小一生，我跟得好辛苦，救教

snow_miffy

我一向無特別谷個仔，咁佢好好彩入左間唔算好谷嘅津校。但我覺得跟得好辛苦……
佢明明學過phonics, 但又唔識用phonics去串字，串極都唔識……明明前一晚默完係識，第二日又錯……
中文字又唔識得多，但要做閱讀理解。中文理解都未夠，又要做改寫句子……
好多時，教完果一刻識，但轉頭寫答案又錯
總之，好似用好多方法都教唔識佢咁，我覺得好大壓力
有無人同我情況一樣，我可以點做

a_for_apple

原帖由 snow_miffy 於 14-11-23 發表
我一向無特別谷個仔，咁佢好好彩入左間唔算好谷嘅津校。但我覺得跟得好辛苦……
佢明明學過phonics, 但又唔 ...

放鬆啲！而家只係開學未夠三個月，小朋友仲適應緊，家長都要適應功課量，更何况小朋友呢？每日一堆功課，又溫默書，又溫測考，一下子個腦要記咁多嘢，一啲都唔易。俾多啲時間俾小朋友，一年級成績唔重要，唔好太緊張！

MASAYA

一年級其實可以一整年也用來適應，唔會之後跟唔上，只有對未來冇希望先會跟唔上

如果唔係英小，串字串得唔好問題都唔大，慢慢就會好

如果係中小，中文最好可以自己睇得明，睇唔明真係會有困難，幼稚園冇準備既話，小一就要努力加強中文閱讀能力

K3下學期前我一直是「講」故事畀女兒聽，但到K3下學期開始就轉用「讀」故事，用半年時間令佢可以聽書面語明白內容，聽得多就識睇，小一開始不久可以自己做功課，因為睇得明，佢幼稚園冇乜功課亦冇畀練習佢做，但中文故事書就聽同睇唔少

vakiac

我囝都係今年讀小一，識讀啲字，但成日唔記得點寫，教完佢識寫，轉頭不斷重覆寫錯，自己都好嬲，見到佢唔開心我又唔開心。我覺得都係順其自然，可能未開曉，唔想令佢怕咗學習，成日同佢講盡佢所能，媽媽就開心。

MrBeast

學過phonics唔=一定識用phonics去串字ga bor, 有冇教過佢先？

如果學校唔谷，同意上面話用半年時間幫佢追返law.

kenwong888

snow_miffy 發表於 14-11-23 23:39
我一向無特別谷個仔，咁佢好好彩入左間唔算好谷嘅津校。但我覺得跟得好辛苦……
佢明明學過phonics, 但又唔 ...

Me too!
中文字又唔識得多，但要做閱讀理解!
She cannot handle!
Help me!

momama

Phonics 係用嚟讀字唔係串字，另外字串得多就會有自己嘅系統。小一開學係咁，要有耐性。串咗book, 教埋 look cook hook, 等佢快d儲多d生字。唔好教took，因為係過去式，唔好搞到太複雜。

wan_sosin

既然係無谷過個小朋友,亦無特別下過功夫係學習上,選小學亦知唔想太谷揀二線,咁應該接受小朋友未跟上,之前無下功夫,唔會自自然然自己識!
語文係要時間,慢慢累積,唔會上小學兩個月會好得太多.
從來唔練跑,一下就想攞獎,無可能.
現在唔好理成績住,下功課打好語文基礎,每日看中英圖書,同小朋友一起朗讀.
用Phonics都要識一D常用字先慢慢用到,用小朋友識嘅簡單常用字來教,如上面個例子,如果連look都唔識,就教唔到cook,hook.
識個cat,就教到hat.
中文要學中文部件,幫小朋友將個字拆開.例如識個月字,朋字就係兩個月字加上來.加字就係力同口.呢D我哋大人多少會識.
我仔至細睇唔少書,而且本本認真睇,幼稚園攞閱讀獎.而家都係小一,中文小小超前,連帶常識都好,英數亦無問題.(小學係區內一線學校)
放學間中仲可落公園玩45分鐘先返屋企做功課.
題外話,屋苑內聽到有是非話,成日帶個小朋友落街玩,成績唔慌好!但我真係偷偷笑,而家社會,家長大多數唔會比成績唔好嘅小朋友落街.當然唔出街玩仲有大把原因,我當然唔係指留係屋企就成績唔好啦.

大家都係小一家長,一起幫下小朋友,但首先唔好怪佢哋,佢哋都好辛苦,以往一直唔跑步,而家要日日跑,當然氣咳啦.

Carsonsh

我個小朋友都係幼稚園時已學過Phonics，但係上到小一，D英文串字都係好唔掂，後尾聽咗個親子講座話Phonics係需要有整個英語環境配合，唔係學咗就必定識串字，好在佢學校校長話小一全年都係適應班，依家唯有放鬆自己，畀佢慢慢適應

longlokma

我覺得其實phonics 唔係必須学既，只要幼兒时大声讀字，慢慢自然会领略音節拼讀，会拼讀后，自然会懂得拼串

machuchu

原帖由 momama 於 14-11-24 發表
Phonics 係用嚟讀字唔係串字，另外字串得多就會有自己嘅系統。小一開學係咁，要有耐性。串咗book, 教埋 loo ...

我都係用呢個方法。識串all，就學埋fall , tall , call ...
lemon 學埋melon .
對我仔有效果

luvgaga

回覆 snow_miffy 的帖子

會不會考慮比佢出去學下中英文班。有時有些錢真係要比人賺下   無計

lui

原帖由 IloveJJ 於 14-11-24 發表
其實你地學既phonics,有無真係學晒幾十個原音？有無學blending？幼稚園本身嗰啲，到畢業都未教晒原音，出面 ...

Exactly. Phonics can be used to spell and read!!! And they have their own rule. Some words is not sound as you read then you must remember it. agree many centre out there are not doing the right job!! But if you grab this well, it does help a lot. My two cents is you must follow up on their progress. My past experience told me it was totally a waste of time if you rely on the learning centre

sososu

我估起碼一半係咁..我都係...

hogmail

樓主要培養小朋友睇書呀!

201102

MrBeast 發表於 14-11-24 05:01
學過phonics唔=一定識用phonics去串字ga bor, 有冇教過佢先？

如果學校唔谷，同意上面話用半年時間幫佢追 ...

我囡就是了,學了两年phonics, 默書時都不會識用phonics來幫助的.


但她讀就幾好...我會再念念怎樣引導她用phonics 來默書的.

bobpinpin

其實小朋友記憶坑拒串字可以多了解小朋友學習心理!
要另佢喜歡，對英文字產生興趣，小朋友便會對該字有印象，會自發性串字。
不過學英語係應以聽，講優先。
任何人不能只靠記憶就可以學好串寫。

所以phonics係對串字有正面幫助，但長遠發展。英文會話班會更有効打通小朋友用英文溝通的能力。再加上家中英語刊物及卡通，小朋友會大大接受串字活動，另記憶不會因為挫敗而抗拒記字。

今次係此論壇人生第一帖，希望幫到大家。

MASAYA

wan_sosin 發表於 14-11-24 08:10
既然係無谷過個小朋友,亦無特別下過功夫係學習上,選小學亦知唔想太谷揀二線,咁應該接受小朋友未跟上,之前無 ...

同意，我個都係放左學玩陣公園先返屋企，返到去沖完涼食完茶點舒舒服服先做功課，通常做到六點，因為佢要睇叮噹，有目標比較容易爽手做野
大人返完一日工都唔想返到屋企即刻又開工啦 (有d人帶工作回家或freelance)