分享12月細女面試經驗

vickywong1014

家住中西區, 十分希望小女能於附近上學, 可是怕細女會比較輸蝕,故此報了多間幼稚園.

13年9月尾
香港小童群益會樂緻幼稚園（灣仔）

呢間係第一間in, 純粹諗住近兼warm up, 但一去到真係嘩一聲, 學校細細但超多人, 真係搵個位都難.最後等左兩個幾鐘先有得in. interview方式係group in, 8個1組, 冇問小朋友問題, 只問家長如你認為小朋友上學最重要係咩; 如小朋友起爭執, 你會點做.
結果: waiting, 之後收左
10月中
啟思幼稚園（杏花邨）

呢間都係純粹賺經驗, 一開始小朋友入房玩玩具, 之後老師行埋黎, 就開始面試
.首先問我女將杯子由大至小排，之後就問顏色再加砌圖。最後老師送貼紙俾女女就完喇！
結果: 收左am


11月係面試高峰期，一日可能要走幾場，不過我只容許女女一日兩場，所以要有所抉擇，以下係我去左面試嘅幼稚園:


偉思幼稚園
唯一一間需要父母同往兼可一齊面試既幼稚園。由於細女關係，入讀N班要插班，所以之前報左兩間N都冇得見，到面試當日，問左門口嘅書記而家N班有冇位，佢都答我full哂！一開始父母任何一方去聽學校簡介，另一位同小朋友係班房玩玩具。聽完之後會合左就聽叫名等in. 老師枱上面有好多玩具，俾小朋友自己揀玩邊樣，之後老師就會同小朋友一齊玩，再問佢叫咩名……然後到父母，問平時邊個照顧，假日去邊同小朋友最鍾意做咩！然後就攞本書，叫女女指小動物。最後我同老師講，其實我想俾女女讀N，可惜冇位！
結果: 收左一月插班讀N

明愛凌月仙幼稚園

一開始小朋友係waiting room玩玩具，叫名之後要排隊過另一間房。首先一大班小朋友圍埋一齊聽故事，一個老師負責講，另外有兩個老師觀察俾分！之後就每個小朋友做勞作，要聽指示同搣貼紙！
結果: waiting


ST CLARE'S PRIMARY SCHOOL
先係禮堂報到，之後一班小朋友去玩玩具，父或母要企埋一面，老師會觀察。玩完後去另一間房面試，老師會問小朋友叫乜名，幾多歲，指出圖形，問眼耳口鼻，再問水果名(當日係藍莓)！然後問家長點解會揀St Clare, 點解要收你小朋友……
結果: waiting


香港真光幼稚園（堅道）

入到去，先係老師對四個小朋友，父/母坐後面，老師會講故事，用隻公仔黎睇小朋友反應，之後就跟住老師指示砌積木。完左之後，所有同一個時段嘅小朋友會齊集係一間房度聽老師講故事，校長及另外兩位老師會觀察小朋友及俾分，而家長就坐後面或靠牆企。
結果: waiting

救恩學校

報到後，一大班小朋友會入班房玩玩具，玩緊時老師會行過黎同你小朋友面試。首先問小朋友叫乜名，問顏色，穿珠仔，再攞張巴士相問係咩，同邊個坐巴士，再問坐巴士去邊！完左個人面試就叫所有小朋友一齊收拾玩具，然後一齊做體操再聽故事！
結果: waiting


明愛聖方濟各幼稚園

報到後，小朋友會係操場玩玩具，老師會偷偷觀察小朋友及家長，然後該老師會行埋黎同家長傾計，之後就會叫父母及小朋友入房in. 係枱面放左好多玩具及圖書，俾小朋友自己揀再同佢一齊玩，之後再用手指公仔同小朋友傾計。另外，亦會問家長平日帶佢去邊玩，最厲害係老師係短短時間嘅觀察，可以同我講我女女嘅性格出黎。
結果: 收左am


