- 在線時間
- 89 小時
- 最後登錄
- 22-7-12
- 國民生產力
- 45
- 附加生產力
- 255
- 貢獻生產力
- 0
- 註冊時間
- 04-11-8
- 閱讀權限
- 10
- 帖子
- 159
- 主題
- 17
- 精華
- 0
- 積分
- 459
- UID
- 34156
 
|
本帖最後由 MrsCLee 於 15-11-9 17:21 編輯
我有2個仔, 2個仔都有ADHD, 2個仔都食緊藥, 可以分享下
大仔一年班返學2星期, 老師打俾我叫我帶佢睇醫生, 醫生話佢過度活躍, 跟手去排政府, 一邊睇C+一邊排, 食左藥既副作用係食唔到野, 好難入睡, 但佢食左藥之後唔會再係課室跑來跑去, 可以上堂, 我可以話係無選擇之下比佢食, 見佢又矮又瘦, 好心痛, 屋企人仲反對我比藥佢食, 搞到我都好自責, 但係佢E+ 5年班, 佢係學校操行係A-, 成績中上, 返學好開心, 自己會做晒功課先玩, 我返屋企基本上唔駛跟. 可以話食藥真係幫到佢好多, 因為佢係藥物既幫助下, 補充腦部缺失的成分, 係學校學識左咩行為老師接受, 老師關心佢, 佢好開心, 係一個正向循環之下, 佢就越來越上心, 連成績都好左. 雖然星期六日或長假期唔俾佢食藥我對住佢都會勞氣, 但我見佢係進步左好多, 佢肯努力既時候, 無藥都可以自己控制自己一陣.
因為ADHD有遺傳因素, 我第2個仔K3就同佢去排健康院CHECK, P1確診專注力不足, 由於佢行為問題不多, 醫生建議行為治療, 升上P2後開始跟唔到, 考試唔合格, 開始食藥, 第2次考試升左20名, 呢個仔無乜副作用, 我仍然都係星期六日假期唔食, 盡量俾佢學下點樣自己控制自己, 佢今年P4, 做功課情況比阿哥差D, 有時都要我跟下, 係屋企無晒藥力, 佢都要靠自己完成晒D功課係有D吃力. 但唔緊要, 最緊要俾佢知道你係同佢同一陣線
其實藥物唔係控制佢地, 藥只係即時既幫助, 過左藥力就要靠佢自己, 佢地就係係有藥既時候, 學識咩行為應該有, 咩行為老師同學唔接受, 係學校除左成績, 社交都好重要, 我地每次返精神科檢查, 醫生都關注佢地有無朋友. 返學有無朋友, 好影響佢地返得開唔開心同自我形象. 我睇番轉頭, 我好感恩當日決定俾佢地食藥, 因為佢地建立到既自信, 係無價.
我好早已經同佢地2個講,佢地係有病, 呢個病叫過度活躍症, 係佢地天生缺少左一樣野, 令佢地自己控制唔到自己, 所以要食藥幫自己. 圖書館有呢D書借, 同佢講, 大家一齊正視同面對呢個問題, 我當年同佢係唔同機構上過好多不同類型既堂, 好似專注力, 社交等等. 但過左初小, 其實幫佢搵一樣興趣, 可能比上堂訓練更有效.
大仔應開始發育, 明顯食量大左, 開始肥番D同高左, 佢自己早幾日同我講, 覺得自己既病好左D, 我問佢點解, 佢話佢發現自己上堂就算無乜藥都開始可以坐得定D (因為佢由P1開始一直食緊5MG/4小時, 我無加過劑量, 佢最近重左, 藥效更細). 我知佢自己學緊點樣控制自己, 我問佢要唔要同佢轉藥, 幫下佢, 佢答我佢想自己學下先.
藥係有副作用, 但亦唔駛太過抗拒. 真係上唔到堂既俾佢食, 會幫到佢好多, 起碼唔駛堂堂俾老師鬧, D同學唔鐘意佢. |
|
發表於 15-3-4 10:29
