快九月中, 仍有中學提供 offer !

beywat496

昨日中秋節聚會中, 知道 朋友孩子剛收到 offer, 是地區名校, 好吸引, 原本還是第一志願, 但係現校 校服書部分班午膳交通, 所有已安排好,

都唔知去定唔去。我見到朋友個心好亂, 四圍問人。


我自己覺得 校服 書部 午膳 交通 都係幾仟元上落, 我勸朋友 用幾仟元買翻自己的第一志願, 明天要回覆學校, 唔好霸著兩個位。

Yanamami

如果喺適合孩子的，孩子又願意轉，個幾千銀平分6年，唔多吖！

TwinWong

鐘意就不防轉 唔洗谷一年後轉

old_baby

你講出學校名，大家至可以幫你判斷值唔值得。

goodenough

beywat496 發表於 14-9-9 11:11
昨日中秋節聚會中, 知道 朋友孩子剛收到 offer, 是地區名校, 好吸引, 原本還是第一志願, 但係現校 校服書部 ...

值唔值好難用金錢去量度，書簿、校服是身外物。相反，轉去一間地區名校，不用多說，同學一定會讀得吃力一點，名次又可能後一點，有時還會吃力不討好，甚至損害家庭和諧的氣氛，害處還會很快就浮面，未見其利先見其弊。
讀名校如果諗住佢個價值，我諗你未必會估得到。如果以今時今日的地區名校一般都係得6、70%入U率來計，你是否可以估到同學一定就是這6、70%之內，如果是之外的3，40%怎樣好？

還有，近兩年好流行講的話題就是高中選科的問題。一般名校都是以成績來決定選科先後次序，萬一因中三時的成績不夠別人好，就會連選科的優先都輸掉。要在名校中取得優先選科的資格又是有一番難度的。

你可以用10元8塊買到一杯雪糕，但你亦可以用數十元買一杯雪糕，但當中有甚麼不同，就是你夠竟想要些甚麼！值唔值得？跟名校未必有直接的關係，是同學是否願意再比別人再付出多一些！

ernestchow

goodenough 發表於 14-9-9 18:38
值唔值好難用金錢去量度，書簿、校服是身外物。相反，轉去一間地區名校，不用多說，同學一定會讀得吃力一點 ...

假如志願係做醫,但中三又唔夠人爭phy chem bio, 甘點呢?

瑩瑩老豆

beywat496 發表於 14-9-9 11:11
昨日中秋節聚會中, 知道 朋友孩子剛收到 offer, 是地區名校, 好吸引, 原本還是第一志願, 但係現校 校服書部 ...

單從金錢說不準, 致少都講埋由邊間轉邊間, 小朋友程度如何等

old_baby

ernestchow 發表於 14-9-9 18:57
假如志願係做醫,但中三又唔夠人爭phy chem bio, 甘點呢?

校內中三都唔夠人爭phy chem bio, 又憑什麼去考醫學院? 即使考到又如何過關畢業?

ernestchow

old_baby 發表於 14-9-9 19:37
校內中三都唔夠人爭phy chem bio, 又憑什麼去考醫學院? 即使考到又如何過關畢業?
...

如果在皇仁真係難爭呀,唔做醫做藥濟師都唔得喎

old_baby

ernestchow 發表於 14-9-9 20:06
如果在皇仁真係難爭呀,唔做醫做藥濟師都唔得喎

都係果句 : 勉強冇幸福.
皇仁收生４班，到分科時有幾多人可以讀phy, chem, bio我就唔知，但係即使爭得贏果班都未必個個入到醫科、藥劑，何況係爭唔贏果Ｄ？唔通你認為校內競爭難過大學入學?

youma

ernestchow 發表於 14-9-9 20:06
如果在皇仁真係難爭呀,唔做醫做藥濟師都唔得喎

藥劑都唔易, 隨時難入過醫科.

Yanamami

goodenough 發表於 14-9-9 18:38
值唔值好難用金錢去量度，書簿、校服是身外物。相反，轉去一間地區名校，不用多說，同學一定會讀得吃力一點 ...

禁呢間名校喺快要9月中都仲請呢位同學入讀，相信呢位同學都有能力，唔喺是是但但搵個人番黎填空缺吧~

fion6406

原帖由 Yanamami 於 14-09-09 發表
禁呢間名校喺快要9月中都仲請呢位同學入讀，相信呢位同學都有能力，唔喺是是但但搵個人番黎填空缺吧~ ...

