苦幹，呢點我同意，相信大部分嘅家長都同意。分享係旨在俾有意入讀嘅家長有個 ...

這問題存在左好幾年都無改善, 係唔想改定下情未能上達?

即係佢地覺得不合比例的時間分配係無問題?

cat2010

klm402 發表於 14-12-12 17:21
理性做法, 真係係度問咁多不如就索性直接問學校拎有關資料, 希望學校會提供比將會係聖家用家參考.
...

如有的話請分享，可能好多正就讀同學嘅家長都想知

cat2010

belle2009 發表於 14-12-12 17:08
我自己仍未confirm我的小朋友將会讀什麼小学…………近日亦不斷银我先生討論，分析及了解我們對女兒的升學 ...

可能度度都一樣，但問多啲、打聽多啲總無錯

cat2010

belle2009 發表於 14-12-12 17:29
其實小學的家長每学年有權利以持份者身份填寫學校問卷，家長可以在這問卷反影自己對个別老師的善意要求…… ...

當真，係幾時派口架?

cat2010

johnwooo 發表於 14-12-12 17:32
這問題存在左好幾年都無改善, 係唔想改定下情未能上達?

即係佢地覺得不合比例的時間分配係無問題?

呢個問題我哋都有諗過，咁多年無理由無家長覺得有問題，但點解依然會係咁

lobbytsui

原帖由 cat2010 於 14-12-12 發表
回覆 johnwooo 的帖子

成功需苦幹，呢點我同意，相信大部分嘅家長都同意。分享係旨在俾有意入讀嘅家長有個 ...

你能說出我們的心聲，最大問題真的是時間與功課的質量不成正比，所以才導致每天很晚才完成功課，星期六日只是用來做回視藝及其他功課、溫默書成語等。自問不是虎媽，只是做回學校要求的事情，但為何還不夠時間用呢！
所以綜合了這幾年的經驗，認為如能符合以下條件，入讀聖家是沒有難度的：
1. 孩子天資聰敏
2. 父或母不用上班
3. 美藝、電腦有天份
4. 抄寫能力高
5. 對各科的認知程度是高於同級同學
這樣便能輕鬆愉快地學習