新手求教 91 校網

ckh311

原帖由 py84ko 於 14-07-16 發表
今日我小朋友幼稚園家長日，經過老師了解自己小朋友在學生活及學習態度情况，我更加唔想因為我有20分抽88區 ...

知道有邊間都分享下吖，而家大部份小學都幾谷下，我聽有d朋友話學校打埋電話俾佢叫屋企催谷下，揾補習，佢話都大壓力，因為本身媽咪都係要返工，但因為經濟上唔許可，又唔可以唔做嘢，所以佢都話幾煩

py84ko

原帖由 ckh311 於 14-07-16 發表
知道有邊間都分享下吖，而家大部份小學都幾谷下，我聽有d朋友話學校打埋電話俾佢叫屋企催谷下，揾補習，佢 ...

我88,91,89網參觀過9間小學，
其中91網崇真校長講明佢學校唔谷學術成績，但多功課，佢地重視及比機會學生參加比賽，唔會放棄每一個學生，看得出老師好有愛心！

supermaket

lingchi 發表於 14-7-11 08:48
我估計你指的是沙官，事實上有人20分都抽唔到

沙官上年25分都唔得, 太多人選加有歷史, 25分的確大有人在，諗住25分一心入硬，點知.....

最後去左私小

supermaket

更正︰以上是以校友及首名子女身份報, 起碼20分唔得

py84ko

原帖由 supermaket 於 14-07-16 發表
沙官上年25分都唔得, 太多人選加有歷史, 25分的確大有人在，諗住25分一心入硬，點知.....

最後 ...

你點樣有25分？

supermaket

上面已更正左, 打錯分
朋友係校友入唔到, 上年知道自行唔得, 私小收左就去左私小，放棄左大抽奬, 他的仔今年九月升小二

supermaket

其實沙田有邊幾間二線又幾好呢? 如有不對請更正?

梁鉅鏐︰口脾除功課多外，好似有乜其他評語。見佢升中派位又不是話好出色，狂做功課得個做字及谷字，叻既學生又唔見佢去九龍既名校, 參觀過但學校又有俾家長睇小朋友上課或活動, 只叫家長望下個操場.

沙循︰極低調學校，今年沒有開放日或簡介會俾家長了解。網頁又有升中情況，所以不清楚該校.

沙崇︰參觀過都有好口脾，但如選沙循vs沙崇，邊間學校老師有愛心些? 小朋友讀得開心? 升中又幾好呢? (有冇用家講解下???)

田小︰聽聞校長老師ok, 但在公園玩見該校d細路著住校服玩，感覺麻麻, 冇秩序 + 講粗口

蕭小︰不清楚

沙胡︰都ok幾好，眼見d細路有禮，但學校情況就不清楚

瀝源主風︰不清楚

朱小︰已當1線校, 校長好, 15分好難入

請報料，有錯更正，以便各位選校! 謝謝!

dorothywing

supermaket 發表於 14-7-17 00:09
其實沙田有邊幾間二線又幾好呢? 如有不對請更正?

梁鉅鏐︰口脾除功課多外，好似有乜其他評語。見佢升中派 ...

看完你的分析,自己也有点反思。我的小朋友剛玩完大抽獎，在選擇二至十六位時，能夠做到的，只有上校網和討論區看資料，總括來說，學校提供的資料大同小異，升中資料欠參考性，很難從中推算他們的升英中情況; 討論區大多談論的，是老師校長有冇愛心、功課量、中英授課語文、小朋友開心情況，和少量不愉快經驗等。看完只能幫我做不選擇決定(多功課)，最後還可做的，是看前人選校排名(討論區)，跟大隊選出了首位以後的排序。今天回看，二線學校VS少人選的四間，真不知他們的高下，近期更常聽到被標籤學校有不少稱讚聲。自己再次分析，那些校真的差嗎？但總找不到他們差的具體事例！總結，大部份二、三線或最少人揀學校，升中派位無法比較，大部份用家都會認為自己學校老師校長有愛心，小朋友讀得開心。我們家長還可選的是:谷唔谷、近唔近、校舍大唔大、設施多唔多、外藉有或冇，最後，有一樣都重要的是: 學校管理好唔好。

喜樂果子

py84ko 發表於 14-7-11 12:52
20分都要抽，咁我不如用15分揀二線又唔差嘅學校！如果88區有張煌偉，張煊昌，冼次雲，91區有崇真，沙循，田 ...

老實講91再無二線唔HIT既隱入或大機會入既學校

py84ko

原帖由 喜樂果子 於 14-07-17 發表
老實講91再無二線唔HIT既隱入或大機會入既學校

所以都好煩！

ypiriswong

原帖由 anson_sammi 於 14-07-17 發表
請問迦密愛禮信小學如何？
因我住火炭
本身想抽91

迦密口啤唔錯，屬一線，建議自行揀迦密，始終有20分，可博一博，唔得就 統一再大抽獎，無蝕，競爭咁大，博到唔使煩

ypiriswong

往年培基叩門不用111，程度較深，英文好，只知咁多

supermaket

沙循vs沙崇，邊間學校老師有愛心些?
小朋友讀得開心? 升中又幾好呢?
有冇用家講解下???

supermaket

88/89/91，邊間學校校長及老師有愛心?

dorothywing

anson_sammi 發表於 14-7-17 14:45
如果迦密同培基比較
係咪培基好D？

今年培基叩是不需111的。過來人分享: 大抽獎前都計算過叩門問題，作出了選校策略，抽獎後又經歷叩門過程，in了很多間，還是落空。結論:除非小朋友很出眾，又或有後門撘路，否則不要在叩門方面有太多幻想，因為間間學校都幾百人叩(二、三線學校也如是)，走後門的人又多，故成功之機會率是很微的。

mingb

supermaket 發表於 14-7-17 00:09
其實沙田有邊幾間二線又幾好呢? 如有不對請更正?

