培道小學

little_yolky

ckh311 發表於 14-10-20 15:07
原來你係培中校友，咁可以分享下培中d嘢呀？有咩咁吸引你呀？因為聽過來人講就最真。



  ...

呢度係小學網, 版主會唔會封我艇架。


其實, 我係中學生時已係老校長既事, 當然, 我唔會隔咗幾十年無端端塞阿女去讀咁衝動既, 人可以學壞, 學校都可以, 因為轉咗新校長了。所以, 我就等阿女K1時厚住面皮咁再參與番母校活動。老師們又好, 唔介意我厚面皮, 所以, 我就可以多了解今時今日既培中了。

培中過去既特色係校風純樸得嚟女仔唔哞豆, 都有歌仔你唱：培道女子溫柔柔丫嘛, 培道係專出靚女(賣花讚花香先)。依家既培道女仔整體上都仲係純樸的, 老師們都好有heart。最大既改變係多咗英文班。因為現校長(又快退休了)係翻譯畢業, 英文超good, 當年語文微調政策下, 校方開會商討開英文班既問題, 有舊老師表示, 培道一貫係中文學校, 如果開英文班, 學校就如無咗靈魂。而校長(好似係佢講)請表示, 响現政策及社會環境下, 如果堅持唔開英文班, 培道唔單止靈魂, 軀殼也會沒有了。最後, 學校一級四班開三班英文班。如此, 學校對於推行英語學習運用了很大的資源配合, 同學們的英文較我們一代好了很多(當然, 我們那一代的中文是非常好的), 保留自己的特色下存活下來了。

培中响幾年前原址重建, 環境好好多。初中也不需要穿白長衫了, 比較容易適應。現在的培中比較著重成績了, 我們當年真係大家好hea好開心咁學習的, 現在她們好多活動, 好忙。大家可能稱之為催谷。但我見現在的小師妹, 臉上都充滿活力, 估計都唔會谷得好死。不過, 因為派入的大部份都係band 2生, 同埋女仔到中學真係好多唔讀書, 所以成績唔係咁top就係真既。但起碼, 對於成績要求唔高既父母, 佢可以教出一個端莊有責任既女仔出嚟。

不過, 培道中學有兩點不利因素：
1. 副校今年退休, 正校明年退休。新管理層上場後不知有何種程度改變, 係最核心既問題
2. 女校雖然純樸, 但畢竟是非會多, 小朋友處理得唔好, 真係幾煩

ckh311

原帖由 little_yolky 於 14-10-20 發表
呢度係小學網, 版主會唔會封我艇架。

謝謝你分享呀

zanezane

回覆 little_yolky 的帖子

咁其實值唔值真係在乎家長的價值觀....
二線私小有的東西的確與二線津小不同....

私小要考入, 同學的能力差異少了, 老師會易處理d.
但同時要競爭名次時, 又好似會激烈d....
學校課業輕鬆, 咁家長又洗唔洗weekend在校外報d學術course補下?

ptm

今早同老公去了九龍城吃早餐，順便看看下培道中學個學校環境,他超喜歡！我就說喜歡都無用！因你個仔是男仔然後他說...咁呀囡一定要跟阿哥讀培小啦
其實我小朋友4年前小一時，都抽到一間2缐天主教津校。而我個細囡現在讀緊K2....我亦留意緊現在考小一的情況，又時自己靜靜係度想，我4年前是否做錯決定？因我大仔讀津校，跟隨我細囡就不用擔心抽小一問題，所以我就同老公講下呢個問題......我是否以前決定錯了？我老公就說：妳沒有做錯決定！我們小朋友不是讀得很開心嗎？我們亦很滿意！如之後到小朋友升中，亦有2個zone選擇。可能我和我先生心儀九龍城學校...而事實九龍城英中比例是比較多位的。

little_yolky

ptm 發表於 14-10-20 16:10
今早同老公去了九龍城吃早餐，順便看看下培道中學個學校環境,他超喜歡！我就說喜歡都無用！因你個仔是男仔: ...

今早同老公去了九龍城吃早餐，順便看看下培道中學個學校環境,他超喜歡！我就說喜歡都無用！因你個仔是男仔

笑爆咀, 差啲噴飯



最新消息報告你聽, 今年小一千幾人考(依準考證編號估計), 培幼hold咗110+位, 如果開4班, 即只有10+個位, 開5班就有40+。阿細剛剛今個月初考, 月底等運到。

little_yolky

zanezane 發表於 14-10-20 16:01
回覆 little_yolky 的帖子

咁其實值唔值真係在乎家長的價值觀....

