聖心幼稚園面試後感，希望有關人士反思

booboozi

睇睇下個post見到有人話聖保祿面試閉門造車，這說法真係比聽聞乜乜乜更差。我上年只報聖保祿一間幼稚園，因為覺得學校係愉快學習。最後小女入左，n無。完全唔覺有任何不公平。

家長在此說面試行政上安排得不好，是想表達下不滿及想學校可以更妥善安排。而有小朋友在聖心讀的家長就話老師有愛心，學校好好，根本就係兩碼子事。

Koala0000

booboozi 發表於 14-11-25 08:14
睇睇下個post見到有人話聖保祿面試閉門造車，這說法真係比聽聞乜乜乜更差。我上年只報聖保祿一間幼稚園，因 ...

Agreed! 是两件事。

kittyland06

原帖由 alicebear 於 14-11-25 發表
都係個句，字裡行間，有目共睹，SHCK家長的EQ與素質大家自己分析。

如果有心想學校改善，你可以寫封信比郭校長及老師表達意見。郭校長係十分接受意見的，何況在 ek 寫佢地未必睇到，亦可以順便寫埋你不希望女兒入讀，那你就不會和我們一樣質素了。我明白批評是會有，但亦明白為何有幼稚園 2nd in 家長才決定收唔收小朋友，各位家長擔心小孩是明白的，怪只怪這個畸形城市2歲就要 interview。最後祝各位順利入到首選的幼稚園！

cindy124

其實真係等得耐咗啲！不過我覺得當日每一個人都辛苦，只不過係每個人既身份唔同，睇既角度都唔同！今年in 1600人，我覺得有得in已經要感恩！需則阿女入到去要跟動作好驚無跟，但後尾單對單，比哂反應，我已經超開心！父母們，平心靜氣去看，聖心點解會咁多人鍾意，一定有原因，不要單看一個面試日就判人地死刑咁！當然係有改善空間，但我覺得學校係知！我尋日去聖心交反啲文件，admin姐姐超好笑容，所以我想如果收女我一定超開心，雖然好似發夢咁！

alicebear

原帖由 kittyland06 於 14-11-25 發表
如果有心想學校改善，你可以寫封信比郭校長及老師表達意見。郭校長係十分接受意見的，何況在 ek 寫佢地未必 ...

爲何SHCK的家長多次勸阻部分來年K1家長不要讀SHCK，確實發人深省,大家自己分析。

manbe

回覆 alicebear 的帖子

其實家長係心痛辦學一向以愛為先的學校因一次面試的安排不當而被人判死刑咁，學校有權揀學生，學生亦有權揀學校，所以憑一次面試而斷定學校唔好，咁可能呢間學校真係唔適合你地，因為聖心好重視家校合作，所以你地先會見到咁多家長義工幫手

yubaba

上年也有不太好的經歷，但發現原來不能分享的。。。l
我有認識貴校家長，對老師對行政，他們都有分享學校不足的地方。


而家長義工之多，嚇得我那些朋友呆了。當然原因也知吧。

alicebear

原帖由 manbe 於 14-11-25 發表
回覆 alicebear 的帖子

其實家長係心痛辦學一向以愛為先的學校因一次面試的安排不當而被人判死刑咁，學校 ...

行政方面，我倒覺得問題不大。本人的著眼點是工作人員當天的禮貌問題，並不是安排不當的問題。
無論工作人員係家長義工或其他身份人士，始終代表學校，在外人角度，你們的行為就是代表學校。不能因工作辛苦或種種原因爲藉口而對外肆意無禮，禮貌是溝通間最基本的，並不是什麼荷刻要求。                              
若果家長心痛學校被評，行政的可能做不到什麼，但代表學校對外接觸的基本禮貌是可以改善，現在不是外人判你死刑，而是學校家長自己判學校死刑，影響學校名聲。
當然也有工作人員是很有禮貌的，純粹針對個別事件而已。
另外，其他家長就算對學校有負面意見，就代表不適合他們子女就讀？家校合作即只接受正面意見？若學校要改進，這些有意見的家長，才是真正動力來源。

alicebear

原帖由 yubaba 於 14-11-25 發表
上年也有不太好的經歷，但發現原來不能分享的。。。l
我有認識貴校家長，對老師對行政，他們都有分享學校不 ...

家長義工之多，其實大家心裡有數。

kenobaby

原帖由 alicebear 於 14-11-25 發表
家長義工之多，其實大家心裡有數。

唔係好明,可以講得清楚些嗎?

helenmelody

同意。培道的安排也引起了極多面試家長在EK裡投訴。

其實老師係人，咁家長，小朋友就唔係人咩？

我算好彩，幾次面試都算順暢，最耐係等創價一個鐘，我都等到吽吽竇竇，更何況係個女？！

今年龍年小朋友報考，學校其實係應該有經驗去作出更好安排的。

民生去年唔比面試的小朋友去學校洗手間，被人鬧爆左，今年都有改善啦，我小朋友未入學校就急。老師有叫我女忍，但我話佢宜家急喎。最後有童軍帶我們去小學那邊的洗手間，算從善如流，有改善。

聖心都應該勇敢面對面試家長的批評，從而作出改善措施。

Gracefield

回覆 alicebear 的帖子

我個人覺得同行政處理有關係嫁, 一曰一口氣in 1600人, 同分開幾曰in 相信在老師同家長上效果好吾同
領導者有責任處理, 預計及管理好老師及家長的承受能力

雖則話老師要專業要有禮, 伹老師也是人, 說不關行政處理失當, 有可能脫離現實

就好似公立醫院收雙非時根本workload,過重,好多都黑口黑面, 你話他們係吾係吾專業,?咁做法㸃笑得出

alicebear

原帖由 Gracefield 於 14-11-26 發表
回覆 alicebear 的帖子

我個人覺得同行政處理有關係嫁, 一曰一口氣in 1600人, 同分開幾曰in 相信在老師同 ...