梁鉅鏐︰口脾除功課多外，好似有乜其他評語。見佢升中派 ...

我小兒已升準備升小五了, 想同大家分享一下, 我的經驗已是幾年前, 唔知會唔會過時.


特別要提的是一呂, 因為我識人, 所以我知道有得叩門, 局住都要選哂佢第一, 這好危險, 因為抽唔到都幾頭痕, 當時1.一呂, 2.朱小 3.蕭小. 04年因為SARS後, 出生五萬幾, 留港學童只有三萬幾, 競爭冇而家咁大, 抽唔中一呂, 派在去蕭小, 其實派左去蕭小都心安理得了. 因為蕭小果陣應該係Band1尾, 又有泳池, 係遠在少少同埋驚多蚊. 朱小排第二係原來冇可能入到, 我覺得蕭小擺第三幾好, 因為報蕭小都唔錯.


派唔到去一呂, 於是叫人幫手叩門, (你唔識人係唔使旨意有得叩門), 我識人唔係勁, 只係好彩, 以我所知當時七百幾份叩門申請, 見既只有四十幾位, 我是其中一位, 我仲好記得叩門情形, 去到禮堂坐左好多家長, 望一望個個都好似校長咁款,  首先小朋友先入去單獨見校長, 跟住先叫埋家長入去, 以下是呂一校長講過既說話:
1.  我覺得你個仔好乾枯. (佢講到我個仔咩都唔識, 入到去一定包尾之類, 我心想你小學不是直資學校, 都是派位的, 到時收咩學生都唔知, 憑咩咁講?)
2. 你學野, 要搵出名既人教. (我仔當時有學拉丁舞, 是比較少人學, 佢學校拎好多獎, 網頁鍾意show哂出黎, 其實全部都係家長既努力, 因為學既野都唔係學校提供的課外活動, 各個家長最好搵哂有名氣又勁既導師教, 咁學校又叫做可以拎多d獎)
我個仔唔係突出, 但唔係佢講得咁差, 不過我知道佢要留位俾人情其他人, 及後知道校長鍾意律師家長. 講到我個仔有幾差得幾差, 唔收我等我心服口服, 同推薦人亦有交待. 同年, 隨離屋朋友仔抽左入去, 鄧佢開心, 小學一年班上學一星期, 默120個英文生字. 各位入一呂要有心理準備.


之後叩過培基同一胡(果陣仲係上下午校), 其中唔記得邊間係老師拎本英文故事書出黎講一版, 然後要小朋友講埋落去. 我記得一胡個校長好好, 家長在下面等, 佢落黎講左番說話, 令我有d感動. 其實叩培基同一胡一早都預左唔得, 因為都冇選過入三甲, 一d誠意都冇.


最後叩朱小, 面試都係正常問題, 會考簡單英文同小朋友創作力. 最後都要後備, 好慶幸開學前有個小朋友唔讀, 先至有個位入左去. 講下朱小, 當我賣花讚花香, 係一間好好既學校, 差唔多四十年歷史, 校長同各老師都好識教小朋友, 亦係好開明既一間學校, 係保良局大力資助既一間學校, 佢最唔好之處係位於公屋村入面, 如果唔係, 佢收既學生應該更加有質素, 因為有家長唔鍾意仔女讀屋村學校. 入去讀既學生係比較樸素, 讀書唔大壓力, 功課都唔太多, 一年三次考試冇測驗, 有普通話班, 都是精英, 佢地中文比較深, 現在學生中文程度下降, 咁做係有所提升, 有管樂團, 樂團出去同男拔協恩果d名校鬥, 多年來都經常拎到冠亞季軍.


查下2013/14競爭力排名, 原來而家沙田祟真勁左咁多, 果陣我仔讀馬鞍山祟真幼稚園, 可推薦去讀沙田祟真都唔制添. 而家俾我再選, 純個人意見, 跟排名的話, 第一我會選朱小/一胡, 因為冇呂明才咁大競爭, 機會大, 第二蕭小(穩陣拎左位先, 唔會派左去唔知咩學校), 第三選番間想叩門又比較有信心既, 到時叩門都可以有得講下, 唔係到時人地問你, 都唔知點答.

本區排名	全港排名	學校	校網
1	41	沙田官立小學 (S) (P)	88
2	50	浸信會沙田圍呂明才小學 (P)	91
3	63	浸信會呂明才小學 (P)	91
4	69	培僑書院	直/私
5	74	聖母無玷聖心學校 (P)	88
6	132	胡素貞博士紀念學校 (P)	91
7	167	沙田崇真學校 (S)	91
8	176	保良局朱正賢小學 (P)	91
9	180	保良局蕭漢森小學 (S) (P)	91
10	210	香港浸會大學附屬學校王錦輝中小學	直/私
11	213	路德會梁鋸鏐小學 (S) (P)	91
12	262	聖公會馬鞍山主風小學 (S) (P)	89

又上番BK因為又要搵中學了, 時間過得真係快......

喜樂果子

mingb 發表於 14-7-18 10:50
我小兒已升準備升小五了, 想同大家分享一下, 我的經驗已是幾年前, 唔知會唔會過時.

以今年計, 蕭小係放第二都唔入, 如下年放得三真係無機會啦, 真係一年難過一年