已被知會我小朋友唔會被收原校K1

Joeytreebaby

媽媽不要唔開心，將呢D化為正面去面對，幫仔仔搵過間適合他的學校好過！

吳家有喜

媽媽加油，一定要對自己小朋友有信心，呢間學校唔適合佢快d轉未嘗係一件好事。唔好比咁大壓力自己，凡事都要向好嗰邊諗

Annbaat

非常認同!

Fatjane

唔讀都冇問題，我估到邊間，今年k1都冇報。

朱地

坐唔定唔係小朋友既問題，唔好咁喇，2歲人仔，大家期望佢可以點。加油丫，唔好比太大壓力自己同仔仔

marinabay

加油呀。呢間學校唔適合你仔仔呀，唔洗可惜。希望你可以快啲搵到啱嘅學校。

Moonlight819

是否St Cxt, 因它一早已說pn未必一定直升K1

sunnymama2

ferrymama 發表於 14-11-10 23:01
會試，不過……坦白講……我比老師攪到我好迷失，我好懷疑小朋友既能力，對於黎緊既interview我好無信心， ...

你唔開心的情緒會感染到小朋友，會令佢覺得自己有問題，影響佢自信發展。佢只係兩歲人仔，坐唔定係好正常的事。到下年三歲心智成熟左會好唔同啦。我有幾個朋友的仔都坐唔定，但超聰明，當然面試會蝕底d，但真係好醒目，仲醒目過我可以坐定定的仔。做人父母就要知自己小朋友的不同，同幫佢揾一間佢啱的學校嘛。加油，ferrymama，要多d讚吓你小朋友呀！

Gorlei

原帖由 ferrymama 於 14-11-10 發表
會試，不過……坦白講……我比老師攪到我好迷失，我好懷疑小朋友既能力，對於黎緊既interview我好無信心， ...

千祈吾好傷心！每個小朋友既才能都係無限及獨一無二！一定要相信及肯定自己小朋友既才能！佢地學習能力超強、吾使擔心！吾好為左一間毫無敎學熱誠既學校而否定自己小朋友！

Charlotte_mom

試下搵專注班俾小朋友上，令佢明白同習慣就算再唔鐘意，都要合作的道理。好多呢d班都係遊戲中學習，唔駛擔心小童群益會、聖基道健苗軒都值得推介。加油！

Raccch

我個係細Ｂ10月先開學，但話咁快學校已經話10月底11月初會通知係咪可以升上K1。莫非我地係同一間？剛剛開學個女不太乖坐不定周圍走，又唔太識同同學相處。個時我超擔心，即刻買左小檯小櫈翻屋企訓練，之後有Ｄ進步。同時我都努力同女女準備其他學校K1面試。
媽媽加油不要灰心，我明白你依家的感受，係未同小朋友搵定新學校之前不要急急腳退學，小朋友返學有時進步好神速。應一邊訓練一邊搵新學校，有好的出路再作打算。

helenmelody

或者可以參考多啲親子書籍，了解多一點你的孩子，以安排適合的教育。you're not alone, 好多父母可能都同你一樣經歷的，要加油！我們支持你的。

siumak

Mbbbs 發表於 14-11-10 23:17
其實說真，如果入讀 N 時，已知不是直上 K, 就應該要有心理準備，不能太過怪責學校啊！ 雖然剛開始左數個月 ...

同意!
我唔係話學校o岩﹐
不過唔Guarantee上K的話﹐
其實一開波就要兩手準備；

如果話老師咁早就放棄學生而唔俾升K﹐
咁可以升K果D咪又係咁太早決定﹐
只是今次唔好彩的係﹐
你小朋友係未被選擇果個﹐
針無兩頭利﹐
每事有正反。

另... 我又覺得唔急於即刻唔讀﹐
何不繼續讀而自己俾心機Train下小朋友﹐
讀到學期尾﹐
可能令佢地跌晒眼鏡。

yostarz

可唔可以PM 我邊間, 因為我個仔都坐唔定

gigiwin888

樓主的幼稚園安排好差, 講真2歲咋, 為何老師不能多觀察耐d?

好彩我間幼稚園好好, 我小朋友2歲初入pn時, 成日行來行去, 個時我好擔心, 但老師好有愛心, 仲安慰我話因為小朋友未知返學係咩, 仲細所以唔識規距, 話俾點時間佢, 好包容, 明白學校一定想選坐定定的, 但返左學3個月就判定左就有點兒那個.........

ferrymama

各位，我已收到k1 offer 了。不吐不快，我小朋友讀的不是KM,學校校長自已講小朋友無特別大問題係唔會升唔到班。所以我接到電話都好突然。做人阿媽當然有兩手準備。我想轉校唔係逃避現實，我覺得在包容和欣賞下成長的小朋友才懂得自信。既然學校已經對佢無左包容同欣賞，我唔想佢留係呢个環境。我多謝所有家長對我既鼓勵同提醒，我會遲d update下大家小朋友既情況，遇到同樣問題既媽媽，大家努力!

namc

有d學校收n個陣講明唔會直升k1,有時都要有心理準備
因為有d學校真係收好多n,但k1跟本唔夠n直升全部人

kiu_kiu

ferrymama 發表於 14-11-11 11:01
各位，我已收到k1 offer 了。不吐不快，我小朋友讀的不是KM,學校校長自已講小朋友無特別大問題係唔會升唔到 ...

樓主我大概知你讀邊間PN, 其實呢間幼稚園一早講明K1係唔夠位上晒所有PN生, 校長講就係咁講姐, 但點都要有兩手準備.  我仔讀o個間PN一樣係K1位少過PN位, 入讀時已知, 所以依家唯有報多D K1面試打底架喇, 個遊戲就係咁玩.

不過, 可能到學期尾原本收o個批又放棄個offer, 到時又可能俾返個offer你都未定

Celia0001

我的囡囡一向都好活躍, 坐唔定, 我在她十幾個月開始, 每天同佢睇故事書
同佢玩砌立體方塊

佢現在早上有時會自己坐定定睇書和砌圖

開頭可能會真的好難定定聽你講, 你要氹下佢 (當然, 同小朋友講故事都要有些技巧 - 可能要誇張些, 加 D 問題, 加 D 唱歌等 吸引他們繼續, 如果今次坐 5 mins...佢哋日日咁聽好快, 可以睇完本書才走開)

你們要加油! 家長要諗方法幫助小朋友去克服問題, 陪伴他們面對

PS: 揀學校, 我覺得老師有否愛心, 耐性比學術更加重要.

siumugtwins

加油，其實好多坐唔定嘅小朋友係好聰明㗎，因為佢哋學嘢快又好奇心強