聖心幼稚園面試後感，希望有關人士反思

alicebear

對學校整體失望，先不談行政安排，我覺得工作人員與老師無愛心，無禮貌。SHCK的家長是如何放心交小朋友予學校教導的。
檢查文件2pm Interview 排C隊,面向我坐最右手面的工作人員向我同女女煩厭地大喝3次"我冇話要正本呀！"，當時我只是靜靜整理已核對的文件，沒有其他騷擾動作，其實代表學校同家長接觸，最基本禮貌是必須的……之後到禮堂排隊，有人已安排我到綠組，但隨即又有工作人員大聲渴止我繼續前行，一句"等陣先，未到你喎"，其他工作人員立即示意讓我通過，她就一聲不響，馬上轉身做自己野，又一次感到被無禮對待……再等候到課室，女女在門旁的壁報看圖畫，老師突然走出來送客，雖然看見我女女，但關門時仍然大力砰的大響，女女嚇呆了，就連關門時小心小孩手指的基本意識都欠奉……面試時是蘇老師，她嚴肅得全程都冇笑容，SHCK的小朋友是否每天都對住這樣的老師，他們的笑容會續漸消失嗎？
真的對這次面試經驗感到失望，是衆多最差一次……希望籍此籲上述有關人士及學校反思，對人有禮貌是對自己的尊重，對小孩有愛心才能夠爲人師表，彰顯教育的意義。

meowymeowy

何必咁對家長及小朋友呢？連做人最基本的禮貌及關懷都無。

1babyyoga

有同感！整個面試安排同過程只感受到壓力、對學校失望！沒有其他學校既愉快、愛

manbe

我是現任家長，碰巧現在校有兩位蘇老師都曾是我小朋友的班主任。她們都很有愛心而且常常笑容滿面，小朋友都很喜歡她們，看到你的觀感很詫異，因為小朋友多年來上學都非常開心，佔中停課時因未能上學而很悶悶不樂，希望你地如果有機會認1識聖心小朋友及家長可以再多了解學校情況。
至於當日安排，由於我有事沒當家長義工所以不了解，但小朋友就讀多年來行政是很順暢的，如訂制校服作更换的過程是很有效率的

Tamlyn

我都聽聞間學校麻麻，加上有更好offer所以冇去interview

susumi123

去完interview, 我都覺得安排好差, 去過咁多間學校interview, 真係覺得呢間安排最差

奶茶喱哩

原帖由 alicebear 於 14-11-24 發表
對學校整體失望，先不談行政安排，我覺得工作人員與老師無愛心，無禮貌。SHCK的家長是如何放心交小朋友予學 ...

請問是那間聖心呢？我in大圍聖心也是所有工作人员態度也很差

zoewong426

講緊中半山聖心

BebeCandy

我是嘉諾撒聖心幼稚園家長, 我希望在這裡分享的都是心平氣和, 如果並非聖心家長,單說聽聞如何如何就在此表達,似乎不太公允. 此校一向比較低調,所以我都是做了聖心家長才更瞭解此校, 學校一直好重視及樂意聽家長意見,所以我都會向校方瞭解一下今年考生家長對校方安排方面的意見,希望各位諒解.

至於學校方面, 相信作為家長, 希望為學校說句公道說話亦是很自然的事, 我囡囡入學以來一年多, 現已K2, 十分十分喜愛學校,而我自己亦十分感激校方對學生充滿愛心的教導, 整個課程十分重視德育,學校氣氛都是充滿愛的, 而學術方面,我亦十分詫異設計得如此好, 讓小朋友沒有太大壓力下得到十分平均的發展, 校方十分注重培育小朋友的思考及表達, 故有十分多元化的亙動遊戲、小老師、表演及各式自選活動. 希望能讓各位瞭解多一些學校  

selenapxd

原帖由 susumi123 於 14-11-24 發表
去完interview, 我都覺得安排好差, 去過咁多間學校interview, 真係覺得呢間安排最差



  ...

