用戶登入
用戶名稱:
密      碼:
搜索
教育王國 討論區 幼校討論 九龍塘朗X….一間"很現實"的學校 ...
查看: 11314|回覆: 61
go

九龍塘朗X….一間"很現實"的學校

Rank: 5Rank: 5


1371
發表於 14-9-9 23:00 |顯示全部帖子

我仔原本以為有幸被取錄, 上年可在這校開始PN, 聽說口俾不俗, 一家人滿心歡喜, 期待他可在這校由PN讀到K3, 甚至它的直屬國際小學, 雖然及後在家長會有提及PN上K1要通過考核。他是9月出生, 所以要到10月, 滿2歲後才可上課, 比較其他同學已在8月開始上課, 再加上是"細仔", 上課和學習表現較比下去。上課的第一天, 我客氣地向老師說小兒的學習要拜託他們的專業教導, 她回敬一句:「大家一齊努力吧!」 過兩天, 她來電講上課表現, 說他不專心, 坐不定, 並說:「他來這裏上堂前, 冇上過playgroup 嗎?」 其後坐不定情況已改善, 但上課表現不佳, 經常左顧右盼其他東西。約11月時, 即已上咗學一個多月, 學校開家長會講解K1課程及升K1考核情況, 他的老師會後跟我們說:「你哋最好揾定其他學校。」 幾星期後,主任致电說他通過不了考核, 暫時不會收他升讀K1, 叫我們在家多加訓練, 到2月時, 再考核一次, 她還說老師上課時已很俾心機教他。跟着幾個月, 我們在家除了家課, 也另外經常訓練他, 坦白說只有小進步, 而定期學校派的學習評估報告, 老師寫得很差, 大部分給劣等, 在一次電話談話, 老師說:「他唔明我嘅教導, 在這裏學唔到嘢。」到2月中, 主任再致電, 說他仍通過不到考核, 確定不會取錄升上K1, 讀完PN要離開。我們十分失望, 商量幾天後, 反正已有其他學校取錄9月K1, 決定通知校方提早離校, 不想浪費時間和金錢在這學校, 亦唔阻住它們上位做名校。


撫心自問, 小兒學習能力及表現的確比較滯後, 尤其當其他大部分同學都可通過考核, 而小兒兩次機會也失敗。但:


1. 小兒面試過其他PN, 有不取錄的例子, 如這校的要求是較高, 當初為何取錄他?如認為小兒資質差, 應一早不取錄PN。從以上列舉老師的談話, 短短開始上課幾個月, 令我感到它們較安於教導易處理的幼兒, 卻無心機及耐性培育能力較弱的學生。         
                                    
2. 小兒當時只是2歲, 就要他和家人就要面對這些事, 會不會太現實和狠心吧?尤其聽到 "你哋最好幫佢揾定其他學校", 當時尚未有K1 offer時, 我的家人非常傷心及傍惶, 哭了多次, 幾乎患上抑鬱症。


3. 在我上學的年代, 成績差、考試幾科不合格的學生, 首先會被要求留級, 第二年仍無改善, 才會被趕出校。小兒在這校不是犯上打架、偷竊, 只是學習成績差, 是否連留級機會也不給予, 短短上學幾個月就要被踢出校?!

在這裏, 透過我的經歷, 想大家為仔女選學校時多加各方面考慮, 尤其是那些不確保直升K1的學校。



為我兒揀選這校, 兩歲開始上學不久便被趕出校, 蒙上污點, 是我人生其中一個最錯誤決定。

   

點評

acepno  Did the school teach u how to    發表於 14-9-10 03:31

Rank: 3Rank: 3


191
發表於 14-9-9 23:13 |顯示全部帖子

回覆:九龍塘朗X….一間"很現實"的學校

老實說  我唔覺得學校做法有咩問題  亦唔關現唔現實   既然一早已知上k1 要通過評核  就應該有心理準備  
家長不如正面啲  仔仔唔係被踢出校  唔係咩污點   只係未搵到間適合佢既學校而己



點評

ekhc  agree  發表於 14-9-10 01:49

Rank: 5Rank: 5


2662
發表於 14-9-9 23:30 |顯示全部帖子
今時今日已經唔可以用我地嘅年代比較,學校都係一盤生意,學校如果唔適合你嘅小朋友,幾出名幾貴都無用。。。其實你N班知道唔適合都好過遲知吖

Rank: 5Rank: 5


1243
發表於 14-9-9 23:42 |顯示全部帖子
我朋友係美孚think 都有同樣情況,應該係學校政策。

Rank: 3Rank: 3


308
發表於 14-9-10 00:35 |顯示全部帖子
家長無需太介意, 如果學校真係現實, 何不讓你的小朋友一直讀到K3, 多收三年學費不是更好嗎? 九龍塘乃名幼集中地, 學校對學生的學習能力有一定要求實屬無可厚非, 每個小朋友對學習知識的吸收能力各有不同, 再者你的小朋友是十月細B, 相比同年大B確實比較吃虧, 既然學校坦白道出你小朋友的問題所在 (學習遲緩), 那乾脆轉換一間合適的學校便是, 難道你喜歡學校勉強收多你三年學費而你小朋友什麽也學不到 ?

