一山還有一山高

瑩瑩老豆

阿囡9月升中, 佢學校將中/英/數三科分別按preS1 成績分A(拔尖)~D(保底)組上課, 結果阿囡分到中(C組), 英(B組), 數(A組), 因阿囡在小五/六都係全級三甲內, 所以佢第一個反應係何解中英分到較低組, 我跟她說中學集合了不同小學的精英, 水平已不能跟她以往的小學同學相比, 希望佢明白天外有天, 人上有人, 知道前面還可以有很多進步空間.

Yanamami

如你所講，真喺精英雲集架！上到中學讀書方法唔同曬，真喺好有進步空間架~而家先喺“開始”咋~加油！

smallfoothk

好看你升中學校,如一條龍或聯係,插班/新生基本上好叻過小學升中生,很多進步空間?頭三年會知. 上到中學讀書方法唔同曬，真係,讀書靠自己努力,家長支持....

王家爸爸

是學會謙虛的好機會。

王家爸爸

smallfoothk 發表於 14-8-25 15:48
好看你升中學校,如一條龍或聯係,插班/新生基本上好叻過小學升中生,很多進步空間?頭三年會知. 上到中學讀書 ...

知不足，然後懂謙虛，是進步之源

bestwish

王家爸爸 發表於 14-8-25 15:58
知不足，然後懂謙虛，是進步之源

有D小學嘅卷係明顯深, 有D明顯淺。 往往pre se1出來的成績同校內成績有出入非出奇事。 我女校長話, pre s1 成績分班未係好準確。 通常到了S2分班又會大執位。 所以S2分出來的精英班先係堅料 !

simonkawah

原帖由 bestwish 於 14-08-25 發表
有D小學嘅卷係明顯深, 有D明顯淺。 往往pre se1出來的成績同校內成績有出入非出奇事。 我女校長話, pre s1 ...

贊成。亞囡學校今年直情取消S1拔尖。只得補底。

結結巴巴

回覆 bestwish 的帖子

確實如此。S1的分班試，一來小朋友未必全力以赴，二來只考中英數三科；而S2的分班則是採用S1全年的總分成績，是真正實力的反映，故有較大的調整。一般來講，S3的分班將會變化不大。

小木偶媽咪

請問朋友入左X組即係邊組？

瑩瑩老豆

bestwish 發表於 14-8-25 16:39
有D小學嘅卷係明顯深, 有D明顯淺。 往往pre se1出來的成績同校內成績有出入非出奇事。 我女校長話, pre s1 ...

或者係, 不過可比我囡知道人上有人.

瑩瑩老豆

小木偶媽咪 發表於 14-8-25 19:56
請問朋友入左X組即係邊組？

佢地將1A/B/C 班分 A~D 組; 1D/E 班分 X~Z 組, 所以A 和 X 組都係top 的.

deky01

結結巴巴 發表於 14-8-25 17:39
回覆 bestwish 的帖子

確實如此。S1的分班試，一來小朋友未必全力以赴，二來只考中英數三科；而S2的分班則 ...

阿仔中學頭S1~S3話冇分精英班, 所以等到岀年升S2就知自己真正實力有多少...

哈哈豬

S1先係開始, 有排努力, 要看他們了

tester5

自己女兒剛上小一, 但因今年派位很慘烈. 而自己做功課也太少, 所以現已立即上升中派位看看.

看了一個多月, 自己也有了一個較新的看法. 以前我自己只希望讀好書上Band1中學, 死讀爛讀有個好既升中派位. 對囡囡好自然也有呢種期望, 但原來在BK有家長真是以小朋友成績選b1c, 甚至次給band2校風良好的中學, 希望仔女讀得開心.
當大家都在衝衝衝, 可以好理智地為仔女選一間合適的學校真係要好有勇氣和智慧. 我希望我將來也有這個勇氣, 我希望阿女可以在一間她可以比較輕易可取得中上成績的學校讀書. 不需要是B1A, B1C, B2也可以, 希望是校風良好, 老師肯給予小朋友機會發展. 因中學時期是小朋友建立自信, 發掘個人專長的重要時機. 如果女女是中上成績, 她不用只掛著全力讀書, 可多一點機會發展另類長處, 而老師也不會因為她成績長期處於中下遊而容易忽略她, 變相可能也會多給她機會發揮所長.  我只係分享我的看法, 希望樓主不要介意我在借題發揮.

樓主女女升到心儀中學, 真是可喜可賀. 現在分班分得好與不好也有很多原因.祝願你女女明白天外有天之外, 也可更上一層樓, 預強越強!

Yanamami

tester5 發表於 14-8-26 18:46
自己女兒剛上小一, 但因今年派位很慘烈. 而自己做功課也太少, 所以現已立即上升中派位看看.

看了一個多月, ...

其實我覺得分到而家既班，間學校應該喺好適合樓主女女，如果科科setA，即表示女女變了小塘大魚，反而而家仲有進步同上升空間，表示間學校喺合適既。

grace_xian

仔也是分到中，英文補底班，五班中有二班是PS1成績好的班
不過仔說只是因為PS1成績分班, 一次考試唔代表咩嘢

所以大家要加油哦

TwinWong

囡囡上紧書院嘅拔尖數, 發現好多同學嘅PAPER 滿分,
16分滿分, 佢得14分,  唔开心咗一陣, 我同佢講,
你無在外补数, 無外援, 我好滿意, 正明你有專心上堂,
最紧要知道自己錯在那里, 係唔識計条数, 再請老師教一次,
定唔小心計錯數, 做完复多兩次, 再从錯誤中改善就得。
路有崎嶇, 有平滑, 跌倒要懂得起反身, 正面面对

ernestchow

瑩瑩老豆 發表於 14-8-25 14:14
阿囡9月升中, 佢學校將中/英/數三科分別按preS1 成績分A(拔尖)~D(保底)組上課, 結果阿囡分到中(C組), 英(B ...

作為家長,知道佢不是全A 組會唔會有些失望?

eytben

TwinWong 發表於 14-8-27 11:27
囡囡上紧書院嘅拔尖數, 發現好多同學嘅PAPER 滿分,
16分滿分, 佢得14分,  唔开心咗一陣, 我同佢講,
你無在 ...