音樂事務處器樂訓練計劃-初班學員招生(截止報名 :11/8/2014)

ghosta618

http://www.lcsd.gov.hk/tc/mo/activities/upcoming/2014_07_03.html

zitaeric

Thanks

waikinluk

回覆 ghosta618 的帖子

多謝啊~ 不過最細都要6歲，我Click入網站，先發覺裡面有個兒童音樂班已經截止報名了，要多D留意這個網站先得

chm10271027

thanks

ghosta618

外展音樂課程為青少年和成人提供基礎音樂訓練，培養音樂興趣，每期約20課，每期都要抽籤。

器樂訓練計劃則為由6~23歲的學員提供三十多類初學至8級程度的器樂訓練，有系統地培訓學員。欲報讀高一級課程的學員均需重新報名，訓練期最多可長達8年。「器樂訓練計劃」的各級西樂課程內容與皇家音樂學院程度相約。

maylam2022

原帖由 ghosta618 於 14-07-12 發表
http://www.lcsd.gov.hk/tc/mo/activities/upcoming/2014_07_03.html

音

danielboy

其實音樂事務處教樂器ok嗎？成班一齊學同private tutor比，明顯少咗好多attention,會唔會學得無咁好呢？

ghosta618

囡囡的老師很嚴格呢，會每個同學指出錯處，亦會因大部份同學的進度來教授，不會太趕進度，不錯啊！

好不好，在乎你要什麼。在MO，沒有證書，不能幫助考學校；但是，絶對可以增長音樂修養。

學得不好，反而是與同學的態度和練習的長短有關。

Sindy

danielboy 發表於 14-7-15 08:50
其實音樂事務處教樂器ok嗎？成班一齊學同private tutor比，明顯少咗好多attention,會唔會學得無咁好呢？



  ...

其實都係睇彩數, 有好有唔好, 唔好既, 你同佢單對單都無用, 好既十個一班係無問題的, 不過遇到好既仲要勤力練琴, 唔係既話, 佢唔會理你...

danielboy

原帖由 Sindy 於 14-07-15 發表
其實都係睇彩數, 有好有唔好, 唔好既, 你同佢單對單都無用, 好既十個一班係無問題的, 不過遇到好既仲要勤力 ...

但單對單老師我可以揀，唔好我可以唔用，執基本功一班十個點都差少少掛？我小朋友5歲開始喺弦樂團學小提琴，老師已係全團最好的老師，但到7歲時都忍唔住請private tutor上門教,執得仔細好多。到10歲在學校學clarinet,我都要再請private tutor。所以我先問下在音統學會唔會又係初頭ok,學上去想有要求d都要找私人老師？

Sindy

danielboy 發表於 14-7-16 04:57
但單對單老師我可以揀，唔好我可以唔用，執基本功一班十個點都差少少掛？我小朋友5歲開始喺弦樂團學小提琴 ...

我女以前個老師, 我諗佢單對單都教唔掂, 反觀而家阿仔個老師.. 睇左佢上課超過十堂.. 有咩應該要做, 應該要提點, 都做晒, 做唔到既係屋企無乜練習/佢本身唔上心學, 所以姿勢仍然跟初入學時一樣(佢未上音統前已有學過小提琴, 我已經話佢姿勢要點點點, 佢無聽, 入到音統都一樣), 老師亦更正過佢好多次.. so far其他都唔錯.. 如果要咁次次提, 教左佢方法都搞唔掂, 佢要請個人陪佢練琴, 分分秒秒提住佢先得, 好似我仔咁, 講極都唔聽, 就需要我適當時候係咁提住佢(練琴時為適當, 自娛時我唔理佢的) 我仔最近的確有係出面私補, 唔係老師唔好, 而家我仔其實學左好多年, 最近有心機上堂, 音統既野其實佢都學過晒, 所以佢想更上一層樓, 班有一個唔好處, 就係唔可以按個人能力黎定進度, 要跟大圍..
p.s.我音統呢個老師, 係老一輩既北方女人, 佢老師係同某樂團首席既老師係同一人, 阿首席一堂收500半小時, 音統呢個既功力不在樂團首席之下, 所以你話有要求就駛唔駛出去私補呢個問題, '係唔駛的',不過我想追返D進度, 阿仔又喜愛首席, 所以先出去私補..另外私補有個好處, 就係彈性好多, 阿仔以中提琴為主, 但對小提琴都有興趣, 所以首席可以不時同佢上小提琴課

danielboy

其實我問係睇下可不可以慳private tutor 的洗費，因都有朋友子女在音樂事務處分別學flute及clarinet而無私補，in my case睇來似乎唔ok囉，我仔有ADD,大班上堂口多多同顧住social ,單對單佢上心好多，我自己都係好細個就學鋼琴，因鋼琴必然是單對單，大班學樂器都係陪個囝先experience到，我覺得大班只適合専注力高的小朋友，我個夢遊王注定要幫我洗錢。

birdbird

原帖由 danielboy 於 14-07-15 發表
其實音樂事務處教樂器ok嗎？成班一齊學同private tutor比，明顯少咗好多attention,會唔會學得無咁好呢？



  ...

一分錢一分貨，千幾蚊學費1年約40堂，每堂1小時。想平平地比小朋友學一樣樂器，又不太介意進度或考級，音統處是1個好選擇。

danielboy

多謝你意見，其實我最唔鍾意考級，（ABRSM揾錢真叻）亦唔介意進度，但我要的係質素、attention以及溝通，你講得啱，的確係一分錢一分貨。

fefemom

請教在音統學樂器的家長：每期抽籤，現有學生會否優先？不然學一期之後抽唔到咪冇得學？

aeiou_drm

其實唔係抽，係要考試。沒有優先，視乎表現而定。

Laiyuet3434

沒有證書？即是不可以考皇家試嗎？為什麼呢？

Bao.Jin.Dup

原帖由 Laiyuet3434 於 14-07-21 發表
沒有證書？即是不可以考皇家試嗎？為什麼呢？

咁點解要考試呢？