禾輋信義小一

巴士媽咪

我個女岩岩讀小一, 功課每日7，8樣，英默一星期2~3次，中默一星期1次。我想問其他學校係咪都係咁多？

wonderbaby

原帖由 巴士媽咪 於 14-10-17 發表
我個女岩岩讀小一, 功課每日7，8樣，英默一星期2~3次，中默一星期1次。我想問其他學校係咪都係咁多？:sickm ...

英默內容有幾多先

ckh311

每日7～8樣功課係咪連埋改正？每樣個量有幾多呀？

巴士媽咪

每次英默4個字。7，8樣功課不連改正，中文生字8個，英文5個，仲有啲工作紙

lindajacky

好多喎！

COE1205

咁多，我仔2年級（都係沙田區)都無咁多喎

yolayoha

多與少, 真係相對, 相對浸信會呂明才, 唔算誇張; 但相同其他一般小學, 就偏多, 尤其英默的密度

little_yolky

yolayoha 發表於 14-10-18 22:59
多與少, 真係相對, 相對浸信會呂明才, 唔算誇張; 但相同其他一般小學, 就偏多, 尤其英默的密度 ...

不過, 雖然默得密啲, 但一次默量唔多, 俾小朋友習慣日日溫下書, 都係好既, 好過隔一個星期默十幾句句子就仲死。好似我囡囡學校(唔係沙田區), 中英默雖然隔個禮拜, 但英文會默10+句+詞語/拼音, 中默就一篇課文+詞語, 其實都唔會多, 但只默幾個詞都可以接受, 對小朋友都好。

如果默書唔計名次分就仲好添, 不過, 功課係多咗啲。

ming0314

唔算多喇。。我女今年小一，每日都係7、8㨾功課咁上下，每星期中默一次，中默範圍係其中一課既課文＋其中一課既詞庫。亦有課外詞語30個抽默18個另外12個要學生自己背返出嚟。每星期英默一次，每次默5句句子➕額外生字。學校中、英、數每日都有網上功課做（未有計算入每日恆常功課入面）

0902

ming0314 發表於 14-10-22 06:41
唔算多喇。。我女今年小一，每日都係7、8㨾功課咁上下，每星期中默一次，中默範圍係其中一課既課文＋其中一 ...

ming0314, 你個女邊間學校, 好誇張喎!  我個仔中文一課+另一課詞語, 英默範圍通常5-6句句子。但通常默之前一兩日老師會幫佢預默，默得唔好都會有評價。

平時功課都有7-8樣, 每科最少都有2樣, 有時加埋工作紙, 閱讀冊個D。

ming0314

原帖由 0902 於 14-10-23 發表
ming0314, 你個女邊間學校, 好誇張喎!  我個仔中文一課+另一課詞語, 英默範圍通常5-6句句子。但通常默之前 ...

唔係正常人讀既小學學校為咗谷成績辛苦d小朋友同家長上學期都未完已經教曬小一下學期既中、數

0902

ming0314 發表於 14-10-23 15:52
唔係正常人讀既小學學校為咗谷成績辛苦d小朋友同家長上學期都未完已經教曬小一下學期既 ...

好變態呀, 個小朋友會超級辛苦, 同塞D野落去個腦度冇分別

karen_hong

我個仔都讀緊禾輋信義小一, 功課唔多喎, 有d係改正, 有D都好快可以完成，加埋先6-7樣, 學校日日都有導修堂, 通常係學校都已經做完哂功課，算係好開心既學校。

evachau50

我個仔派了去禾輋信義，今年9月黎緊讀小一。想問下用家覺得校風如何? 程度是否相對夠淺?

little_yolky

evachau50 發表於 15-6-25 11:45
我個仔派了去禾輋信義，今年9月黎緊讀小一。想問下用家覺得校風如何? 程度是否相對夠淺?  ...

真係睇你同咩比, 沙田一般都係開盡馬力谷到行的, 可能因為學校老師校長好關愛, 多包容, 所以相比較SEN學生多少少。其實唔係佢哋程度淺, 係其他學校教深咗而已。如果讀讀吓覺得淺, 自己出去補下身, 關愛校園重要D。

jennyjenny

一呂唔係個個星期有默書，功課都無每日七至八樣。

洋蔥頭媽咪

原帖由 巴士媽咪 於 14-10-17 發表
我個女岩岩讀小一, 功課每日7，8樣，英默一星期2~3次，中默一星期1次。我想問其他學校係咪都係咁多？:sickm ...

唔係間間都咁多/咁密嘅，好多人會認為一線學校會好谷/好多功課，講真我反而覺得有部份二/三線學校想升level 先係最谷學生，最多功課，正如 tsa, 一線學校學生水平本身較高，所以唔會點操，成績已能保持，反而部份二/三線學校會操得好勁，小朋友先最辛苦。