剛做完評估，係adhd,請指教

joanray

其實有晒心理準備，但呢一刻好多野唔知要點做。請指教!
Background:囝，早產出世，現二年班，學習成績經我日日捉住做功課，溫習，成績有班中頭5名。老師評語都話佢聰明，但好唔專心，多野講，唔聽指示，叫唔聽，一開心興奮就控制唔好自己又叫又跑。
做功課勁唔專心。日日放學只係睇電視，睇完爸媽返來先肯做。佢自己都講唔知點解控制唔到自己，一定要睇電視，完全忘記應承左我地既承諾。
試過獎勵貼紙，禮物或活動獎勵，口頭獎勵，全部我三分鐘熱度。最近勁講大話，話已經做左功課，其實就完全冇做。
脾氣差，好易發脾氣，慢慢同佢傾又唔得，叫佢冷靜下先傾又得。
打，鬧，嚇，罰，傾，讚，獎，講乜都用過。都冇用。
老公唔肯比小朋友食藥，剛開始食魚油。
問題:
1. Adhd既小朋友做出來既行為，係咪佢自己都控制唔到？
2. 可否推介一些網站，書籍，比我學下點樣去handle adhd既情緒同問題？
3. 佢成績好，如果同學校講佢有adhd,會唔會有正面/負面影響，我唔知應唔應該講
4. 那間政府醫院睇adhd都有經驗，配套最好？佢地除左開藥，仲比到d乜治療或training?
其實，我因為個囝，工作，家人既問題，自己都已經有焦慮症同depression.我唔知撐到幾耐，大家請幫幫我

LittleEvelyn

專注不足/過度活躍症(香港)協會)
http://www.adhd.org.hk/child-adhd.aspx

以下兩本書是之前聽有關ADHD講座時, 講者特別推介:

四點鐘的驚恐──探討兒童過度活躍症 (何定邦醫生寫
http://www.cp1897.com.hk/product_info.php?BookId=9628884417)

分心不是我的錯
http://www.cp1897.com.hk/product_info.php?BookId=9573241498

Big-Mouth

回覆 joanray 的帖子

可以試吓針灸, 對小朋友有用. 或者試吓介小麥.

chowqv

將電視搬走，or 將電源set timer，鎖住電制。

free_style

試下生物為療法，好過食精神科藥物。只要戒口戒得足，兼食營養補充劑，效果好明顯。

細女兩歲時被評為自傾，無計可施，結果轉折之下而試這種方法，效果很好，K1時開始戒口兼食補充劑，她由情緒差、語言delay九個月、唔明指令，而家追返九成，連菲傭都話佢好好湊。

問題反而輪到哥哥，上小一時勉強，到小二，走哂樣，做功課唔專心、手冊抄到亂籠，起居生活樣樣哦，真係好勞氣。結果大人鬧佢，搞到大人之間都嗌交，親子關係都唔好。後來諗到阿妹的戒口效果，令我相信阿仔戒口，都會有改善。

果然，都只係戒左幾個月，好明顯。情緒穩定左，做功課無咁勞氣，平時叫十次才聽到的，而家叫三次已經收到，簡直係改善了我的生活質素。

其實老師話佢可能有讀寫障礙及ADHD，我無去做評估，因為自已心中有數，無論人地話佢有無，其實我都生活唔到。也是如此才決心同佢戒口。

而家連佢自已都話，上堂想專心聽老師講野，容易左，同埋俾人鬧少左，所以佢都明白戒口有用。

有些ADHD的小朋友食精神科藥物，搞到無胃口，但生物療法是搞返好你自已的身體機能，所以我仔係胃口好左，高左又肥左。以前菲傭日日話佢飯盒食剩飯，而家係佢問好唔好買個大D的飯盒。不過咁，戒口唔容易，要立心做，戒得清才會見到最好的效果，只要睇住佢情況改善，便會有好大決心繼續戒口。

free_style

grapefruit seed extract, 我仔有食，但只是十幾種補充劑中的之一。生物療法比較影響生活方式，要重新調整，難度較高，但效果很好。所以，我覺得一係唔好試，一試就試到最盡，睇下有幾好。

若果真係有效果，才會累積到最大動力去持續。

samanthayip124

回覆 free_style 的帖子

咁要戒食邊種食物？還是要看醫生後才知道？

free_style

samanthayip124 發表於 14-9-13 14:37
回覆 free_style 的帖子

咁要戒食邊種食物？還是要看醫生後才知道？

蛋、奶、小麥係必戒的。做左食物敏感的測試，然後照單執藥。我跟醫生做的，因為咁醫生可以最清楚我地的情況。補充劑就醫生開的，每次遇有情況，我會紀錄低，再等醫生看是否須調整補充劑。我的感覺係，必須兩者併行，效果才最好。

joanray

試過，但就去玩玩具

roccolamar

joanray 發表於 14-9-11 22:57
其實有晒心理準備，但呢一刻好多野唔知要點做。請指教!
Background:囝，早產出世，現二年班，學習成績經我 ...

