自閉傾向小孩上直資小一

erniec

囝囝3歲時已評定有自閉傾向，但一直問題不算嚴重，KG時讀主流學校，間中有參加社交小組，KG學校生活沒有太大問題。最近升上小一，問題好像天天不停，每天坐校車都給同學投訴，被風紀紀名，因不停大聲說話，唱歌(佢其實係好鐘意引人注意)，因校車係50人大巴，有好多唔同年級學生坐，阿囝話覺得校車似銜市嘈，又話同學拍佢攪佢，我都有一刻STRUGGLE係咪唔好坐校車。番左幾日學，我主動搵老C傾，傾下佢係校巴問題，我順道話左俾老師聽囝囝既問題，老師都好好人，佢都話未聽我講之前，已經發現阿囝同一般小朋友唔同，不過佢唔咁快下結論，阿囝有雙班主任，佢地都話有教過有學障兒童，叫我唔洗擔心，佢地知可以點幫阿囝，我即時都放下心頭大石。今日放學司機都對阿囝有微言，有時返學等校車時見到D同學仔，佢地都有同我講阿囝點naughty，個心好唔舒服，好擔心阿囝好快俾人isolate，老師有主動打俾我同我講番阿囝上學情況，都係唔能夠集中，好鐘意講自己野，又會批評同學。唉，真係好沮喪!有無過來人有D類似經驗可以同我SHARE?我都考慮緊係咪唔好坐校車，時間上可以自己湊到返學，但又好似斬腳指避沙虫咁，我應該點做好?阿囝呢類小朋友，係咪真係可以融入小學生活?

manabcd

我仔讀k3,實際上阿仔專注差,好自我,永遠要做第一果個,我都擔心佢上小學會有問題

chynnamama

erniec 發表於 14-9-15 17:16
囝囝3歲時已評定有自閉傾向，但一直問題不算嚴重，KG時讀主流學校，間中有參加社交小組，KG學校生活沒有太 ...

可否知邊間 ? hkuga 嗎 ? 因為我都有諗過我仔 a 仔 好唔好報. 適唔適合 ??