同意呀，叩門入到，就算唔係學校最想揀的頭30% , 點都係學校想要的頭40%吧，咁都怕入讀後會感吃力，或者中三揀科揀唔到心儀科目，咁靠抽入個6成人點算？

goodenough

誰敢說叩門被取錄的同學一定可以經過三年後仍可保持名列前矛，像皇仁裡面，單係抽獎入來的軒小同學，不少都仍是臥虎藏龍之輩，只是自行時學校會傾向收取街外同學而矣。地區名校都有相同的特色，就係會有一些有實力的小學支持，否則沒可能做到地區名校的。所以唔好睇少這班同學，當大家實力都差不多的時候，你要突圍就好難，有時相差幾分就係10名8名的分別了。中三時，如果係邊緣同學還要非常小心。我見過有同學在中三的家長會上是哭著出來的！氣氛並不輕鬆。有時同學喜歡的並不是phy、chem、bio，如果係econ時怎麼辦，又如果是其他科時又怎麼辦。假若學校只開一班、兩班時，你就要入頭兩班同學之名次之內你才算是有選擇優先，否則，你要待人家選完後有位剩才輪到你。

試想一想，要在區內最頂班的學校中排在中遊位置唔會太難，但都要非下一番苦功不可。再者，小學的科目只是中六、七科，但到了中學係十三、四科，數量多了不特止還深了。

人家話傳統名校係較少功課，但地區名校係出名谷的，並不是叩門取錄就等如一定會掂。如果同學係以此學校作自行第一志願而不被取錄，要待叩門時才有機會的話，即是有可能同學的條件是不及自行時正式被取錄的同學，這跟自行時沒報，或者自行時去了直資而放榜後叩回官津的不同。總言之，我並不會睇少地區名校的競爭激烈性。因此，值不值得不在於是否名校，亦不是入了名校就一定保你將來，就在於你願不願意不停的付出。

goodenough

old_baby 發表於 14-9-9 20:58
都係果句 : 勉強冇幸福.
皇仁收生４班，到分科時有幾多人可以讀phy, chem, bio我就唔知，但係即使爭得贏果 ...

皇仁算好，學校中四級四班，但開三班phy、chem，可以選修chem的機會都好大，起碼唔會因選科已斷你讀醫的夢想，之後讀唔讀到，爭唔爭得贏，就要靠你日後的努力和加點運氣啦！如同學能在選科之後開始發力仍然是有機會的。
至於校內競爭跟入大學的競爭，最好睇返以往同學的表現。通常每年都有10個同學入醫的話，那你想入讀醫學院的最好就要以10名之內來作目標。人地話，狀元都可以估計到那些同學會最有機會，又每年人家都有超過60%同學入8大的話，學校的競爭難唔難得過入大學，你自己都知啦！

old_baby

goodenough 發表於 14-9-10 00:43
[size=15.1999998092651px]至於校內競爭跟入大學的競爭，最好睇返以往同學的表現。通常每年都有10個同學入醫的話，那你想入讀醫學院的最好就要以10名之內來作目標。人地話，狀元都可以估計到那些同學會最有機會，又每年人家都有超過60%同學入8大的話，學校的競爭難唔難得過入大學，你自己都知啦！

以歷史來說, 以前QC預科(理科)有3班共約90人. 這3班之中, 除了QC的F5學生升上來之外, 還有校外會考精英來QC讀預料的, 真可算"盡收天下兵器了"! 但當時能考入港大醫學院每年平均也只是10~20人左右.

以現今比, 多了中大醫學院, 但不能添加校外會考精英. 可以說學位多了, 但陣容就不及以往強勁. 更不相信大部份讀phy, chem, bio的QC學生也能考入醫學院.

(從前入醫學院不一定需要有A-level Bio, 現在不清楚)

可能他們的校內競爭比公開試還要強, 問卷更深 (很多名校也會). 但要爭入醫學院, 對手就是全港尖子了. QC雖強, 也不是為所欲為吧?

從前我讀中學時, 也有類似情況 -- 同學們(尤其男生)大多想入理科班, 但學校只開2班理科班, 做成競爭. 但那些勉強入到理科班的邊緣人, 到會考時也是一敗塗地!

goodenough

old_baby 發表於 14-9-10 01:25
以歷史來說, 以前QC預科(理科)有3班共約90人. 這3班之中, 除了QC的F5學生升上來之外, 還有校外會考精英來Q ...

可能他們的校內競爭比公開試還要強, 問卷更深 (很多名校也會). 但要爭入醫學院, 對手就是全港尖子了. QC雖強, 也不是為所欲為吧?

