英文半桶水 教仔累咗佢

JWKun

英文半桶水 教仔累咗佢
You drink d water lar
2014/9/15




        「You drink d water lar」，為求子女贏在起跑綫，不少家長刻意營造雙語家庭環境，父母分別以廣東話及英語跟孩子溝通。但有人質疑，若父母本身英文水平有限，以港式英文教仔或會適得其反。不過，有人堅持製造多點練習機會，才是最重要。


        家長希望子女熟練兩文三語，不惜以雙語，甚至三語跟孩子溝通。近日有網民指，見到不少港媽堅持用英文與兒子溝通，雖然尚算流利，但口音「本地化」，語法更是由中文直譯，不禁慨嘆，「有啲頂唔順，點解香港人會嫌棄中文？」


        除了批評部分港爸港媽盲目崇尚英語，更有人擔心若以「港式英文」教仔，例如大家經常聽到的「You drink d water lar」，或會向小朋友灌輸不正確英文語法，及不純正口音，最終令孩子中、英文都「半桶水」。


        不過，不少家長仍然力撑英語學習，認為香港沒有英語氛圍，即使家長英文水平不佳，也要「頂硬上」為子女製造英語溝通機會；亦有人指即使在外國，亦不會有人取笑他人的語法錯或口音不正。


家長力撑：製造溝通機會


        香港幼稚園協會會長唐少勳坦言，留意到不少家長會用多種語言與子女溝通，除了廣東話，還用普通話及英語，亦有不少人將不正確的語法及發音灌輸給子女。她舉例指，有家長與子女模擬面試情形時，會說「What's your lam（name）」，結果小朋友參加真正面試時，自我介紹時便說成：「My lam（name）is……。」


專家：教子應用最熟悉語言


        唐認為，家長應該用最熟悉的語言與子女溝通，「若父母英語基礎薄弱而勉強用來溝通，最終可能『累咗佢』。」


        然而，一直關注港人英語水平的立法會議員田北辰認為：「家長與子女用英文溝通是好事，學習語文最重要是提升興趣，這方面家長的角色比學校重要，讓小朋友有機會使用，他們才會去學習。」


        他解釋，小朋友未必懂得學好英語對日後升學、就業有幫助，但他們明白多說英語能與媽媽多點聊天，就有誘因學習及運用。至於語法、口音等，田北辰認為可留給學校教導。


聽歌睇卡通 親子齊學英文


        家長未必能說得一口流利、標準英語，唐少勳建議，如果家長英文水平不好，可以先行進修，包括多看英文電影、聽英文歌，或與子女一起看英文卡通片、讀英文教材，既能一起提高英語水平，亦可作為親子活動。


        英皇教育創辦人岑兆昌認為，若家長的英文屬於未能正常溝通的水平，不宜勉強與子女說英文。若能基本溝通，即使口音、語法不正確，對小朋友的影響也不大，相信他們能從學校學習到正確的發音及文法。


        不過，岑提醒家長不要用半中半英的語言與子女溝通，「尤其不要在中文夾雜英文單字，例如『hap唔happy』（開不開心）。」他又建議家長要留意尾音，不要把廣東話常見的「啦、囉」放在英文句尾，否則變成習慣後便難以改正，甚至影響他們與外國人溝通。

Yanamami

煲冬瓜一樣啊~~阿女學校普教中，但我自己就唔掂檔，同她溫默書，我都喺用番廣東話，她自己轉channel啦！

Jane1983

吾係好信有家長同仔女講 "you drink d water lah"。

MASAYA

Jane1983 發表於 14-9-15 10:38
吾係好信有家長同仔女講 "you drink d water lah"。

quickly d 出 door lah

Jane1983

回覆 MASAYA 的帖子

哈哈，家長甘識搞笑，一定教養到快樂小孩！羡慕！

MrBeast

Jane1983 發表於 14-9-15 10:38
吾係好信有家長同仔女講 "you drink d water lah"。

I dont think so lor

Zenia

MASAYA 發表於 14-9-15 11:56
quickly d 出 door lah

呢個組合好難講喎.

Zenia

Yanamami 發表於 14-9-15 07:56
煲冬瓜一樣啊~~阿女學校普教中，但我自己就唔掂檔，同她溫默書，我都喺用番廣東話，她自己轉channel啦！ ...

我唔單止講唔掂, 連做功課簡體字部首都唔肯定, 考起我.

creamsicle

早前在公園overhead到個爸爸教仔英文生字,話 AIR-勞-平 同 AIR-勞-墳 都係 AIR-勞 字頭!!  :
you drink d water lah ....... 算幾好架啦

MASAYA

Zenia 發表於 14-9-15 14:10
呢個組合好難講喎.

咁呢個係順口d既

hagupit

原帖由 creamsicle 於 14-09-15 發表
早前在公園overhead到個爸爸教仔英文生字,話 AIR-勞-平 同 AIR-勞-墳 都係 AIR-勞 字頭!!  :
you drin ...

Air 勞墳 =  elephant?

lonelyranger

原帖由 hagupit 於 14-09-15 發表
Air 勞墳 =  elephant?

..or eloquent?

shadeslayer

原帖由 creamsicle 於 14-09-15 發表
早前在公園overhead到個爸爸教仔英文生字,話 AIR-勞-平 同 AIR-勞-墳 都係 AIR-勞 字頭!!  :
you drin ...

教仔英文生字,話 AIR-勞-平 同 AIR-勞-墳 都係 AIR-勞 字頭

Xxxxx

都係 'Air-勞' 字頭？ 好棧鬼！

Jane1983

記得有朋友話，周星馳譯Jeremy為「齌老味」，真係一絕。

廣東話其實好可愛，雖然商業價值係無也，但人吾可以吓吓咁現實。

Jackieson

回覆 Yanamami 的帖子

買支錄音筆比佢啦

Yanamami

Zenia 發表於 14-9-15 14:14
我唔單止講唔掂, 連做功課簡體字部首都唔肯定, 考起我.

好彩我地唔喺簡體字~~

701003

Bk、ek大把半桶水家長，堅持自己製造英文語境俾寶貝仔女出人頭地！你哋唔好厚多士啦!我聽過—bb,you see bird bird?—bb, no play 多多(door)—no run quick,will pk,will pain我忍唔住笑，俾人怒啤

clara1477

我聽過有個家長係興趣班度係咁同個仔講。。"你 熄燈！熄燈！！" 。估左好耐，終於比我估到，，佢係叫個仔  sit down    ....