細size鋼琴一問

cyberpigpig

大女想學鋼琴，但屋企唔夠位；我又要湊住妹妹，陪唔到大女去琴行練琴。
其實想問下有冇d size 細d，或者少d鍵既琴介紹？

bebebe12345

當年最初在五洲租了一個少琴鍵的、不足一年己要換!
近年都未見過......可免則免。

BELLEYEE88

一般的鋼琴都會有88個琴鍵，約要小琴鍵的可以選擇電子琴，但對學生長遠發展始終不太好，因為高級的鋼琴譜都需要用到最高及最低音的琴鍵，而電子琴的觸感和音色與真的鋼琴亦有差距，長遠來說還是需要提供給子女一部完整的鋼琴去學習。

坊間亦有琴行幫忙看顧獨自練琴的小孩，不讓他們隨便離開，詳情要到各琴行詢問。

cyberpigpig

多謝你地既回覆，
我囡囡年紀比較細，得五歲，我覺得佢未能自己練琴，仲要人略略教導。所以有點煩惱。
囡囡學左4個月，仲未可以做到譜彈，若填上CDEF，佢就可以彈到。係咪算慢？
同埋大概學到幾級要用到最高同最低鍵？

Bao.Jin.Dup

慢慢同佢練習，寫晒ABC雖然彈到，但無助佢睇譜速度。

anidacat

原帖由 cyberpigpig 於 14-07-29 發表
多謝你地既回覆，
我囡囡年紀比較細，得五歲，我覺得佢未能自己練琴，仲要人略略教導。所以有點煩惱。
囡囡 ...

同意樓上，不建議用電子琴/數碼鋼琴。

另外，聽你講似乎女女學琴係傳統方法⋯一開始就五線譜認 middle C. 如女女好定好鍾意彈琴兼且係視覺型學習同記性好好，又肯練琴的話，傳統方法都冇話唔得，雖然係悶啲⋯不過個人認為細嘅小朋友學琴係需要一啲特別方法，除咗睇譜一定要由細一開始就訓練埋 listening 同節奏感（唔係就咁 1n 2n 數拍子喎），咁先夠全面。另外睇譜唔應該淨係認五線譜 CDEFG，如要寫低 letter name 先彈到，似乎就未掌握到睇譜技巧，應該要識 step or skip, 向上向下，interval 呢啲，唔係死記每個音嘅位置。

至於你問學到幾深先要彈最高最低音，我用緊套琴書，book A 未睇五線譜已經會叫小朋友彈到去最高或最低音啦！唔夠 88 keys 就冇得玩 lu! 舊式琴書好鍾意 fix 係 middle C 附近，兼且雙手永遠擺死一個位，其實只能夠練到手指，唔係學緊音樂⋯你可以留意吓女女彈緊嘅書係咪咁？