請問創價面試......

神筒

請問創價面試，可以只得媽媽一人陪小朋友面試嗎？會印象唔好嗎？thank you！

shalasngan

神筒 發表於 14-11-19 02:12
請問創價面試，可以只得媽媽一人陪小朋友面試嗎？會印象唔好嗎？thank you！



  ...

聽聞校長好著重兩個家長一齊去 所以我無報

lauwingtai

神筒 發表於 14-11-19 02:12
請問創價面試，可以只得媽媽一人陪小朋友面試嗎？會印象唔好嗎？thank you！



  ...

兩個係好d，我係創價家長。

betsylimin

原帖由 lauwingtai 於 14-11-19 發表
兩個係好d，我係創價家長。

請問單對單定group in架？大約問d咩？

每日媽媽

原帖由 lauwingtai 於 14-11-19 發表
兩個係好d，我係創價家長。

請問創價學術方面如何? 功課多嗎? 有默書嗎?

lauwingtai

betsylimin 發表於 14-11-19 08:01
請問單對單定group in架？大約問d咩？

舊年，兩家長&小朋友入去，有兩個老師，其中一個問野，另一個drop note俾分。全個過程十幾分鐘左右，一半in學生，一半in家長，所以我覺得家長比重幾高，
考小朋友算簡單，問簡單問題，「同邊個黎？幾歲？咩名？鍾意玩乜？」之類，
跟住砌積木，得幾舊，好快搞掂，然後睇圖畫，我地個幅係"Playground"，
問相關圖畫的問題：「呢個小朋友開心嗎？」「唔開心」「你點知既？」
「佢喊」「點解佢喊既？」「佢跌親」「咁邊個開心呀？你可以指出來嗎？」
呢part考得最耐，最後問：「公園入面，你最鍾意玩咩呢？」「sir滑梯」
「咁你可唔可以跟我全句講一次『我最鍾意玩sir滑梯」呀？」
我個女唔肯講，嚇死我地，好彩人急智生，我地問老師：「我個女好鍾意食叉燒，
可以講『我最鍾意食叉燒』嗎？」
老師話可以，個女好彩講到『我最鍾意食叉燒』。
家長個part一陣再講﹒﹒﹒

chok0925

原帖由 lauwingtai 於 14-11-19 發表
舊年，兩家長&小朋友入去，有兩個老師，其中一個問野，另一個drop note俾分。全個過程十幾分鐘左右，一半in ...

對於我個小朋友，好難

happyyoyo

chok0925 發表於 14-11-19 10:07
對於我個小朋友，好難

我都係, 我個係9月B

w.ling

2位老師，對1位小朋友… 阿囡應該會驚呢。😧
但應該個日得我帶阿囡咋…

lauwingtai

happyyoyo 發表於 14-11-19 10:12
我都係, 我個係9月B

補充, 我個係四月B。


家長個part,一路傾計, 都傾左六七分鐘。
「你地覺得女女既優點缺點係咩呢?」「你地認為創價可以點樣幫到你女女?」「你地從何認識創價?點解會黎考創價?」「你期待學校會俾到d咩小朋友?」「你地希望小朋友讀完三年幼稚園, 會變成一個點樣既小孩?」等等。

見到創價很在意家長的理念與學校是否接近, 所以我覺得家長一part比重幾高。現在認識的創價家長之中, 好老實, 很少怪獸, 大家都對學校很信任。

helenmelody

回覆 lauwingtai 的帖子

多謝分享, 咁我們家長要準備得好D至得~! 我今個星期六上午IN啊...

lauwingtai

每日媽媽 發表於 14-11-19 08:22
請問創價學術方面如何? 功課多嗎? 有默書嗎?

