4歲小朋友評估

Lam3Tai

剛見完家長，老師話小朋友好好記性，科學同數學邏輯好好。但耐性同專注力唔夠，叫我哋帶佢健康院做評估。

剛排期驗眼，可否順便問姑娘？另外，聽聞政府排好耐，坊間有否有做評估嘅機構可介紹？

謝謝

wan_sosin

注專唔夠,好多小朋友都有!未必要評估,除非注專力真係差到學唔到嘢!

你講你小朋友好好喎,老師叫你做邊樣評估,你認為佢有乜問題?

個個小朋友都有強同有弱嘅地方,唔一定一發現有d地方弱,就要評估.

老師點樣講,去評估想幫到個小朋友乜嘢地方?

Lam3Tai

回覆 wan_sosin 的帖子

老師話佢專注力唔夠，冇耐性，如坐唔定，希望我哋帶佢做評估，早啲可以train佢專心啲，等佢學嘢會好啲同揀小學方向更清晰。
老師似係想話佢專注力不足。

wan_sosin

Lam3Tai 發表於 14-8-3 22:45
回覆 wan_sosin 的帖子

老師話佢專注力唔夠，冇耐性，如坐唔定，希望我哋帶佢做評估，早啲可以train佢專心 ...

4歲就算去評估,都好難判斷係唔係注意力不足,4歲本來專注力就係有限.

學校有無比信你,如果有,你正接send比健康院即可以約見醫生,但並唔係評估,只係睇下個小朋友係唔係真的需要評估,如醫生覺得要,會轉介你去做,但再要得6-9個月先有得真真正正評估,你去問其他機構的話,一般都會話太細做唔到.你即管可以問下協康同小童群益會.

chanwendy

我仔月尾5 歲, 幾個月前我去 ngo 做了評估, 結果係我仔有過度活躍同亞氏保加傾向, 心理學家話因為一般要6 歲先會確診, 所以佢寫咗轉介信比我去政府排, 兩年後再評多次. 同時心理學家都教咗我一啲方法, 專針對亞仔的問題.

朱寶媽媽

原帖由 wan_sosin 於 14-08-04 發表
4歲就算去評估,都好難判斷係唔係注意力不足,4歲本來專注力就係有限.

學校有無比信你,如果有,你正接send比 ...

我個囡4歲7個月升k3，有專注力不足同情緒既問題，大小肌肉有D遲咗半年，佢填顏色好多時都油出界。明年升小一可以怎樣幫她。是否在協康會做6歲之前的評估。朋友叫我不如repect k3

wan_sosin

朱寶媽媽 發表於 14-8-10 11:18
我個囡4歲7個月升k3，有專注力不足同情緒既問題，大小肌肉有D遲咗半年，佢填顏色好多時都油出界。明年升小 ...

咁即是細女,有無做訓練,如果訓練有成效,有進步,咁上k3問下老師意見,睇下跟唔跟到.
如果進步得慢,情緒又難控制,咁不如讀多年做大女.因為已經係細女,還要發展慢了點.要跟真係好辛苦.

小童群益會都有做評估,可以問下,睇下邊間合適.

朱寶媽媽

原帖由 wan_sosin 於 14-08-10 發表
咁即是細女,有無做訓練,如果訓練有成效,有進步,咁上k3問下老師意見,睇下跟唔跟到.
如果進步得慢,情緒又難控 ...

但K3一開學，又要揀學校填表。

朱寶媽媽

原帖由 wan_sosin 於 14-08-10 發表
咁即是細女,有無做訓練,如果訓練有成效,有進步,咁上k3問下老師意見,睇下跟唔跟到.
如果進步得慢,情緒又難控 ...

我比個囡參加咗兩個不同機構的專注力小組訓練，一個要家長陪，佢同社工和其他小朋友玩遊戲，專注力勁差（eg.用杯傳乒乓球，在等後時玩隻杯，都佢傳時有幾次傳錯。玩數字遊戲有時又導師叫她的No.佢都冇反應），另一間上了3堂（冇家長陪），導師話佢上堂ok,只係有D習作不適做而坐咗响到，指導她又ok，（其中一環要佢貼相同的貼紙在每個格仔上）反而沒有受到同組比較嘈D男仔影响。

I_O_U_baby

樓主小朋友同我個真係有D 似.
我問左小童群益會, 4歲可做智能評估, $3800,
宜家排十月有得做.
不過姑娘都係話6歲前唔會睇到D乜,
因為佢地智力仲係發展階段.

我都未決定係咪做. 但爸爸想同佢做,
因為校長好想我地做,仲要快做.
所以爸爸比校長知我地有跟佢意思做,
已經有配合到學校,老師就唔駛成日同我地投訴

問過健康院,佢話4歲驗眼有份問卷比家長做,
做完佢地會睇下駛唔駛轉介見醫生.
不過我仔的情況, 政府應該唔會同佢做,
因佢其實都聽大人話(只要惡D),同佢做野思路係好清晰的.

I_O_U_baby

我覺得我仔係貪玩多, 如果玩佢係可以好專注,
玩積木, 畫畫, 聽故事, 佢可以坐半個鐘以上,
只係佢唔鍾意成班人一齊坐定定聽老師教書,
佢就會自己搵野玩, 或者走來走去引人注意.

wan_sosin

朱寶媽媽 發表於 14-8-12 17:27
但K3一開學，又要揀學校填表。

9月尾填表,到最後一刻還可決定,若老師有經驗,會比到意見.

wan_sosin

朱寶媽媽 發表於 14-8-12 17:55
我比個囡參加咗兩個不同機構的專注力小組訓練，一個要家長陪，佢同社工和其他小朋友玩遊戲，專注力勁差（eg ...

如果真係未如理想,都係重讀好,好多家長就算小朋友無乜特別,都情願做大仔大女,何況而家已經追得辛苦.
一般小朋友上小一都要點時間適應,所以真係唔易架!你考慮下,何況真係細女,讀多年都唔係太大.

I_O_U_baby

Lam3Tai :

學校無比信我,只叫我自己去私人機構CHECK,
因佢話NGO 要排好耐。
我知佢同班有個懷疑過度活躍同少少自閉,
學校有寫紙REFER 佢去健康院CHECK.
但校長話我仔唔係,唔會寫紙, 只叫我去私人CHECK.

hillaryli818

我想問下小童群會係打邊個電話可以BOOK到, 我小朋友4歲又係校長成日吹我

I_O_U_baby

hillaryli818 發表於 14-8-20 14:44
我想問下小童群會係打邊個電話可以BOOK到, 我小朋友4歲又係校長成日吹我

http://counselling.bgca.org.hk/profession.html
你打電話去,有姑娘同你傾下,再比意見你.