在職媽咪，二揀一，九龍真光／聖母小學？

9284

做左好多research都係揀唔掂，九真50％上九中,聖母90％上聖中。阿女鍾意英文，本來好應該揀真小，但係佢唔係乖乖讀書型，一定要有大人陪佢先可以坐耐小小，又勁唔專心，所以我都預左陪太子讀書，但我英文又係半桶水，初小都還可以，高小九真用英數我怕我讀唔掂，聖母起碼係中小應該我會同佢跟得好小小。真小二測二考，聖母三測三考。有人可幫忙馬？

hkpapa852

一定係真光，九龍城中學網，任何Banding嘅中學選擇都多好多

悠揚

聖母是黄大仙名校，傳統、嚴亦不輕鬆。我會揀聖母。但如你女坐不定，聖母可能不適合。

2ndsister

回覆 悠揚 的帖子

唔係呀？你講笑咋！就算係黃大仙，聖母都唔算名校啦，同九真更加冇得比

2ndsister

To: hkpapa852, 廿幾年前都唔啱啦，保一，協和果d就係， 聖母根本冇名校過

9284

其實我唔係只求名校的家長，我只想找最適合小朋友和家長的学校，家庭環境根本無人有時间天天去谷小女，但我知聖母和九真都同樣多功課，所以不知點選好，我只知聖母在區內算是不錯，但九真亦不差，只是校含細点

9284

hkpapa852 發表於 14-7-22 07:43
一定係真光，九龍城中學網，任何Banding嘅中學選擇都多好多

如果有心去九龍城校網, 搬屋都一樣得, 所以校網不是主要因素

hkpapa852

9284 發表於 14-7-22 10:44
如果有心去九龍城校網, 搬屋都一樣得, 所以校網不是主要因素

校網絶對係主要因素

如果你在九龍城區讀小學, 若不幸地只能成為該校/該區的B2生, 但只要轉去成績較弱的校網(黃大仙相比九龍城係成績較弱的), 有機會變B1生, 亦即係有D學校所謂本區屬B2生, 全港屬B1生.

係升中自行時, 呢個係強區讀小學既絶大優勢

雖然係可以用住址報中學校網, 但小學老師一般只能提供同區升中資料俾同學參考(包括Banding), 誇咗區, 除咗教育局, 根本無人知, 老師完全俾唔到Comment你升中可以點選校. 最大問題係如要由弱區轉強區, 隨時有機會跌Banding

WinnieCatCat

原帖由 hkpapa852 於 14-07-22 發表
校網絶對係主要因素

如果你在九龍城區讀小學, 若不幸地只能成為該校/該區的B2生, 但只要轉去成績較弱的校 ...

非常同意hkpapa852的睇法，兩間學校既然各方面都似，校網就係重要考慮因素了！用地址轉區升中最大問題係唔知會唔會降band，如樓主認同九龍城網好d，不如一開始就讀九龍城網小學。兩間小學最大特點係，中學唔算好top，如果你囡第時係band 1，你都未必想讀真光中學或聖母書院，係咪？九龍城網band 1中學選擇真係多好多，黃大仙幾間英中雖然都好好，但得果幾間競爭好大啊！若我有得選，我會選九真，因為校網好！

至於小學升上中學比例，我有另一看法唔知啱唔啱，會唔會係真光多D學生有能力升去出面band 1中學而唔留在真光，而聖母則因區內英中學額較少或band 1生較少而多d人選擇直上中學？另外，值得考慮的是，九真係升呢中的中中，聖母係降緊既英中，就算小朋友第時係band 2，九真係咪都好少少？

樓主另一憂慮係到囡囡高小時跟唔掂英文，其實無論讀邊間小學，讀到高小在職媽媽要跟都唔易，可能都係搵補習老師幫手。所以我覺得係要考慮囡囡是否適合用英文學習，對英文是否抗拒，家長就算英文有限公司都可以搵額外資源補足既。樓主強調想搵適合囡囡的學校，便應先考慮囡囡的能力。

9284

WinnieCatCat 發表於 14-7-22 15:08
非常同意hkpapa852的睇法，兩間學校既然各方面都似，校網就係重要考慮因素了！用地址轉區升中最大問題係唔 ...

好多謝你和hkpapa852的回覆, 分析得好詳細, 令我多左一d本來唔知的資料, 小女在學之園讀, 英文都有返咁上下, 平日都是看英文書多過中文書, 但係屋企就欠缺語境, 我無唸過佢要去外國讀書, 所以我又好似無咩理由要佢英文好好 (真小係英小), 而且而家dse成績, 中文反而係死亡之科, 我又覺得聖母係中文小學, 可以幫佢打好基礎 (但我知一入去中文小學, 之前學之園學的英文就浪費了) 再加上而家亦有好多人話中文係難學過英文, 就係因為咁, 我就覺得2間都各有好處, 我知真光名氣好, 而聖母亦有它可取的地方, 會繼續考慮的

悠揚

其實上年揀學校時, 我自己在bk 爬文看過好多九真, 培道, 聖母, 德雅的比較.

