贏在起跑線

TGTY

其實唔贏在起跑線又點樣同人爭私小or 直資！even 二線嗰d 都好難有offer! 過幾年出生率大跌就或者有可能！in 咗好幾間小學後有感而發！

crispin

咁睇你想講咩叫贏
係咪有offer先叫贏
定係有好多cert. 嘅叫贏喇

我見過無操練無cert無portfolio嘅小朋友有offer，咁叫唔叫贏？

Lam3Tai

咁亦都要視乎你點睇條跑道，長線同短線部署完可以有好大分別。

bubuG

「我見過無操練無cert無portfolio嘅小朋友有offer」—》 一定係少數

Jane1983

贏在起跑線指什麼？

如果你講父母日日伴讀、鼓勵多講英普、陪小朋友探究世界...咁係一定需要。

但你話參加好多比賽、考好多試，就吾一定有樣。

Lam3Tai

"操"0既演譯人人唔同，但我認為操唔淨係等如上堂。語言表達，睇書/伴讀，郊外探索，性格培養，都可視為"操"。。。。不過呢D冇cert同盾考

hoihoima

TGTY 發表於 14-10-15 01:03
其實唔贏在起跑線又點樣同人爭私小or 直資！even 二線嗰d 都好難有offer! 過幾年出生率大跌就或者有可能！i ...

機會是留給有準備的人，這我相信是適用於大部分情況吧。同意樓上家長所言，如果把“準備”與操證書畫上等號，這大概是走錯方向了。然而，我想需要接受的是，不是所有孩子都適合這面試遊戲，而這面試遊戲也不是用來為我們的四、五歲孩子定輸贏。

teambuilder

都啱既，好少數係可以不勞而獲。如果你想將來既路有得揀，付出係必然既。

hkpapa852

TGTY 發表於 14-10-15 01:03
其實唔贏在起跑線又點樣同人爭私小or 直資！even 二線嗰d 都好難有offer! 過幾年出生率大跌就或者有可能！i ...

每年都有人講呢D, 其實考唔考到直資/私立小學唔係咁大不了, 香港8成以上既小學生都係讀緊官津小學架啦.

要D小朋友面對一個又一個沒有公開準則的"面試", 成敗真的不需太介懷.

甚麼叫"贏在起跑線"? 其實原本只是廣告公司的技倆, 而且,真的要計起跑線, 該從那一刻計? 老公唔係LS, St Joe, 港華畢業生, 老婆唔係St Mary, Maryknoll, Marymount畢業生, 係咪已經輸咗?

人生咁長, 而家只係考小學, 唔駛講得咁誇張, 小心"贏在起跑線, 仆在終點前"

longlokma

「勞」是要的，但不应是二、三歲开始。
現在以知識去考小一的情況極不健康，简直是疯狂

crispin

bubuG 發表於 14-10-15 07:55
「我見過無操練無cert無portfolio嘅小朋友有offer」—》 一定係少數

更多嘅係手持一大埋無謂cert去考小學，空手而回

bubuG

原帖由 crispin 於 14-10-15 發表
更多嘅係手持一大埋無謂cert去考小學，空手而回

你都定性咗果D係「無謂」Certs 啦，難道會呃到小學校長咩。

bubuG

原帖由 Lam3Tai 於 14-10-15 發表
"操"0既演譯人人唔同，但我認為操唔淨係等如上堂。語言表達，睇書/伴讀，郊外探索，性格培養，都可視為"操" ...

Agree. Certs 唔係最重要，有D學校都唔收portfolio

ckh311

我之前聽過一位津小校長講，佢話嚟叩門嘅小朋友個個都一大叠certs，但係佢立場，佢係唔會睇得哂，佢話最注重係小朋友當日表現，應對，禮貌，因為校方覺得，呢d certs有時只有你肯俾錢就有，無咩意思，所以都唔代表有certs就實穩陣，所以我覺得最基本係都好小朋友有禮貌先。

shpfamily

我諗諗下覺得沮喪....嬴在起跑線的何止幾百人, 呢幾百人, 都係考晒果d 直/私, 咁正常如我仔的, 就一定全軍覆沒.. 我都係要旨意幸運之神的眷顧, 在派位果度派好少少...阿門

sissysze

甘派得差又點，小朋友係叻係醒嘅可以去叩門，叩門都唔掂咪小一谷行佢小二去考插班，同意機會係留比有準備嘅小朋友。

ckh311

仲有要多閱讀，因為學校好鼓勵同鍾意小朋友睇書

Charlotte_mom

我唔想做怪獸, 不過亦唔會咁天真地相信童年最緊要開心, 活在香港就要跟規矩

我好同意樓上講, 咩叫準備? 與其努力去儲一d無謂cert就自我陶醉覺得自己小朋友已經好叻, 不如花d時間栽培佢成長: 親子溝通, 伴讀, 教佢做人道理, 性格栽培, 全部都係

分享2件事, 第一件係我身邊朋友真人真事, 第2件係之前ek有人分享, 我印象好深刻的

先講第一件:

事主個女係我女同學, 佢個大仔當年考心儀活動式學校, fail左, 因為佢仔係謹慎思考型, 觀察完經大腦分析至答, 從來唔亂黎, group in當然唔夠其他人砌啦

於是佢抽獎去左間地區名校, 又之後入左皇仁 (面試題我聽完答案都俾個good! 真係好識唸), 個男仔我都識, 親切友善識唸又勤力, 唔係咩星級學生不過迷倒晒一眾auntie
今年佢個仔s6, 準備jupas揀科, 小子意向係讀醫, 希望佢成功!

(咩叫贏? 入唔到心儀小學=差? 只係唔適合而已, 仲有排跑呢)


第二件:

事主係小朋友姑媽, 係bk網友, 件事係佢分享的

小朋友係女仔, 乖巧受教型, 無咩train過, 去考神校, 校長叫佢讀本英文書, 小妮子唔識答, 不慌不忙答校長: 校長, 呢本書好深呀, 我唔識, 你可唔可以教我呀? 校長見小朋友謙虛可愛, 真係續隻字教, 小朋友續隻字讀, 第2輪見埋父母, 校長好鐘意, 收左

(想入心儀學校, 亦唔係一定靠叻一定靠多cert, 校長閱人無數, 咩係叻仔叻女, 自然心中有數)

希望以上分享, 可以俾家長們一點鼓勵

AgapePa

longlokma 發表於 14-10-15 09:16
「勞」是要的，但不应是二、三歲开始。
現在以知識去考小一的情況極不健康，简直是疯狂
  ...

以知識去考小一算係最公平方法, 好過比運氣, 比血縁, 比地址.
知識亦不一定要「勞」要操才得.
遊戲學習, 伴讀 亦得

oh_really

什麼是贏在起跑線呢？
小朋友喺快樂、和諧、充滿愛、著重品德培育的家庭出世，而且健健康康，這也是贏在起跑線吧。