直資全軍覆沒了

四隻貓

Jane1983 發表於 14-12-18 09:33
回覆 wwsugar 的帖子

吾係硬頸吾硬頸，想要快樂童年係啱的，我都係咁樣追求。

所以我當年幫女揀左間唔谷的學校, 呀女確係唔大量抄寫, 唔大量默書測驗都學到野.
但問題係, 要交學費之餘, 小朋友無返0甘上下學術能力, 都唔駛旨意考到入呢類直資私校.
其實細佬既學術已經唔差, 但都考唔到家姐間學校.

wwsugar

回覆 Jane1983 的帖子

所以多謝你之前的支持！連我自己親人都有些是不支持的，一句「我個小朋友當年都係喊㗎啦，慢慢就會適應」就覺得我是多餘。之前考直資不成功又係不支持，現在插入了又不支持。仲說我咁硬頸如果是有老公一定常常嗌交。之前我聽得最多就係「適應吓」。
在這種制度下，如果入不到心儀的直資私小，真係應該選一所近的，不太谷的學校，否則大人小朋友都好辛苦。

wwsugar

回覆 四隻貓 的帖子

再接再厲，叩吓？搏插班？可能開學後有位放？競爭一年比一年大。

四隻貓

wwsugar 發表於 14-12-18 09:50
回覆 四隻貓 的帖子

再接再厲，叩吓？搏插班？可能開學後有位放？競爭一年比一年大。 ...

家姐果間唯有努力叩. 我都有晒心理準備要叩到開學. 好多人hold 位hold 到開學先放位.
都有其他私小收左, 不過好遠...另外就仲有幾間等結果或面試.

其實細佬學術仲好過家姐當年, 但競爭真係一年比一年大.

bopui0607

四隻貓 發表於 14-12-18 09:44
所以我當年幫女揀左間唔谷的學校, 呀女確係唔大量抄寫, 唔大量默書測驗都學到野.
但問題係, 要交學費之餘,  ...

你大女讀邊間啊 ?

Jane1983

回覆 wwsugar 的帖子

如果係大人，日日返工前都喊，放工帶嘢返屋企做，又做到喊，吾知大家會唔會叫佢「適應吓」。
夾硬來，吾係吾得，無錢開飯都要頂住，但小朋友吾係去到咁絕，又何必呢。總有文靜、受教、鍾意做功課的小朋友，可以接受到，但吾開心，換個環境，真係百份百支持。

我睇有d錫仔女的朋友，遲早都會轉，畢竟我地呢代人真係好錫，點捨得佢咁樣日日受罪過日子。

Jane1983

回覆 四隻貓 的帖子

係一年癲過一年，學術強呢樣嘢，已經進左幾個層次。好多有心考一線的，程度吾係小一，係小二，甚至更高...

GLAU530

原帖由 四隻貓 於 14-12-18 發表
家姐果間唯有努力叩. 我都有晒心理準備要叩到開學. 好多人hold 位hold 到開學先放位.
都有其他私小收左,  ...

四隻貓，加油！朋友女兒都是讀你女兒那間學校，d英文真的好深下！

Babyhung

直至今日都仲系未有offer,眼見有啲家長話邊間邊間收，會放棄邊間，睇到心up，真係好羨慕。

自問阿仔學術唔差，英文識睇識讀。都無學校要，問題出於阿仔表現？怕醜慢熱就會輸

學校收生準質係點。有冇老師可以分享下，唔該

bopui0607

回覆 Babyhung 的帖子

唔好灰心 ! 你有waiting嗎 ? 遲d會有人放位既.
最重要係唔好覺得自己小朋友差, 漫漫長路, 而家好似唔及人, 將來可能跑贏番呢 ! 路遙知馬力.

Babyhung

最慘連waiting都無。
好沮喪

tabomini

原帖由 Babyhung 於 14-12-22 發表
直至今日都仲系未有offer,眼見有啲家長話邊間邊間收，會放棄邊間，睇到心up，真係好羨慕。

自問阿仔學術唔 ...

有同感

Jane1983

回覆 Babyhung 的帖子

仲有大抽獎，又有叩門。
呢場考小一戰役，只係過左一半，有心爭，仲有機會反敗為勝，比心機。

bopui0607

Babyhung 發表於 14-12-22 12:54
最慘連waiting都無。
好沮喪

咁希望你抽到好野啦 !

Babyhung

大抽獎真係好殘酷。派得唔好，又要玩叩門。我諗，到時候阿仔in嘅表現，與而家相同的話，咁就

wwsugar

回覆 Babyhung 的帖子

我不是老師，但是我相信，每間學校都會不止收集一種個性或才能的學生，好似一盤棋子不能全都是將軍一樣。但有些條件不是必需但一定是有利，例如住得近，或有私家車接送上學，父母有學識可以做好家庭教育，母親是全職而且用心教，小朋友有專注力，有專長，有家教，有禮守規，有不同的課外體驗開闊眼界，有自理能力等。
可是，因為小朋友太年幼，不要期望學校能如伯樂一一賞識出所有人才，始終要用客觀的marking scheme做評選，最後，贏的不少是識這個遊戲的家長。
說不定過一兩年，小朋友靠自己的成績已經可以插入當年落選的學校呢？不過這樣的插班競爭仍是大的。
我自己不是虎媽，和仔仔由k2開始忙升小，忙到現在已小一轉校先叫可以定一定神。有些家長要努力到小三插班！你話，冇驚人的耐力和意志點可以走下去？

Jane1983

回覆 Babyhung 的帖子

大抽獎講運氣，吾抽過，邊個知得吾得。不過要做多d功課，搵一間適合小朋友的學校，排位亦吾可以太搏。

Jane1983

至於叩門，現在才12月，到6月叩，仲有成半年時間準備，有心栽培，小朋友可以有很大進步。

好多官津都接受叩門，但叩邊間亦要做足功課，仲有時間，好好把握。

eli_leung

原帖由 Babyhung 於 14-12-22 發表
直至今日都仲系未有offer,眼見有啲家長話邊間邊間收，會放棄邊間，睇到心up，真係好羨慕。

自問阿仔學術唔 ...

完全同你一樣情況

eli_leung

原帖由 Babyhung 於 14-12-22 發表
最慘連waiting都無。
好沮喪

又一樣