唔好意思, 我哋係hea家長, 所以無補習


佢星期六已經學嘢由10:45學到夜晚6:00, 踩足3場, 好忙, 真係無本事再補習了。升咗二年級之後, 阿女成績明顯差咗, 我問佢, 佢話常識好淺, 但中英數都深咗, 所以, 原先小一時我完全唔需要跟功課的, 依家小二都要同佢跟一跟了, 尤其係數學, 佢話有時會唔明。好彩佢中文仲keep得住, 唔係就死得。

上一個暑假佢太hea了, 剩係顧住睇書, 浪費咗兩個月, 所以, 小二暑假可能要佢去補下習, 操下佢。

ptm

回覆 little_yolky 的帖子

我知31號有offer呀！因我朋友個仔都有去考培小，我朋友好緊張考唔考到！朋友說佢自己都無信心抽到好津校，佢都住在41校網。我想下年度小一都會收5班，因阿仔都有說今年小一有5班，而且我收到風一班有成28，29人，收到爆了。

ptm

回覆 little_yolky 的帖子

今年p.4常識好深呀....有10題係without 書本，其中5題是multiple choice.英文亦深了好多.....淨英默一班有9個不合格

little_yolky

ptm 發表於 14-10-20 16:34
回覆 little_yolky 的帖子

我知31號有offer呀！因我朋友個仔都有去考培小，我朋友好緊張考唔考到！朋友說 ...

2014-15一班收30人, 2015-16一班最多會收33人。譚副校話因為知道學童多, 所以儘量會開5班, 但依家未決定, 因為課室唔夠, 所以我都好愁。


不過, in完之後, 大囡攞咗自己同妹妹張相送咗俾校長, 同校長講：呢個係阿妹, 佢今年考小一, 你收埋佢讀啦。笑到我丫。



BTW, 你仔仔今年小四, 請問學校係唔係一直無精英班, 小三操唔操TSA? 點解小二啲中文深咗咁鬼多既? 作文點作都係得75分, 係咪越高班老師俾分越手緊架?

little_yolky

ptm 發表於 14-10-20 16:42
回覆 little_yolky 的帖子

今年p.4常識好深呀....有10題係without 書本，其中5題是multiple choice.英文亦 ...

咁我死了, 佢依家小二英默都得六十幾分, 幾時俾人扣到小四? 佢第一次默書, 隔離位果個都係得14分咋, 都咪話唔驚。

ckh311

原帖由 little_yolky 於 14-10-20 發表
2014-15一班收30人, 2015-16一班最多會收33人。譚副校話因為知道學童多, 所以儘量會開5班, 但依家未決定,  ...

你大女好

ckh311

同埋如果得咁少位，機會好微囉，但培幼生係咪一定上培小，會唔會有d等抽獎？

little_yolky

ckh311 發表於 14-10-20 17:13
同埋如果得咁少位，機會好微囉，但培幼生係咪一定上培小，會唔會有d等抽獎？



  ...

一般培幼生會hold住個位, 除非係無論如何都唔讀培小或阿哥家姐已讀緊其他學校的。因為培小俾hold位家長玩大抽奬, 所以, 到6月, 又會有一批學位free出嚟, 只要有恒心, 都唔可以話機會好微的。

hobby

回覆 little_yolky 的帖子

千幾人爭10幾個位

我估培小會收返有弟妹的申請先 .... 不過我呢啲外來生就 ...

little_yolky

hobby 發表於 14-10-20 17:29
回覆 little_yolky 的帖子

千幾人爭10幾個位

唔好擔心, 開5班就有四十幾個位了。

ptm

回覆 little_yolky 的帖子

妳细囡應該無問題既，話曬大女讀緊。小三tsa是結業前考的，老師亦是考tsa前，勁比前5，6年既tsa卷比佢地做和同佢地改卷，tsa是考2日的。

ptm

回覆 little_yolky 的帖子

一路都沒有精英班的，好似5，6有分中文和英文班。其實一路我都覺得培小中文科特別深，我大仔默極中文都不高分，可能unseen深。
而佢中文作文，我一諗就頭痛！老師好嚴格....個(且）字果橫寫長d都扣分，手緊到不得了！
回到家不練木筒笛，都比老師寫手冊，妳知有d直資中學會睇埋p.4手冊架，我已叫我個仔要醒醒定定。
至於英文，是我仔強項！但都失手，剛剛果次得73分。
妳要小心p.3 listening ，深到嘔.....小心看圖reading d past tense.
Overall 小四嚴格好多了！但我覺得是應該的！我亦係時候要谷他...因要準備考中學了。

ckh311

原帖由 ptm 於 14-10-20 發表
回覆 little_yolky 的帖子

一路都沒有精英班的，好似5，6有分中文和英文班。其實一路我都覺得培小中文科特 ...

聽完你地分享，原來培小都唔hea，都幾嚴格，尤其中文科，但都係好事嘅，打好d個底，因為考DSE，我聽好多朋友講話唔擔心英文，最驚係中文炒咗，因為普遍家長(我d朋友)都注重英多過中，結果出嚟成績，雖然中無炒，但都係3，4到，佢地話算好彩

zanezane

回覆 little_yolky 的帖子

我想問如果你細女touchwood入唔到培小, 有何計劃? 抽大埔哪間?
我細囝接住果年又要報小學, 頭痕中.
如果家姐入左私小, 細佬係咪要報多d私小直資望有一間可收留佢呢?
細佬無左直入分, 津小自行最多15分, 又係唔係好樂觀.

little_yolky

zanezane 發表於 14-10-20 18:42
回覆 little_yolky 的帖子

我想問如果你細女touchwood入唔到培小, 有何計劃? 抽大埔哪間?

我真係大吉利是過你。



如果妺妹第一輪入唔到, 就出動家姐日日 "蟻" 校長, 然後再一個禮拜一封求位信, 寫到收我為止。再唔得, 返中學母校搵人幫拖, 殺出個血肉長城。