有關和小兒在學習和打機及電子媒體使用上的時間爭議

little_yolky

stanleypyk 發表於 18-7-16 18:26
想問大家如子女讀副學士，可由子女申請貸款讀書，可低息分期15年還，你們會安排子女畢業後自己還，還是父母 ...

咁樣, 我用過來人身份同你講一講。

我同阿妹都係全免grant loan的, 不過, loan要還錢, 2厘幾息, 唔高。不過, 因為依家借既額較我以前高好多, 而大學畢業生又較我以前搵既工人工低好多, 你借果個, 應該利息仲要高D。我同阿妹當年係分5年還, 一畢業第一個月就要還錢, 還足5年, 真係辛苦的。大學畢業22歲, 還完要27歲, 中間係miss咗好多嘢, 好多發展既可能。我見你經濟環境都可以, 如係我, 我會俾學費, 唔申請貸款。


另外, 見你話想兒子邊讀書邊做part time工作維持生活費。其實真係會影響讀書既。唔係人人可以一心多用, 我就唔得喇, 我當年都只係暑假出嚟做嘢, 平時無做。因為我跟個課程都吃力, 我估你仔仔都唔會輕鬆, 所以如果要求佢一面工作一面讀書, 成績係一定唔會好既, 咁將會影響佢可唔可以入到U。不如你俾好基本既生活費, 例如車費、飯錢, 其餘唔夠先由佢做part time賺。


當然, 唔打工, 唔代表佢會將D時間嚟溫書既。希望你仔仔响AD入面識到班好同學, 鼓勵到佢上進。你仔仔成績都算唔錯, 要讚下佢。

Yanamami

bb560 發表於 18-7-17 17:13
你可以同佢講副學士要佢自己俾（低息貸款），如果佢可以讀完後讀學士，就兩邊學費都係你俾，希望佢可以落 ...

都係个incentive喎~

stanleypyk

little_yolky 發表於 18-7-17 17:17
咁樣, 我用過來人身份同你講一講。

我同阿妹都係全免grant loan的, 不過, loan要還錢, 2厘幾息, 唔高。不 ...

其實學費我們有能力比，如果功課忙不能兼職，我自然會津貼多些返學相關的費用，如果是打機忙不能兼職，自然維持原判，所有私人費用他自付了！

HaYi

我自己以前都是高中開始自供自給，同人補習同暑期工維生，借loan讀degree. 一畢業返工已開始還，另要俾象徵式家用，所剩無几但着緊份工.  degree费用我從冇想過靠家人，以後個仔都应靠自己，最多政府loan或家長loan，唯一可能是放棄或要延後留学.

stanleypyk

HaYi 發表於 18-7-18 09:25
我自己以前都是高中開始自供自給，同人補習同暑期工維生，借loan讀degree. 一畢業返工已開始還，另要俾象徵 ...

現今這一代青少年已很少像你這樣有計劃和有責任心，只是短視、走精面和不想付出！

stanleypyk

現在阿仔食飯如果在家或和父母一起出外吃，便了用他付費，昨天因我外遊夜返，我太太晚上懶得煑，打算和阿仔外出吃飯，當時他已打機6個多小時，我太太6點半已通知他可一起出外吃，可是等到他7點仍在玩，我太太無奈自己出外自己吃，最後阿仔打到9小時約9點才出去自費吃飯，所以打機成癮後，很多日常作息的生活習慣也受到影響，做父母心目中他是否能兼顧學業、兼職和娛樂存疑！

HaYi

stanleypyk 發表於 18-7-18 09:56
現今這一代青少年已很少像你這樣有計劃和有責任心，只是短視、走精面和不想付出！
...

我地個一代大多數都是窮出來, 長大又要養大又要養細, 好多野都是逼出來.   
現在環境唔同晒, 我都明一定不可能期望或要求現今的小朋友去自發做. 不過我個我都一早說定如讀到大學/想中學已去留學真要自己plan 下點集資, 不要以為樣樣都伸手可得,  希望佢明白大人的苦心.   

HaYi

stanleypyk 發表於 18-7-19 07:36
現在阿仔食飯如果在家或和父母一起出外吃，便了用他付費，昨天因我外遊夜返，我太太晚上懶得煑，打算和阿仔 ...

我朋友有2個小朋友讀中學, 佢地都似乎有上癮, 以前朋友間見面, 2個同大人小朋友仍會寒暄下, 近幾年只是打機基本上唔會理客人, 相信冇客人的時候更天昏地暗. 聽說成績已淪為不合格.  朋友都是高學歷的仁慈父母, 家教本亦冇問題, 父母意識到個問題, 但怕家嘈同失去親子信任, 冇採取即時不許打機, 只是默默安排全家參加多體育/戶外活動, 務求拉小朋友出房門, 減少接觸機的時間.   現在好像雖慢, 但有點起色.    打機的成癮性真是很難處理.

little_yolky

HaYi 發表於 18-7-19 16:06
我朋友有2個小朋友讀中學, 佢地都似乎有上癮, 以前朋友間見面, 2個同大人小朋友仍會寒暄下, 近幾年只是打機 ...

這是一種病, 要專家協助至得。

stanleypyk

HaYi 發表於 18-7-19 16:06
我朋友有2個小朋友讀中學, 佢地都似乎有上癮, 以前朋友間見面, 2個同大人小朋友仍會寒暄下, 近幾年只是打機 ...

