專注力不足, 係咪一定讀唔到書?

我係好媽媽

wan_sosin 發表於 16-4-17 02:17
咁啱!我仔畫畫都係好得人驚,佢都鍾意畫,但真係差得好緊要!

讀國際學校應該好D,我仔係傳統小學讀小二,今年入了精英班,但最近考慮過,決定出年讀返普通班,一來而家係普教中,試過都係想粵教中,普通班係粵教中;二來同同學相處麻麻,最主要係我仔唔鍾意認叻嘅人,但精英班好多同學覺得自己高人一等,而我亦唔想係咁嘅環境下讀書,有心學習的,讀邊一班都會學.呀仔貪玩,同學又唔多接受佢,同學同老師都認為,讀呢班應該乖d,總總加起上嚟,個班好似唔屬於佢咁.我情願好似小一時咁樣,同隔離位上堂偷下嘢食,可能仲開心d!

呀仔其實之前都講過唔想讀呢班,當初我覺得讀到為什麼唔讀,但最近冷靜落嚟諗,其實要聽下佢講,明白下佢個原因.唔可以忽視佢嘅想法,真係一額汗,原來真係有機會莫視仔女嘅感受,仲會認為自己做得好啱,我上了好好的一課!希望呀仔升上小三會開心返多d.

我仔 d 畫功, 每次同老師講起老師都會笑, 佢又係鐘意屋企畫畫畫, 但唔好比個topic 佢畫, 佢要憑空自己唸先得....當然畫出黎後會.........
就係一早已知自己個仔坐唔定, 所以同老公都共識讀國際會比較適合佢.  因國際學校, 所以係普教中....我同老公普通話都唔太得, 所以我地普通話科都睇得好開, 比較注重佢寫中文方面多d, 佢測驗考試有8x - 9x分我地已經好開心要去慶祝, 見佢都pick up 得唔錯. 我同老公要求唔高的....

我仔都係一個唔會去認叻既人....佢心目中玩係最緊要的....對佢, 最緊要係快d 做好晒功課快d溫好書, 就可以去玩....(我只要求佢咁多, 係唔係過份底?? 但只係小一, 所以都唔想迫得太緊).

上普通話堂時, 一開始係in groups, 3 個小朋友一groups咁, 因為咁, 上堂時好分心, 之後老師要佢自己一個坐一張枱, 自己一個group, 老師話反而咁樣佢上堂好專心...問佢想唔想同其他小朋友一group佢都話唔想, 佢想自己一個坐, 因為佢話其他小朋友會影響佢.....一個人坐開左之後, d 中文係有進步左......

wan_sosin

我係好媽媽 發表於 16-4-18 09:47
我仔 d 畫功, 每次同老師講起老師都會笑, 佢又係鐘意屋企畫畫畫, 但唔好比個topic 佢畫, 佢要憑空自己唸先 ...

"做晒功課,溫好書"--------已好足夠啦!

我係好媽媽

wan_sosin 發表於 16-4-18 23:53
"做晒功課,溫好書"--------已好足夠啦!

哈哈, 係呀, 我覺得完成到學校要求做好晒d 功課, 測驗考試成績算唔錯, 我就收貨, e+只係小一, 比佢玩多幾年啦.....
大家加油呀....

龍應台

hoiyee67 發表於 14-11-4 07:48
但我仔食左半年藥，成績一樣差……好氣餒……

我個囝囝都係咁,原全發夢,只係打機,日日欠交功課,D字醜到自己都睇唔明,除運動外各方面表現都差咩野招都出過都攪唔掂.佢學校同佢CHECK I.Q.發現佢數學推理128,語言118,係屬資優兒童.但表現出黎係根本唔係果回事.班主任同我講叫我好好栽培佢...但對住佢我已經無晒計...同媽咪關係惡劣係我最擔心既,...唯有盡力....共勉之......

天山雪蓮

原帖由 我係好媽媽 於 16-04-14 發表
所以我都同老公講, 佢專注力出問題, 影響佢寫字差, 我地都要接受, 唯有慢慢咁教佢寫好D.......我有時見佢其 ...