--------------------------

你可能要返睇我上面所講的內容，我絕無講過QC是為所欲為吧而且一個指標亦無必要跟為所欲為掛上！全文的主旨亦在於說明不同層面的學校，就會有不同層面的學習難度，有些學校係只會給適合的同學就讀，地區名校除了成功的事多之外，令你失落氣綏的事亦特別多。失落時可否再繼續努力，重新站起身抑或從此沉下去才是關鍵，絕對不是值唔值得去讀這麼單一化，也不是叩門收得你就一定沒問題這麼簡單。同時，亦解釋了叩門同學跟自行收錄和甚至大抽獎同學的互相關係，說明了地區名校不是徒有虛名的！

當如果大家都咁有興趣以QC作例，我只係話，當學校平均每年有六成以上人可以入8大的時候，你咪可以推斷你地學校的競爭力有幾大囉，就係這樣。點解有些學校的每年平均入8大率咁低甚至沒有呢，點解有些學校又可以去到8、9成呢？有沒有諗過點解？當然因素有好多，但成續和學習的水平的差異一定是其中一樣因素。因此，我地經常在EK都有聽過其他家長話要揀一間適合自己的學校才好，還不是這個原因嗎？你還記得近期有一個post講關於band 2同學往band 1學校的嗎？為甚麼我們在EK裡要將band 1學校分開成1A、1B、1C呢？要在band 1學校生存本已不易，要在1A中學裡不被淘汰，是困難的了，要在1A學校裡考到前列，更加是一個挑戰。band 1A已是一個成績的反映，內裡包含了入大學的比率、家長的受歡迎程度等等，要金拿到band 1A前列的同學，雖非等同一定可以入大學，但如無意外的話，入大學的機會還是非常高，對嗎？如果以學校本身的程度和考試用來跟文憑試和入大學的比率掛鈎可能會有不盡相同的地方，還有像你所說的別的學校同學的因素，但同學在學校的排名還不是足可反映出同學個人的能力嗎！


如果你將QC換成BPS或其他學校都可以，只要調較一下學校的入U率和大家的同學興趣會揀那一科較多就是。敢問你是否清楚現在有幾多學校可以做到這個指標？就算唔清楚都唔緊要，說穿了，好多大家的所謂band 1A學校都有這個數據了，並不是罕有的，但人家學校的同學不是也一樣競爭得很大嗎？難道BPS、喇沙、St Mary等的學校會細嗎？我只相信在這些學校中，絕唔會有同學可以雙手交疊，輕輕鬆鬆就可進大學，還要是極受歡迎的學科嘛！


醫學院根本上並無甚麼是了不起！但請不要誤會，醫學院還可以是其中一個參考指標，尤其是對有興趣讀醫的同學。有狀元喜歡揀中文系，有人會以精算、商業、工程作目標，並亦不是多人入醫學院就代表為所欲為的。入醫學院學醫的數據只是給大家同學作一個依據，要入醫學院，你不得不要進佔前列，但應該前到幾多呢，我諗有些學校係會比到你一點訊息的。你還要多聽前輩學長的經驗，只是如果一間學校有這麼多人可以入醫學院的話，你們一眾兒女要考慮選學校時，而子女的目標是以醫學院為目標的話，又的確是好的選擇，因為你沒理由去揀一間從未有同學入醫學院的學校掛！


除了是否願意付出的同時，我更加相信大家在選校時，尤其在要考慮值唔值得的時候，你所選擇的學校強在那兒、弱在那兒、好在那兒和難在那兒和都要知道吧！

old_baby

goodenough 發表於 14-9-10 03:24
可能他們的校內競爭比公開試還要強, 問卷更深 (很多名校也會). 但要爭入醫學院, 對手就是全港尖子了. QC雖 ...

也不要勞氣，你我所說的似乎沒太大抵觸吧？



樓上有板友說有孩子想讀醫科，但中三想入phy, chem, bio班也爭不到. 想來(理科)成績是bottom half之下了. 若然勉強入了phy, chem, bio班, 就多數要墊屍底.


我想即使在神校,  理科成績是bottom half(或以下)的學生, 想入醫科也是痴人說夢話.

ernestchow

goodenough 發表於 14-9-10 00:43
皇仁算好，學校中四級四班，但開三班phy、chem，可以選修chem的機會都好大，起碼唔會因選科已斷你讀醫的夢 ...

那皇仁開三班phy chem 真係幾皆大歡喜,但我知有人真係讀唔掂升中四轉校,點解呢?

Yanamami

都喺有d唔明。其實無論自行入又好，抽獎入又好，叩門入都好，都要靠當事人努力同睇他資質，先可以知讀得掂唔掂架~唔喺話叩門就一定差過自行入嘛（不竟自行位有限，唔喺個個叻人都可以如願以償），都唔一定抽獎入就唔夠好嘛~所一點都要讀上去先知嘛。起碼我覺得自行入》叩門入》/=部份抽獎入（有實力）》部分抽獎入（考運氣）。再者，一定要讀到醫科先喺終極？先喺至勁？今年唔喺有SPCC狀元讀教育，想做老師嗎？