我小朋友6歲時確疹為ADD (專注力及過動但以專注力問題為主)，k2已留意他有倒寫字及反應慢，叫指令要等一會才有反應，上堂很多時都發夢，極易分心。

我在他7歲時便帶他去深圳的DORE 中心做小腦訓練，因深圳是離香港最近的DORE 中心，否則最近便要到台灣。DORE 是利用每天2次的小腦訓練刺激小腦神經發展，刺激生長神經線的特觸，形成一個神經網絡加強大腦的訊息傳送及重新整合小腦的協調性。DORE 的小腦訓練需要持續最小一年，每天早晚在家做2次小腦訓練(在Dore 安排的IP cam 前做，他們每天會在指定約好的時段錄影，並每天觀察做運動的情況)。每3個月我小朋友便要到DORE 中心，用儀器量度數據並傳送到英國的DORE centre，以便編排我小朋友期後的小腦訓練內容。

我小朋友是上年9月1日開始做的，本來今年9月滿一年後應該全部做完結束。但前天到深圳評估時，因為還未完成指定的16節( 有3 part ，每 part 16節)，我小朋友在3 part 中只完成了分別 12, 13 及15節，所以我們要補錢做多3個月，以完成全部16節的小腦訓練內容。

在這一年中，我是看到我的小朋友的情況有改善，例如倒寫字消失，上堂已很少發夢。以前小一時老師時常話佢上堂無反應發夢，同佢講野好遲才有反應。開始做了小腦訓練後，老師話佢上堂會主動舉手答問題，佢話以前佢唔會，就算問都唔識答，但現在舉手答問題，証明上堂專心左知道老師講乜。接放學的姨姨話佢醒目左，駁嘴又快左。我同佢溫數學，又覺得佢頭腦靈活了，比較容易講得佢明白。但現在仍有小小不專心，閱讀速度仍不算太快，可能因為還未完成整個訓練關係。

昨天看數據評估時，看到1年前他的反應是 delay 2/3 分鐘或以上，但前天的數據是 delay 少於 1/3 分鐘，這可以解釋為何與他交談或提出指令時，現在反應快很多的原因。

其實在小朋友做DORE 之前，我先生在3年前已開始做DORE 的小腦訓練，可算是爸爸的遺傳。佢爸爸做之前成日無記性，佢成日要用記事簿記下事情以免忘記，佢 個 head 成日話佢點解又唔記得d野。佢小時候都成日無記性，所以大左個問題仍然持續，只是變了大人版。他用了1年時間便完成了 DORE 16節的小腦訓練不需延長，做完後他說他記性好左，以前唔記得就唔記得，現在會靈光一閃記起來，以前是未試過。整體感覺是有效率很多，以前很久沒拍擋的同事最近再拍返，佢地都覺得佢成個人唔同左。神經特觸生長後不會自動縮回，所以我先生在3年前做完後，至今也沒有退回去。

其實我先生做DORE 訓練之前，我曾要求想見見其他做過DORE 的家長談談，我見過2個家長，他們分別是做了1年及1.5年的，他們都說做完之後有明顯改善，所以我才嘗試的。

你可以在Google search DORE 小腦訓練，或者是非藥物治療外的另一個選擇，可以幫到小朋友的行為及學習，但要花持續一年時間，除了金錢之外，父母投入的時間及要有恆心才成功。希望幫到你！

Daddle

回覆 free_style 的帖子

可界紹你仔的醫生給我嗎？因為不知那裹有得check。但我擔心如果介奶品、蛋和小麥，咁等於歺歺吃白飯，因為這些食物都是她日常三歺的主食，如不吃麵包或粉麵，可用甚麼代替呢?

free_style

Daddle 發表於 14-9-17 12:31
回覆 free_style 的帖子

可界紹你仔的醫生給我嗎？因為不知那裹有得check。但我擔心如果介奶品、蛋和小麥 ...

可吃的，還是很多。戒口後慢慢習慣，生活還是愉快的。雖然生活無咁方便，但睇住小朋友改善，會有好大動力向前走的。我仔，戒口半年，先是情緒趨穩定，然後由叫十次才收到，而家叫三次己識跟住做。同埋，寫字唔再打大風，兩年幾，作業首次有甲級呀！佢自己都話，以前好 難專心聽老師講，而家終於有機會做到。我覺得辛苦都值得。

Daddle

回覆 free_style 的帖子

我明白，但仍希望您可介紹你仔的醫生給我，因我不想再浪費時間周圍亂試，而且亦不是每個精神科医生都有這方面的成功經驗。
謝謝您！

cny1213

其實做多D大筋肉運動如踏單車, 跑步, 游水等都可以訓練小腦, 有助改善整體大腦活性。得閒同小朋友做脛部按摩都有幫助。

fannylin

cny1213 發表於 14-9-30 12:54
其實做多D大筋肉運動如踏單車, 跑步, 游水等都可以訓練小腦, 有助改善整體大腦活性。得閒同小朋友做脛部按 ...

請問“脛部按摩”中的脛部是指哪個部位？謝謝！

cny1213

脛部左右兩邊有兩條主要血管，按摩這裏可速進腦部血液循環，有助提升腦活性。

eat

回覆 free_style 的帖子

請問你給小朋友什麼早餐?

free_style

eat 發表於 14-10-12 10:59
回覆 free_style 的帖子

請問你給小朋友什麼早餐?

好多的喎，粥粉麵飯，麵包，或腸粉。重點只是食物中全沒有蛋奶及小麥。

eat

回覆 free_style 的帖子

玉米片内的麥芽是否小麥？