禮拜六去完面試，同感。整個面試過程亂糟糟， 等幾個鐘面3分鐘，問幾條最簡單問題感覺根本不是揀選學生，就是為了走過場。很失望，盛名之下，其實難副。

Koala0000

其實係間學校太ambitious，安排成1600人全部一日in晒。其他女龍如st clare都分兩日in 600幾人啦。呢種安排真係好差！

yubaba

看了此post, 我回想上年in呢間，數數下原來嗰次排了4次隊，in 咁多間學校，呢間係排隊之冠。

DevilPig

原帖由 Tamlyn 於 14-11-24 發表
我都聽聞間學校麻麻，加上有更好offer所以冇去interview

更好 offer 係指？

sohacastle

I have same feeling, compare with other school,  SHCK is the worst!

VickyCY

讀緊的可能有時間接觸老師，但面試當日安排真的比較差。其實計下時間，佢真係只可以每個小朋友見五分鐘。老師應該連飯都無時間食。如果可以分兩日成件事好好多。

chunchundaddy

我又覺得ok, 所遇到的家長義工，職員同老師都好有笑容同禮貌，我帶啊囡去廁所，番嚟老師指示我哋去番原位，唔駛再排過。前後唔駛一個鐘完成。而且，今年可以網上交表，唔駛攞假去交表，值得一讚！

tghm

極度同意, 未去之前對學校非常很有期望, 面試後就感覺不太好.

面試時間九點, 叫人十五分鐘前到, 但八時五十分都未開門, 在門外等; 到學校開門後, 門口家長義工話九時的可以入去, 行左兩部又有另一位義工很不客氣的說要給她看面試信才可以入去; 入到停車場, 排左C隊35-40分鐘, 將全部文件交俾義工對, 又話的我回郵信封 (其實在他面前), 我知道今年ONLINE報名免家長親身去交表, 但呢個交文件排隊流程要小朋友一齊企o甘耐也很有問題.
交完表, 到課室門外再等10-15分鐘, 此時小朋友已等到傻左, 一入去就小組見, 小朋友都反應唔切.  帶小組的老師很有熱誠, 充滿笑容; 但單對單的很cool, 沒有丁點笑容, 全過程不足5分鐘, 像為做要做.  等左個幾鐘, 見5分鐘, 真不知如何收生.  
見完後, 沒有了對這學校的期望, 並失望.

alicebear

十分多謝以上SHCK家長的分享。不是一竹篙打一船人， 我相信當日應該有懂尊重人及愛心的工作人員與老師，他們當然值得加許。是次發帖因有感而發，並針對有關人士與事件已而。     
首先，以上描述的都是本人的親身經歷，絕非聽聞。作為非SHCK的家長，無錯，對學校的評論應像你所說"不應只單說聽聞"，但奈何確是親身經驗，反而要從你口中" 單說聽聞"才能得知學校可取一面，抱歉我不敢苟同。太可惜這個難得能讓家長直接與學校認識的機會都未能充分利用。情況與見工一樣，第一次見面卻沒把握機會表現自己，留下好印象，反而牽強解釋平時真實的我不是這樣、那樣的……甚是百思不解。

另外，我看到以上的回應都是"心平氣和"，哪來激進評論呢？我倒認為"心平氣和"這4字更適用於當日無禮貌的工作人員，若然他們能夠聽取你的意見，確實對學校上下都是好事。難道家長這樣顯淺的黑白是非都沒能力分辨？只懂盲從附和，實在於是無補， 勇於承擔，作檢討才會進步 ， 我相信教小孩是同樣道理，這是爲人長輩、師表的應有態度。

家希

回覆 manbe 的帖子

星期六見我個囡就係蘇老師, 雖然蘇老師已經in左成日但依然面帶笑容 (我係in 4pm), 我個囡係11月細b, 加上一向慢熱, 初初冇乜反應, 但蘇老師好有耐性咁"了"我個囡傾計, 另外in o個2個小朋友已經走左, 蘇老師依然冇hea我地咁繼續in, end up我個囡都肯細細聲答左佢幾個問題。

我個囡到走o個陣至進入狀態 (激死! 哈哈), 好開心咁同蘇老師講bye bye!

我都打定輸數我唔會有聖心offer, 但我好慶幸遇到蘇老師。

mmpo

大家講到咁差........咁如果收了貴子女會否放棄呢?