有無可以分享下therapy內容做咩？

我係好媽媽

天山雪蓮 發表於 16-5-12 20:36
有無可以分享下therapy內容做咩？

一開頭導師會叫佢坐係枱自己做野, 坐3分鐘, 開始時我仔係好辛苦, 坐唔到3分鐘的, 之後慢慢練, 時間就越黎越長咁練囉..仲有因佢脾氣唔好, 成日炆, 所以又會練習情緒管理, 點樣學控制自己情緒.  又會比個topic 佢, 要佢自己唸, 唸完要講或畫出黎, 係練佢既耐性.  由單對單到e+係group幾個小朋友一齊上, 就訓練同其他小朋友既相處, 點樣合作等

Zata

我囡小三確診有讀寫障礙及專注力不足，苦苦掙紮兩年，剛剛開始用藥，原因阿囡覺得自己係廢柴（讀書上），我們想她重拾自信。
小一、二時（那時未知有障礙），曾經因為整個週末溫習詞語，在家翻默又翻默，上床前明明已經溫熟了，第二天抹得乾乾淨淨，結果零分而給我又打又罵，然後自己內疚向朋友痛哭訴苦，每年六月夜不安眠數次驚醒只因擔心成績。日天看見來電顯示是學校電話會心狂跳，怕她行為有異而收到投訴而不知怎處理，幾乎每次都有新鮮事，很羨慕別家的孩子無愁無難的成長。也因為成績差行為不合群而給同學孤立給老師嫌棄，作為媽媽的我聽了她說後是幾酸幾屈。這些都是小事，直至最近她預期的數學分與實際的有很大偏差，我問她為何時，她哭著說自己係廢柴，我們就知道應該試試另一個方法。

metrochung

原帖由 Zata 於 16-05-26 發表
我囡小三確診有讀寫障礙及專注力不足，苦苦掙紮兩年，剛剛開始用藥，原因阿囡覺得自己係廢柴（讀書上），我 ...

上下D社交班，幫女兒重拾自信，有朋友仔會開心D。

Musemusetse

我都係ADHD，岩岩大學畢業啦，各位媽媽加油

tutik

回覆 Musemusetse 的帖子

可否分享你怎樣克服？等兒子可以借鏡？怎樣用藥(如有)。謝謝

Musemusetse

回覆 tutik 的帖子

如果要追成績就一定要食藥，但係藥物係有副作用，例如話會心跳加速，情緒不穩就無胃口食嘢，所以我一放假或者長假期我就唔會食藥架啦。

Musemusetse

回覆 tutik 的帖子

如果要追成績就一定要食藥，但係藥物係有副作用，例如話會心跳加速，情緒不穩就無胃口食嘢，所以我一放假或者長假期我就唔會食藥架啦。

因為我有過多嘅精力，所以一定要上一啲運動班去消耗多餘嘅體力，我嘅情況係玩攰左就容易啲坐定定。我嗰陣主要玩嘅運動係體操，我嗰排有上體操嘅話，成績會比較好。

另外我哋係好任性，做乜就要即刻去做，對於自己鍾意嘅嘢更加係不能自拔。所以當你發現自己小朋友有某方面嘅興趣，而呢啲興趣係可以接受嘅，咁一定要好好鼓勵佢哋去做，當佢意識到得到父母嘅支持，會容易啲聽話。

專注力不足嘅小朋友一般創意都會好好，要好好利用呢一點，用創意思維去學習。例如話問佢好多問題等佢自己思考，但係可以嘅話減少佢哋書寫，因為書寫和閱讀會令佢哋失去學習嘅動力。但係香港好難避免有好多書要溫好多功課做，我嗰陣會將啲筆記用螢光筆整到七彩繽紛，做功課都鍾意用唔同色嘅筆，咁可以減低讀書嘅沉悶。容易啲記入腦。另外我會用唔同感官去學習，例如話，我睇書睇到悶，就讀出聲,貪玩個陣會大叫書本的內容;有時會將要背默的課文錄音，唔想溫書就賴係床聴錄音。