我想提醒樓主, 學校只是一個學習地方, 老師頂多只是一個輔導性質, 教導小朋友永遠都是我們為人父母的責任, 不應把教導兒女的責任推缷予老師或别人, 所謂養不教 父之過 / 母之過, 只有教不嚴 師之惰, 何時聽過養不教 師之過 ??


925
發表於 14-9-10 06:15 |顯示全部帖子

回覆:九龍塘朗X….一間"很現實"的學校

提示: 作者被禁止或刪除 內容自動屏蔽


5066
發表於 14-9-10 08:41 |顯示全部帖子
提示: 作者被禁止或刪除 內容自動屏蔽

Rank: 11Rank: 11Rank: 11Rank: 11


48932
發表於 14-9-10 09:09 |顯示全部帖子
「趕出校,蒙上污點」- 不要這樣想,先2、3歲人仔。這些挫折佢自己吾知的,做父母就啃咗去,不要想太多,主要著眼如何幫小朋友更好地發展。

Rank: 5Rank: 5


2299
發表於 14-9-10 10:01 |顯示全部帖子
I can tell this is Think's policy.

Rank: 5Rank: 5


4639
發表於 14-9-10 10:11 |顯示全部帖子

回覆:九龍塘朗X….一間"很現實"的學校

有兩位朋友都經歷類似情況,相信這是學校的政策。但不要氣餒!知道有位2010年9月細B,九龍塘校也是這樣說嗰位pn小朋友跟唔上,叫佢搵第二間K1。但嗰位小朋友後來K1考到KV,讀了一年。最近從Facebook知道佢9月開學時讀德望(但唔清楚是轉做超大repeat k1 ,定係插班K2)。加油!



Rank: 4


732
發表於 14-9-10 10:32 |顯示全部帖子
讀得唔開心, 轉學校未必唔係唔好嘅。宜家間間學校都係現實 ka la, 我地都要習慣下。振作d, 宜家search下搵邊間學校申請好喇, 加油。

Rank: 3Rank: 3


346
發表於 14-9-10 10:41 |顯示全部帖子
回覆 sadkid 的帖子

讀金錢掛帥的學校,難道你期望學校會有教無類?

Rank: 4


967
發表於 14-9-10 11:33 |顯示全部帖子
呢種學校唔係賣愛心, 有呢個情況好正常呀, 我以前都聽唔少呢個情況
所以選擇學校真係要考慮清楚小朋友既性格, 資質, 選擇適合既學校
K1又係一個新的開始, 忘記唔開心既事啦

Rank: 3Rank: 3


402
發表於 14-9-10 11:50 |顯示全部帖子

回覆:九龍塘朗X….一間"很現實"的學校

只覺現在的學校只是一盤生意,輸打贏要,已沒有有教無類這回事
快樂童年最重要,不要唔開心,幫小朋友搵過一間好學校



Rank: 5Rank: 5


1209
發表於 14-9-10 12:05 |顯示全部帖子
其實我想問下考核係考d 咩的??

Rank: 3Rank: 3


141
發表於 14-9-10 12:13 |顯示全部帖子

回覆:九龍塘朗X….一間"很現實"的學校

加油! 唔適合.早知好過遲知!



Rank: 4


967
發表於 14-9-10 12:15 |顯示全部帖子

回覆:九龍塘朗X….一間"很現實"的學校

學校其實面試已經知道係細b, 學習能力自然比大b弱,收完細b又唔接受細b嘅情況,我認為好過份。小朋友未必知發生甚麼,但家長唔好太唔開心,大細b將來都會接合,祝你找到一間有愛心有耐性的學校!



Rank: 4


694
發表於 14-9-10 12:37 |顯示全部帖子

回覆:sadkid 的帖子

唔適合自己唯有離開,每個小朋友都唔同,學校亦難說有錯,要上位嘅學校一定係咁,覺得唔啱就唔好嘥時間去勉強,小朋友又辛苦,老師又會施壓力,係我就搵第二間。



Rank: 6Rank: 6


7056
發表於 14-9-10 12:38 |顯示全部帖子

回覆:九龍塘朗X….一間"很現實"的學校

我以為think 比較似國際學校,唔介意坐唔定的小朋友。

咁坐唔定的小朋友,有什麼學校唔介意架?



Rank: 6Rank: 6


5440
發表於 14-9-10 13:02 |顯示全部帖子

引用:我仔原本以為有幸被取錄,+上年可在這校開始

原帖由 sadkid 於 14-09-09 發表
我仔原本以為有幸被取錄, 上年可在這校開始PN, 聽說口俾不俗, 一家人滿心歡喜, 期待他可在這校由PN讀到K3,  ...
請問邊間係朗x的直屬國際小學?



點評

HaYi  朗X小學, 亦在KLT  發表於 14-9-10 13:15