選擇對人禮貌與否跟個人修養有關。如果明知代表學校仍對訪客無禮，又不能勝任工作，又怕敗壞家聲兼捱不起批評，倒不如退場爲上策。

縱使護士們不滿政策，他們只好聽話上班，黑著口面工作都不願請辭，皆因他們需要糊口。情況同上，根據較早前提及所謂"家校合作"的關係，家長什麼情況下只會"合作"，當日家長義工傾巢而出，箇中理由大家心中有數。

kittyland06

人怕出名豬怕肥，每年也見到間間學校有負面意見。St cat 又話偏幫名人子女，培正又話中文學校又要排隊拎表唔人道，維記又話商業化，玫瑰崗又話上報紙....大家都係交流下，又唔需要人身攻擊批評别人質素。沒有最好的學校，只有最適合。希望各位得到最適合的 offer。

brrbaby2007

kittyland06 發表於 14-11-26 08:24
人怕出名豬怕肥，每年也見到間間學校有負面意見。St cat 又話偏幫名人子女，培正又話中文學校又要排隊拎表 ...

agree

alicebear

原帖由 kittyland06 於 14-11-26 發表
人怕出名豬怕肥，每年也見到間間學校有負面意見。St cat 又話偏幫名人子女，培正又話中文學校又要排隊拎表 ...

那以你推段聖心就是出名無禮貌、不會尊重人的學校？遺憾的是比起商業化什麼代麽名稱來得最慘烈，一所學校竟落得此名。

就以上聖心家長的言論，簡述包括試圖勸止批評者發言、無根據地"踩低"其他學校、以至要以牙還牙的心態對待訪客等等等等，本人從來都只是提出側疑，並把分析思考交予閱帖者，從沒有提及聖心家長的素質是好是壞，不存在人生攻擊。

所以，經過你自己分析思考後，只有解讀聖心家長爲壞素質，才偏面認為我在人身攻擊了。

MamaYellow

我是聖心家長。
看這個POST時，最初覺得難過，到今天卻覺得感恩。

一班家長看到這個POST，也有互相分享，為了心愛的學校被評論而感到痛心。然而痛心過後，更加看清楚：
1. 對於就讀的小朋友而言是沒有影響的，小朋友仍然繼續愛主、愛學校、愛上學
2. 對於就讀小朋友的家長來說，只會更加肯定聖心幼稚園的價值，不會因此而退學或者轉學
3. 對於老師而言，不會因為大家的評語而變得沒有愛心，不愛錫小朋友
4. 對於教育質素而言，不會因為面試日安排而下降
5. 對於等待聖心幼稚園回覆取錄的家長而言，聖心是否一所好學校心中有數，面試日安排是否蓋過其他一切而影響家長的看法，拭目以待

回想這幾年我的小朋友也有參與面試，面試的人數、等待的時間、行政的處理，比今年有過之而無不及。需求大過供應，就會出現排隊或價高者得的情況，處處如是，排隊坐車如是，購買名牌如是。

在申請入讀幼稚園的過程中，我會當自己是有需要的人，尋求學校幫助教育孩子成為良善的人，不會當自己是顧客，只給予批評而沒有建設性的意見或修補方案。

教導小朋友學習等待，面對逆境亦是家長的責任，每天我也為此與小朋友周旋和汲取經驗，因為我培育小朋友的目標不是將她變成公主。

你的看法，相信學校已經關注，並會積極改善，相信下年會有更好安排，這個問題我絕不擔心。

猜不到樓主的動機是什麼，我從沒有對樓主不尊重，但沒有想過會在BK被不認識的人質疑我的質素和EQ，為此感到費解。

求主祝福，希望樓主能有心平氣和的心境應付幼稚園面試和等待取錄的道路，亦能獲到心目中想要的幼稚園取錄。

helenmelody

回覆 booboozi 的帖子

我都好同意....!
其實JM對面試安排, 或老師態度不滿係個人情感, 點解唔比人發洩人一下?!

除非有不真實的誹謗, 家長們用家們所以群起澄清就好正路。

大家比得小朋友讀某間幼稚園, 係用家通常都會覺得嗰間好, 至比仔女去讀架啦, 我都有朋友兩個女讀聖心, 所以極力推介我去報名。

針唔拮到肉唔知痛...家長們已上岸, 未能切實體會 我們今年要同龍年B爭學位的激烈情況....每間比較出名的幼稚園都至少四五千, 甚至六七千人考, 你們小朋友入左學, 你能體會嗰種壓力嗎??!!!

學校明知今年龍年B, 特別多考生, 點解唔可以預早, 同作出更好安排, 這是學校應該反省的地方。

作為家長義工, 實有責任向校方反映。

kittyland06

在申請入讀幼稚園的過程中，我會當自己是有需要的人，尋求學校幫助教育孩子成為良善的人，不會當自己是顧客，只給予批評而沒有建設性的意見或修補方案。

極同意

chok0925

原帖由 kittyland06 於 14-11-26 發表
人怕出名豬怕肥，每年也見到間間學校有負面意見。St cat 又話偏幫名人子女，培正又話中文學校又要排隊拎表 ...

係，大家加油，希望個人都入到心儀又適合既學校