哥哥資優，勁睇唔順眼IQ只是正常的弟弟

winniecws

可否請教可以點做？
好激氣

lillymarie

會不會是妒忌你錫弟弟？

atirw

我最近己教導細仔，就算別人蠢也不可話别人，因不是人人都咁聰明。別人有不對的地方，也不要直接指出，就算要講，都要有禮貌地說。

MASAYA

聰唔聰明只係其中一個特質，好多家長都知道唔好將呢個特質無限放大，不過外人總會指指點點，小朋友好易受影響，家長如果可以引導小朋友明白每個人都有唔同特質，唔好將聰明看得太重，對成長會有幫助

aquasee

其實家長是否也大著重哥哥聰明？有否在兩兄弟及其他人面前說出口比較？家長可嘗試讚嘗哥哥的行為品行>成績

carolmum

其實我自己細個都係咁，人地做事做得慢就會覺得對方無心做，別人做事唔懂做我唔係認為佢無能力，我會認為佢唔肯做。因為在我來說做得快和識點做係好簡單，唔會知道原來對方和自己不同，其實咁樣係大大影響人際關係的。所以資優兒既教育，其中一環叫情意教育，你去資優學苑睇睇 佢哋有課程比家長上，從而更清楚可以怎樣處理。

小曳人

小朋友幾大呀？
我睇我d仔，我會覺得資優仔特別自我 (無乜同理心)，佢地自己反應快，見到人地慢就好唔開心，特別係屋企細過佢嗰個，但睇唔順眼細嗰個... 其實係因為佢細d！就算一樣iq都係爭d架！
我會慢慢解釋，教哥哥讓細佬，咁細佬先會同哥哥玩
亦教哥哥認識自己，明白呢個世界大部份人轉數無佢咁快

bennyeva

有d故事書，係教佢地尊重彼此嘅不同，好似免仔跑得快但爬得唔高，猴子爬得高但食野慢，烏龜行得慢但食好多野，講比佢聽下睇下佢有無改善啦。至於父母都唔太重IQ，EQ, MQ都好緊要的。另外，為免細佬大個左會覺得自己無大哥咁叻，都可以試下發掘同讚揚佢嘅長處。

annie40

自少就教孩子去幫助和保護其他同學，看似平凡和未做到要求的同學，其實有很多其他優點，留意點，必定找到，只有時刻學懂如何欣賞他人，才容易快樂和滿足，快樂的人才是聰明人。

annie40

回覆 atirw 的帖子

聰明否是相對論，
用放大鏡看，隨時是排名在五百萬人之后，想起已經爭住認不足了。130+？條隊尾行幾日都未行到喎。

識加無聊

比蜘蛛俠佢看: with great power comes great responsibilty

iamadc

關唔關iq 事？兄弟都係會grab attention. 返而細佬比較social，無阿哥的stubborn and sensitivity

hinhei

我屋企無資優睇唔順眼正常，反之正常個個超自卑，覺得點解得佢不是資優（佢無 check）.

我唯有成日靜雞雞講個兩個的問題，話比佢知佢的長處個兩個都無。

但可惜係周邊的人都唔放過佢，可估講者無心，聽者有意，唉…

himmamme

我哋好少講小朋友的能力，对兩個仔集中focus在態度上，eg,做事好堅持。
对细佬，就算他未做到，会話:雖然未做到，但你不放棄，應該很快会做到，哥哥做到係因為他不断嘗試，我估你大d做多d一定得。对哥哥:細佬很努力啊，只是他比你小，对於同年紀，他是差不多了。佢咁比心机，應該都係學你，哥哥好榜樣。另外，一定有d野哥哥会教細佬，例如玩大富翁，捉棋，或其他。要把握机会讚哥哥，eg, 你解釋得好清楚，你好有耐性…。一發現細佬有野是從哥哥那裏学，就讚哥哥，果日細佬話xxx，佢话你教佢喎，哥哥你真係好叻教人。

久而久之，兄弟情建立到，亦不會建基在叻唔叻，IQ高唔高上。我大仔曾經就是覺得細佬唔夠叻，不過經過一番努力後，佢地感情好好。如果兩個年紀相差得大，可以同哥哥解釋，如果年龄距離近，可能是sibling rivalry,嫉妒心多d.父母的說話和关注哪個多d要好小心。一定要公平，哥哥一般会觉得細佬出世後被忽略，給哥哥單獨同爸媽親子時间，冇細佬份。