最重要一點，專注力不足嘅小朋友係成長嘅過程入邊成日會被唔會成唔聽話，成日會比老師家長鬧，長期被責罵，會令他們自我放棄，多鼓勵讚賞先至可以培養小朋友嘅自信，當佢哋相信自己做到，佢哋就做到。不過唔好太遷就佢哋，等佢哋覺得做唔到係理所當然

大家加油

Musemusetse

補充一點，專注力失調嘅人會好容易對某D事上癮，可能係好事，亦都可能能係壞事，例如話當佢哋試過飲酒，食煙，吸毒，佢哋會比其他人更加容易上癮，不過好彩，我媽咪自細就同我強調邊啲野唔掂得，對於大是大非嘅嘢一定不能讓步，保證佢哋自細清楚了解，而且識驚，久唔久就要提一提，免得佢哋唔記得。

tutik

回覆 Musemusetse 的帖子

多謝你詳細回覆，是的兒子有着一鼔按壓不住的好奇心，佢既創作思圍如果用到在寫作方面就最好，可惜就是怕抄寫。我兒也是過動形，運動不可少，出身汗佢人都定啲。小兒社交差勁，常說沒朋友，老師常誤會佢曳，呼喝責駡累積負面情緒，他只有小三，早兩個月已開始用藥(算是最低量)，希望幫他能走入人群，享受小朋友應有的愉快學校生活。

Musemusetse

ADHD的創作力其實也包括作文的，但要寫好多字，無靈感又要寫指定題目先令小朋友怕左作文，我提議可以從文字遊戲開始，例如玩接龍，對對聯個d先。我試過年三十晚對住盤開得好靚既水仙話：歲晚開花結果，初一全軍覆沒。激到爹娘吐血。我細個好鐘意作呢d，大大下作文都唔錯。不過文字遊戲切忌限題目字數。

wan_sosin

Musemusetse 發表於 16-6-17 20:14
ADHD的創作力其實也包括作文的，但要寫好多字，無靈感又要寫指定題目先令小朋友怕左作文，我提議可以從文字 ...

睇見你所描述的,好有我仔的影子,佢作文其實唔錯,但因為唔太跟指引作,所以分數唔太高,佢都真係幾多創意,好鍾意玩接龍,好鍾意改歌詞,張課本入面嘅圖畫加上對白,佢成績算不錯.但最近感覺老師有些針對佢,乜嘢事情都入佢數,話佢唔啱,最近佢因為自己坐得唔好,加上同學唔覺意撞到佢一下,佢連凳一齊跌低,跌低已經是佢自己的教訓,但老師要佢罰抄中文課文,都唔知乜嘢道理!正準備打去學校傾下.

ADHD要走嘅路唔易!難得你成功克服自己的困難,好多謝你的鼓勵!

我係好媽媽

Musemusetse 發表於 16-6-17 20:14
ADHD的創作力其實也包括作文的，但要寫好多字，無靈感又要寫指定題目先令小朋友怕左作文，我提議可以從文字 ...

多謝你分享.  我仔都係咁, 好有創意, 成日係屋企用紙整好多野出黎, 又成日拎住枝筆寫寫寫.  但一做功課就死, 因為有指定主題, 佢就會唸唔到架喇.佢係完全唔鐘意睇書的.  但佢可以為左整佢既發明, 拎住本厚厚既英文字典睇.  我應該點樣培養佢睇書呢?

annie0517

請問可以PM 我therapist 嘅資料嗎？

Musemusetse

我睇政府醫生的

Musemusetse

原帖由 我係好媽媽 於 16-07-05 發表
本帖最後由 我係好媽媽 於 16-7-5 17:58 編輯

睇書方面我自己係甘:
中文書要睇橫行，唔睇直行
一本書要有好多個小文章小故事，因為專注力太差，最多睇兩三頁（我鐘意詩詞集，一首詩連解釋5分鐘睇曬）長篇小說就唔得了，係我注意力用曬都未入戲肉！
字體公仔多我都會鐘意睇
唔好係簡體字，睇唔慣

可以俾家長為小朋友簡書做一d參考