自行之後放棄學位仍可大抽獎嗎?

lamyoyo

要交自行申請表了, hubby 問了個怪問題, 攪到我突然有D唔肯定: 如果自行分配階段已經抽到學位並註了冊, 下年六月前通知教署放棄學位 (當無直資學位在手), 咁可唔可參加番大抽獎呢?
有無前輩試過可以分享?
謝謝

poodlebb007

據阿仔幼稚園校長講，參加大抽獎需要一、二月期間指定時段去選校，如果自行分配收咗又注冊咗就已經冇得選校抽獎了。

sunnygirl

好似大抽獎一日未放榜，一日都仲可以通知教育局轉軚。

tkinwong

其實，自行分配有學位，之後可唔可以叩門？111學校我知無機，但其他呢？有些學校好似無話要註冊證，有冇人知？

kirstyau

註冊左就已經冇得大抽獎，之後放棄係自己既事！

daddyday

有個師姐,考到直資，無參加計分，但之後考到私小，放棄直資參加大抽獎。最後抽中甲一。
要打去教處問清楚時間。

1010mum

六月已經放榜了。放棄已註冊學位當然可以，不過不是抽，是邊間學校有位撥入邊間。

如果要抽，應該是一月前通知放棄，跟大圍一月交表。

ckh311

奇怪一問，既然自行咁幸運入咗喇，做咩唔要再搏抽獎呢？除非自行揀間機會大入到或阿哥家姐讀緊你實入硬但又唔係你心目中個間。個人認為真係自行入咗，就無謂再諗抽獎，最驚得不償失，兩頭唔到岸，除非已有私小backup啫

lamyoyo

因為而家太早，有d私小都未面試，但自行表就要交，所以不知有無私小 backup.

lamyoyo

因為而家太早，有d私小都未面試，但自行表就要交，所以不知有無私小 backup.

siumanma

如自行註冊了，可以最後再誇區扣門嗎？

瑩瑩老豆

lamyoyo 發表於 14-9-20 18:28
因為而家太早，有d私小都未面試，但自行表就要交，所以不知有無私小 backup.



  ...

咁咪最多放棄自行個位去私小, 點解仲會諗去返大抽獎

爸爸愛您

如果自行收左，而你又喺該校注冊左，就無得再玩大抽獎

Olympian

咁如果有註冊，可否再大抽獎呢？

Olympian

冇註冊

chingcging

原帖由 Olympian 於 14-09-20 發表
冇註冊

冇註冊過係可以抽。

chingcging

原帖由 lamyoyo 於 14-09-20 發表
因為而家太早，有d私小都未面試，但自行表就要交，所以不知有無私小 backup.



  ...

你唔會因為保險而去簡啲寶做自行掛？

happyeveryone

回覆 lamyoyo 的帖子

如第1輪自行學校比個學位比你，而你又接受及去註冊咗個學位，你已經唔可以參加1月第2輪大抽獎。
相反，有自行學位比你，但你係無去到收你的學校做註冊(今年的註冊日係 26-27/11/2014)，咁你係可以繼續參加大抽獎。

丘師奶

原帖由 happyeveryone 於 14-09-20 發表
回覆 lamyoyo 的帖子

如第1輪自行學校比個學位比你，而你又接受及去註冊咗個學位，你已經唔可以參加1月第2 ...

咁我想請問，如果自行收左，還可參與直資面試嗎？因有d直資好遲先面試，謝謝

siumanma

如自行註冊了，可以最後再誇區到其他津校扣門嗎？