其中有好多有關講解強區弱校及弱區強校的分析, 剛剛找到其中一篇, 可以參考, 我只是照 copy, 並沒加個人意見在內, 大家可以純作參考:

九龍城區是九龍及新界區之中最強的區，要到band1，分數比其他區高得多，競爭對手包括41網的九龍塘名校及43、45的有名官津，所以區內無論官津定私小，很多都很谷，學另一家長所講，＂真係爭0.01分都爭崩鼻＂。

另一個是強區跌band 的問題，擧個例：
學生A有74分
學生B有71分
本應學生A成績好過學生B
但若學生A在強區，band1要75分，而學生B在弱區，band1要求70分，結果學生A只能讀band2中中，但學生B就有得讀band1英中！唔好以為強弱區分數分別無噤大，如果是九龍城同黃大仙比，實際差距會接近呢個數。所以在強區要升band1中學，真係要有谷的心理準備，亦最好是讀谷果D小學。

其實聖母是弱區強校，達band1成績是件輕鬆的事，升英中就近乎是件必然的事。

SAGO

9284

回覆 悠揚 的帖子

所以如果我選九真, 考出BAND2成績, 我唔入返九龍城網, 轉返去黃大仙網, 分分鐘可以升BANDING, 可能會入到黃大仙的BAND1英中?

hkpapa852

悠揚 發表於 14-7-22 15:49
其實上年揀學校時, 我自己在bk 爬文看過好多九真, 培道, 聖母, 德雅的比較.

其中有好多有關講解強區弱校及 ...

呢個講法係啱
補充一點, 除咗弱區外, 強校(較谷而升Band 1中學比例較高)弱校也有影響.

因為每間學校每個Band既學生比例係按前輩的Pre-S1成績嚟定, 所以永遠只有全級頭XX名可以做到Band 1學生.

舉個例: 係某強校, 假設有50%學生可以屬於Band 1, 全級有100人, 你成績係平均分係87, 係同區其學校可能己經係全級10名以內, 但可惜你係呢間強校只排全級51, 咁都係呢區既Band 2生, 所以強校競爭係好大.

另外, 個人覺得, 全級人數也很有影響, 假如2間學校同樣有50%人屬於Band 1, 如A校全級有100人, 有50人係Band 1, 但B校得60, 只有30人係Band 1, 所以對一D中游班數又少的學校 (Band 1生比例較少, 約20%-3x%, 全級得2班), 要做Band 1生都未必咁易.

中學校網, 小學升中Band 1比例, 全級人數都會影響日後能否做Band 1生的機會

9284

hkpapa852 發表於 14-7-22 16:56
呢個講法係啱
補充一點, 除咗弱區外, 強校(較谷而升Band 1中學比例較高)弱校也有影響.

你地講既野已經開始有少少OUT OF 我自己的LEVEL, 我真係孤陋寡聞, 其實九真得2班, TOTAL 70人, 聖母6班, 每班25人, TOTAL 150人, 照你咁講, 即係聖母著數D?

hkpapa852

9284 發表於 14-7-22 17:13
你地講既野已經開始有少少OUT OF 我自己的LEVEL, 我真係孤陋寡聞, 其實九真得2班, TOTAL 70人, 聖母6班, 每 ...

如果一心只想在黃大仙區升中, 聖母是不錯的選擇 (其實唔少黃大仙區的津校水準都唔會差過聖母).
但日後如會考慮黃大仙區以外的中學, 還是去強區的學校較好.

悠揚

其實我地講講下都已經out of 樓主想要的資料.

兩間也是女校, 校風也好, 也有直屬中學, 讀得直屬的, 都是希望給小朋友如果做唔到 top 個批, 可以買個保險, 在ek 找到的資料, 我也是沒加入任何個人意見, 照copy, 可以給大家做參考:

如果單看上年度畢業生的入 u 率，資料如下：

聖母書院：
本地學士學位課程：36.4%
海外升學：14.1%
本地副學位課程：41.3%
文憑試取得 100% 及格率的科目：共 12 科

資料來源：http://www.olc.edu.hk/doc/School%20Report%28ch%29.pdf (第 23 頁)

九龍真光中學：
大課課程 (本地 + 海外)：38%
副學位課程：56%
文憑試取得 100% 及格率的科目：共 6 科
資料來源：http://www.ktlms.edu.hk/data/doc ... 13_SchoolReport.pdf (第 27 頁)

如果以文憑試成績來看，九龍真光中學相對遜色，入大學率亦較低。

evacalbee

原帖由 9284 於 14-07-22 發表
做左好多research都係揀唔掂，九真50％上九中,聖母90％上聖中。阿女鍾意英文，本來好應該揀真小，但係佢唔 ...

咦，我記得好似見過你註冊咗播道?