用戶登入
用戶名稱:
密      碼:
搜索
教育王國 討論區 智能評估 第一堂pg,老師就話有自閉症?
發新帖
查看: 5170|回覆: 17
go

第一堂pg,老師就話有自閉症?

Rank: 4


654
發表於 14-7-6 10:59 |顯示全部帖子
我個仔24個幾月,9-12m 上baby gym, 12-20m 上CxxA的中文pg, 因為我一次過買了30堂,所以沒有轉pg. 我個仔每次都係初時10分鐘玩樂器Ok,到老師要我們圍圈坐就唔肯,要起身四圍走,我就要捉雞仔。到訓練大肌肉嗰part都會玩,但從來不肯埋位做勞作油顏色。到食茶點先肯坐埋位,因為佢鍾意食餅。我見佢抗拒返pg, 有時會拉我去門口想走,就索性上哂30堂後休息下,因為怕佢驚咗返學仲衰。
休息了幾個月,老公提議找另一間pg, 試下其他類型pg。昨日我第一日帶個仔上新pg, 専登早20分鐘到,等佢認下地方,warm up下先。在waiting room 佢玩得好開心,因為有好多玩具和滑梯。到要過去隔離課室正式上堂就唔肯去,圍圈坐底後起身走,要離開個課室,想去返隔離玩。扭計就實𦧲地大哭,我唯有攬實佢坐在我前面,嘗試clam down佢。老師叫我們由佢望下先,冇迫佢跟住做,佢喊兩下都會望下老師和小朋友做乜,跟住又喊兩下。到老師拿出一些圖片,引小朋友看,我個仔先開始定下來留心聽,有笑有反應,仲講egg。之後要佢去老師度拎貼紙又再扭計,老師拎俾佢,佢例牌唔制扭計。直到要埋位油顏色,我估不到佢肯自己拿蠟筆畫,因為之前上pg從來唔會。最後食茶點就一定冇問題,乖乖食,肯講thank you!
老師話我個仔冇眼神接觸,問我佢平時係咪好固執,我話都係,比較硬頸。問我之前有冇返過pg, 我照講佢的情況,會四圍走。老師問我有冇帶佢check過,我話冇,跟住佢就同我講懷疑佢有自閉症,我覺得好shock, 上第一堂pg就咁肯定?
我承認我個仔性格比較自我,不太喜歡同小朋友玩,但喜歡同大過佢的小朋友玩。搭lift見到其他陌生人會揮手say hello ,特別是哥哥姐姐。佢唔鍾意做的事好難迫佢,唯一可以用餅氹佢。佢說話係比較渣,特別是中文,不喜歡講中文,英文就好d。但佢理解和認知能力幾好,自學能力幾強,我從來沒有逐個英文字母教佢,佢自己玩點讀筆學識,歲半左右已經識哂A-Z和1-10,現在識指出1-100,用英文講1-30,40,50,60,70,80,90,100。學動物一教就識,我教過一次lizard,佢已經學識,下次問佢識指出來。
想請問我個仔是否要做check 自閉症?可以去邊度check?



Rank: 4


575
發表於 14-7-7 15:56 |顯示全部帖子
我唔知你係仔既情況係咪有問題, 不過我之前都擔心過我仔有阿氏保加症同感統失調... 去咗協康會做評估, 個導師評估完就解釋哂過往既疑慮喇... 原來我仔一直問題係某方面感統較弱 (但未至於要上堂做訓練)而令佢失信心,... 導師教咗我點係屋企且佢做訓練... 因為岩岩先做完評估, 要自己幫佢訓練一論睇下點... 不過~ 有疑慮及早搵專業既評估下無壞呀, 之後可以積極面對, 對小朋友都係好事~ :)

Rank: 3Rank: 3


127
發表於 14-7-8 02:17 |顯示全部帖子

回覆:第一堂pg,老師就話有自閉症?

無眼神接觸就要小心!
多d教佢要望人,面對面說話,不要坐旁邊,多一起看圖書,多d問佢野,等佢多回應。



Rank: 3Rank: 3


318
發表於 14-7-8 03:23 |顯示全部帖子

引用:無眼神接觸就要小心! 多d教佢要望人,面對

原帖由 WBBLF 於 14-07-08 發表
無眼神接觸就要小心!
多d教佢要望人,面對面說話,不要坐旁邊,多一起看圖書,多d問佢野,等佢多回應。



  ...
我仔27個月,會望人,但對話唔會望住,一路講一路周圍望,hold住塊面,雙眼都左閃右避,但聽指令OK,未識講句子,發音唔準,但可以自己食晒歺飯,同愛睇書,其實有問題嗎?



Rank: 3Rank: 3


329
發表於 14-7-10 00:43 |顯示全部帖子

回覆:mimuib 的帖子

今年3月份我仔仔開始上Pg,上了兩個月的情况完全同你一樣,個心開始懷疑個仔有自閉,問Pg老師覺唔覺個仔係自閉,老師話唔可以由她講而決定,最好比心理學家做評估,6月份亞仔2歲返健康院見姑娘再轉介比兒科醫生初步都話亞仔似,所以再轉去政府CAC排,另一方面私人排左協康做評估,上星期六已評估亞仔係中度自閉。需接受密集訓練及言語治療,我認為有懷疑都應盡快做評估,唔好錯過黄金期,如評左唔係,心理學家或醫生都会教我地点樣教導子女。



Rank: 5Rank: 5


1580
發表於 14-7-30 18:27 |顯示全部帖子
看見你們咁講我有D 驚, 我仔仔四個月時有事做手術, 入了ICU住了成個月,
所以,一直不想迫他做太難的指令,到了18個月兒科醫生話仔仔不自立,
叫我們找N CLASS,但當時過了申請期加上他是龍年細B,找不到後學校,
到了現在21個月,他在家好好動,咩都攪, 但一出街就要我抱, 不太願行,好怕人,因為沒有N CLASS OFFER,所以下星期才開始上返一至五的PG
我想知點才算自閉???