14年1月初

嘉諾撒聖心幼稚園
呢間係最後一間亦係最想入嘅幼稚園。小朋友入到班房後，會企係一隻動物上面，老師會問嗰隻係咩動物，然後會叫小朋友去張枱度攞隻杯或碟或碗俾家長。之後就坐低問小朋友叫咩名，邊個陪你黎，再攞把遮出黎，問係咩同有乜用。
結果: waiting, 之後收到call入pm

jaycee_mami

咁你最後揀了邊間?  聖心?

fishingcat

好叻叻

vickywong1014

最後揀左聖心係我第一心儀學校

maylulu

你個女女好叻哦！系不系好早開口講野？面試時都可以對答嗎？

Bbdreaming

St Clare 同聖心唔係最細收到10月31號？

vickywong1014

原帖由 maylulu 於 14-08-06 發表
你個女女好叻哦！系不系好早開口講野？面試時都可以對答嗎？

我女女唔叻架，有D都唔識答，有D直頭連問題都未明 至於講野，大概到20個月，忽然叻左好多，但都唔識講句子。不過放心，in左咁多間都係簡單對答！

vickywong1014

原帖由 Bbdreaming 於 14-08-06 發表
St Clare 同聖心唔係最細收到10月31號？

唔係架，呢兩間都收細女，佢地網站有寫。

Bbdreaming

上年st Clare 張application form 寫收到2011年10月31日.我囡囡是2011年12月女,所以冇得apply.所以唔明？

i_love_pampers

原帖由 Bbdreaming 於 14-08-06 發表
上年st Clare 張application form 寫收到2011年10月31日.我囡囡是2011年12月女,所以冇得apply.所以唔明？



  ...

唔係wor! 我女都係11年12月，有得in wor

vickywong1014

原帖由 Bbdreaming 於 14-08-06 發表
上年st Clare 張application form 寫收到2011年10月31日.我囡囡是2011年12月女,所以冇得apply.所以唔明？



  ...

唔係喎，啱啱上網check過，佢地冇寫唔收細女，而且唔止我，我朋友嘅12月細女都有得in。

zoewong426

好多謝你既分享，細女今年都要面試K1了，好擔心佢坐唔定！

vickywong1014

放心，船到橋頭自然直…………而家最緊要教佢基本對答，有禮貌，走時要拍櫈……至於一D好深嘅玩具如穿珠仔，就唔好太上心。我女女當時都唔識，顏色要撞彩，教極都唔識，到而家已經叻到爆，冇得急！細B係輸蝕D，不過我可以肯定只要小朋友有禮貌，名校/龍校都起碼有waiting！希望在人間

breezemama

回覆 vickywong1014 的帖子

Many thanks for your sharing! Would you mind sharing how you play with your kid daily? My gal is also small b. She is going to have K1 interview this year...

vickywong1014

當時嘅我好緊張，7月嗰時報左面試班俾女女，但係每上一次堂，就好似俾人k.o.咁，因為大B或中B真係叻好多，相比之下女女真係差幾班。然後自己慢慢調整心態，因為真係急唔黎，知識、邏輯上始終未到年紀係點逼點教都冇用。唯有集中火力train佢要有禮貌，叫人講早晨係基本，仲有要識講多謝/唔該，因為面試尾段，老師多數都會送小禮物如貼紙俾小朋友，咁就會睇到你屋企有冇家教！另外，你要確定target本地/國際幼稚園，如細B面試，始終唔夠兩歲，吸收力唔強，所以若以本地幼稚園為例，面試必定以全中文進行，所以當時我叫哂身邊所有人唔好用英文同女女溝通，費時佢中英撈亂哂。事實上好多老師都唔鐘意小朋友問中答英，教佢變成害佢。但向好處想，細B起碼多一個機會，就係遲一年再黎過，所以細B媽，relax

Bunnygirl

I have similar experience with my small Oct girl.  We tried the interview classes and the comments from the teachers are very negative as most of ther classmates are big b.  Then we decided to stop the class and focus on teaching her manner and patient rather than vocab/ color, number etc.  We had interviews with True Light (Tai Hang), True Light (Caine Rd),Sacred Heart, St Paul and St Clare, Kau Yan and Victoria.  At the beginning we just had Victoria am offer and the rest are ALL waiting.  In May we had got call waiting from one for the girl schools mentioned above.  

ladybugs

回覆 vickywong1014 的帖子