K1只讀了兩個半月, 學術未太清楚程度, 但創價是重基礎, 循序漸進的, 頭一個月沒有功課, 之後毎週三日有功課, 毎次一至三樣, 都是一頁紙的worksheet, 未有默書, 暫時是輕鬆的。

同班有個媽媽, 細女K1, 大女舊年畢業, 現在P1, 她説創價最終由淺入深的, 去到K3唔淺, 她的大女最終扣門入了紅馬, 扣得入紅馬, 我也相信學術不太差。

但英文可能真係要補補, 不是創價教得英文差, 而是英文堂唔多充足。

sy.baby

原帖由 lauwingtai 於 14-11-19 發表
補充, 我個係四月B。

謝謝分享，想問家長個par係咪爸爸都要答，都老師叫個答定先自己決定個答呢?

sunnyhoney

原帖由 lauwingtai 於 14-11-19 發表
K1只讀了兩個半月, 學術未太清楚程度, 但創價是重基礎, 循序漸進的, 頭一個月沒有功課, 之後毎週三日有功課 ...

請問創價
1- 每周有几多英文堂？
NET 老師教？
英文堂每堂時間幾耐？
2-每周有几多普通話堂？
每堂時間幾耐？
Thank u

lauwingtai

每日媽媽 發表於 14-11-19 08:22
請問創價學術方面如何? 功課多嗎? 有默書嗎?

我自己覺得，雖然創價學術未必能與名私幼相比，但仍是很值得考得，創價的品德教育確有一手，並非只是「開心」、「有愛心」、「Happy School」那麼簡單，創價是日本背景，雖然現在冇乜日籍老師，但教育方針及方法是頗日本的，你能想像一個日本小孩有幾乖，你的仔女就有幾乖，我女只返了兩個半月，只能說句「沒有最乖，只有更乖」，根本就是整個理念及program很好。

例如創價有個「大個仔大個女計劃」，女兒常主動跟我們說：「媽媽，我大個女喇，你教我自己沖涼丫！」「我大個女喇，我自己訓覺得喇！」「媽媽，老師話唔可以偏食，我樣樣食物都想試呀！」而家個女乜都主動自己做。創價又會教佢有幾樣野一定要做，做左家長可以評分，例如每天擁抱爸媽、對任何人都打招呼、告訴爸媽返學做左咩、主動叫爸媽檢查書包及陪做功課，「每天自動自覺」最高分、「間中自動自覺」第二高分、「要人提醒」第三高分、「未能掌握」最低分，而家個女自理及做功課全部自動波。因為，有d學校教到d小朋友係學校好乖，一返屋企就變港童，創價卻強調乖要從家庭做起，在家都乖，自然去到邊都乖。而家個女連對工人姐姐都好好，放學自己背書包、自己換鞋換校服、食完飯幫手執檯，樣樣都冇得頂。

仲有，創價每日有一堂係「混班」，每班本身三十人三個班主任，分三組每組十人一老師，「混班」就是每日到其他課室上堂玩遊戲，有時你係host，人地黎你課室玩，要照顧外來同學，有時你係guest，去人地班房玩，要學習配合，有時K1、2、3混班，哥哥姐姐會做手工送俾你、照顧你，到你將來升班，又會學習照顧小朋友。

總之，講「乖」，創價真係大超班，而家有時同表兄妹、舊同學、FB媽媽會d朋友gathering，成堆小朋友，粒女次次都係最乖之一，照顧自己、唔扭計、永不爭野玩、處處禮讓，每次我地都好proud of自己個女。而家只讀了兩個半月，我都想像唔到讀完三年會變成點，若果家長注重小朋友品德，創價是很合適的學校，即使你有期望，你得到的仍遠超你所想。

chloe88

謝謝分享

winwin1122

謝謝分享。 但乖得嚟活潑嗎？

lauwingtai

winwin1122 發表於 14-11-19 14:14
謝謝分享。 但乖得嚟活潑嗎？

每日到不同班玩，當然活潑，女女本身慢熱的，現在改善了很多。

綿羊女

thanks for sharing!

每日媽媽

原帖由 lauwingtai 於 14-11-19 發表
K1只讀了兩個半月, 學術未太清楚程度, 但創價是重基礎, 循序漸進的, 頭一個月沒有功課, 之後毎週三日有功課 ...

謝謝你好詳細嘅分享