Rank: 3Rank: 3


329
發表於 14-8-2 00:34 |顯示全部帖子

回覆:happyapril 的帖子

留意眼神有無同你接触,叫名字会唔会即有反應,会唔会同你有互動?如果有自閉好明顯同人其他小朋友有分别。返回Pg会睇得出!



Rank: 4


752
發表於 14-8-5 12:37 |顯示全部帖子

引用:我個仔24個幾月,9-12m+上baby+gym,+12-20m

原帖由 cwtlovelkm 於 14-07-06 發表
我個仔24個幾月,9-12m 上baby gym, 12-20m 上CxxA的中文pg, 因為我一次過買了30堂,所以沒有轉pg. 我個仔 ...
其實重點係有冇眼神接觸?
如果佢本身講野弱冇眼神接觸,真係要留意下!
不要俾點讀筆佢玩
多D同佢溝通



Rank: 4


779
發表於 14-8-7 00:03 |顯示全部帖子

回覆:第一堂pg,老師就話有自閉症?

我仔兩嵗七個月,性格都係固執,衝動、自我中心,又係鐘意四圍走,不過唔會離開我視線範圍,出街吃飯肯坐低约四十分鐘,不過要俾野佢玩,無野玩就郁身郁細,不過唔會離開坐位,會主動叫人,講野正常,可以講句子,眼神弱小小,不過叫佢望都肯望,有時亦會無啦望住你。自己玩路軌玩火車可以玩一小時,認知都記性都算好好,想問各位靚媽,我仔係咪有小小問題?



Rank: 5Rank: 5

醒目開學勳章


4332
發表於 14-8-21 07:30 |顯示全部帖子

回覆:cwtlovelkm 的帖子

我仔五歲, 當佢兩歲時情況同你仔一樣, 其實有的不嚴重的自閉症四歲前徵狀都不太明顯的, 而我仔早幾個月先確診高功能自閉症, 呢類小朋友認知高於年齡, 但有自閉的固執及對同齡有社交困難, 你多留意一下, 必要時去評估



Rank: 4


819
發表於 14-9-14 23:41 |顯示全部帖子
回覆 cwtlovelkm 的帖子

我仔依家21個月 情況同你好似 但我都唔知佢有冇自閉 我仔一歲至歲半係返同一間playgroup星期一至五 因為日日返 所以唔會喊 都好鐘意返 但歲半之後返第二間 一星期兩堂 就情況同你形容嘅一樣 大約返着九堂先正常番 我仔對大人眼神好正常 但唔會同同年紀小朋友玩都好少望 佢識用手指 識扮打電話 都會照顧公仔但唔識講嘢 有時會叫爸爸媽媽嫲嫲 但好少叫 唔識認顏色 鐘意睇圓形轉動嘅嘢 鐘意fin嘢 乜都fin一餐 排着cac

Rank: 3Rank: 3


114
發表於 14-9-15 15:21 |顯示全部帖子

回覆:cwtlovelkm 的帖子

Hello,你好呀!你個小朋友同我個仔嘅情況一模一樣!佢而家2歲8個月,每日上午上密集訓練下午上緊N班。當佢18個月上playgroup時我已經發現佢有問題,因為屋企人係做職業治療師,所以我就請他幫忙評估,但當時因為佢仲細所以未確定係咪有自閉症,只係以為佢比較坐唔定同活躍!我之後再找言語治療師做評估,言語方面比同齡遲了9個月,之後就開始上小組密集訓練。直至今年7月,因為我發覺佢社交同情緒方面有問題,不肯跟同齡小朋友玩同成日訓地哭鬧,於是再去找職業治療師評估,結果係出現感統問題,有輕度自閉傾向,眼神有接觸但係時間短!我覺得感統治療好重要,我小朋友自從8月上左N班同9月開始上密集訓練,講野叻左好多,坐定定嘅時間多左,  自理能力好 左,雖然社交同情緒方面仲有代改進,但我都已經好開心!其實當你對小朋友嘅行為有懷疑時,一定要盡快去了解多d同找專業人事做評估!




74
發表於 14-9-17 11:51 |顯示全部帖子
提示: 作者被禁止或刪除 內容自動屏蔽

Rank: 3Rank: 3


475
發表於 14-10-9 09:28 |顯示全部帖子

引用:Hello,你好呀!你個小朋友同我個仔嘅情況一

原帖由 Mikibk0505 於 14-09-15 發表
Hello,你好呀!你個小朋友同我個仔嘅情況一模一樣!佢而家2歲8個月,每日上午上密集訓練下午上緊N班。當佢1 ...
想問在那里做職業治療呢?



Rank: 3Rank: 3


114
發表於 14-10-9 10:31 |顯示全部帖子

回覆:honok2010 的帖子

慧橋兒童發展中心



Rank: 2


39
發表於 14-10-22 16:30 |顯示全部帖子
回覆 cwtlovelkm 的帖子

甘你小朋友個情況比我地個好,首先我女系唔講野,無眼神交流,唔主動叫人,返pg都會有坐唔定個時候,去做佐兩次評估,語言遲緩及冇眼神交流,所以我都好擔心,治療都要排期

Rank: 2


39
發表於 14-10-22 16:31 |顯示全部帖子
回覆 Mikibk0505 的帖子

請問你邊度密集訓練,費用系幾多呢?

Rank: 3Rank: 3


114
發表於 14-10-22 16:57 |顯示全部帖子

回覆:mandy4055 的帖子

慧橋兒童發展中心,8000/month, mon-fri, 你上網search 下佢地個website呀