其實打機成癮在生理上是有成因的,網上的解釋如下:

據說，上癮有醫學上的客觀定義。吸煙和吸毒之所以會令人上癮，醫學的解釋是因為尼古丁及部份精神藥物能夠強制腦部釋放多巴胺。多巴胺是一種可以令人感到快樂及舒服的化學物質，這種感覺久而久之會令人對煙和毒產生（生理上及心理上的）依賴，不繼續吸食就難以維持身體的運作。別以為醫學定義只會應用於吸煙吸毒上，有些醫生甚至將之延伸，用來解釋上網、打機、「低頭」看手機的「成癮症」。筆者曾經在相熟的西醫診所裡看到一篇供病人閱讀的短文。文章由一位醫生所撰，大談上網打機成癮的原因，就是因為會令大腦釋出多巴胺使人依賴。

詳細可參考以下網址, 不知會否有一天, 可將多巴胺從成癮的青少年中抽走便可戒除機癮。

https://www.inmediahk.net/node/1025183

HaYi

所以要direct由打机出來的滿足感去另一些刺激物(eg。 打球)， 因每一種新学習都可會釋出多巴胺.

retriever

HaYi 發表於 18-7-19 15:49
我地個一代大多數都是窮出來, 長大又要養大又要養細, 好多野都是逼出來.   
現在環境唔同晒, 我都明一定不 ...

點解唔可以自發做？

供及少並低於平均水平是否可以？

retriever

stanleypyk 發表於 18-7-19 22:56
其實打機成癮在生理上是有成因的,網上的解釋如下:

據說，上癮有醫學上的客觀定義。吸煙和吸毒之所以會令 ...

果個係結果唔原因。

佢從少打波，都可以成癮，睇你想佢好什麼。

心理學話，做某些事滿足心理既某一方面，佢唔打機理論上要某活動填補呢一塊。

當然從少做，比你而家做容易得多。

HaYi

retriever 發表於 18-7-30 00:21
點解唔可以自發做？

供及少並低於平均水平是否可以？

自發性好高的人可以自發做到自我控制，一早是叻人，同埋呢類人应該好少會打机上癮，应不在此主題需幫手之列啩...

比可供求的低供求是父母可选的，人人情况有異，冇能力評估可行性及成效

retriever

HaYi 發表於 18-7-31 17:39
自發性好高的人可以自發做到自我控制，一早是叻人，同埋呢類人应該好少會打机上癮，应不在此主題需幫手之 ...

嗯。。。

我問題係，你既然認同我哋果代好多野迫出來，言下之意係而家呢代境境唔同，跟住話好難要求細路自發。

我係問，點解唔可以自家製造當年既環境？當然唔可能一樣，但係咪有D 野回復近似當年，譬如：物質，譬如：照顧程度。。。

MrBeast

retriever 發表於 18-7-31 18:09
嗯。。。

我問題係，你既然認同我哋果代好多野迫出來，言下之意係而家呢代境境唔同，跟住話好難要求細路 ...

以前食慢d除時冇餸食，e加食成個幾兩個中，仲要三崔四請，又話呢樣唔食嗰樣唔食。
以前我冇0用＄，我生日老豆唔會買玩具比我，暑假自己去搵暑假工，e加要獎勵先去搵工

e加生得少，又有工人，peer group pressure，要制造之前的環境，不是易事。

retriever

MrBeast 發表於 18-7-31 19:29
以前食慢d除時冇餸食，e加食成個幾兩個中，仲要三崔四請，又話呢樣唔食嗰樣唔食。
以前我冇0用＄，我生日老 ...

既然話食飯三催四請，原因係物？零用錢既需求又係咪父母做出來。

聽落EK 都唔少FTM。係咪可以唔駛用工人？或者細路活動太多，自理太少？

既然我哋知道個原因，點解唔可以營造以前既環境？

MrBeast

retriever 發表於 18-7-31 19:36
既然話食飯三催四請，原因係物？零用錢既需求又係咪父母做出來。

聽落EK 都唔少FTM。係咪可以唔駛用工人 ...

知不易行更難，初為人父母未必知影響咁深遠，到知時可能已太遲，孩子大了性格定了就好難改變。
就算知道，另一半、長輩、工人又未必認同和合作，我絕對贊成盡早唔要工人，家務小朋友可幫手做，

stanleypyk

阿仔原先在今個月初去麥當奴兼職每晚4小時，原先安排4晚，但久而久之變成2晚，跟住話不想做麥當奴另找一份新的，本來是好事，人望高處水望低流，但前天兼職回來說，已通知店長不用編排時間給他兼職，我早前已勸告佢不要即時停工，應該邊做邊揾，但停工後2天，仍是在家打機6至7小時，其餘時間用手機至深夜，看佢仍是不想工作只管玩樂，由於這個月工作日子不多，所以他建議這個月不用津貼他一半薪金。我對他說8月仍算暑假，應全力投入兼職工作，到開學沒時間開工，收入自然更少，所以我對他說年尾過後便不再給他薪金津貼，以免他不兼職hea到年底！

retriever

stanleypyk 發表於 18-7-31 23:16
阿仔原先在今個月初去麥當奴兼職每晚4小時，原先安排4晚，但久而久之變成2晚，跟住話不想做麥當奴另找一份 ...

謝謝STANLEY，你的分享及經歷很值得我哋參考。