中文成績

CrabPincers

可能我女早熟，我不記得小五定小六，我已經在圖書館借瓊瑤的小說比佢看，有朋友話過我好甘早比佢看愛情小說，但我覺得，與其收收埋埋，不如早早同佢好似朋友甘傾下呢d話題，如果你係女主角，你會揀邊個？之類呢d問題，依家個女升中五，未聽過佢想拍拖，事實亦無拍拖，反而佢同學拍拖，返黎會同我研究你係該女同學，你會不會同呢個男仔拍拖的問題（話題走遠了）. 佢第一本瓊瑤小說是還珠格格，之後係梅花珞，題才比較敏感的好似窗外就無比佢看，我印象中，升中一前，差不多看晒佢的作品

而金庸，不記得是升中一，定升中二果年暑假看，第一本好似係書劍恩仇錄，佢不知係邊樹看到書劍其中一章的節錄，之後就去圖書館借黎看，果年暑假就全程看金庸，好似差不多看晒金庸的作品

我寧願比佢看舊年代作者的書，好過看現代才女的書

依家大左，佢會自己去書局揀自己想看的書，岩岩去完台灣先買左一大堆返黎

CrabPincers

原帖由 foresight 於 14-06-24 發表
初中成績中文並不是最差的，好過英文，但現在反而英文成績不錯，中文才取50分，其實我都知道係個仔從小就沒 ...

50分，全級名次呢？

我女中文40分合格，佢得4*. 但全級不記得係不係得1*個同學合格，所以佢雖然得4*分，名次已經頭十內，有時學校特登手緊/出得深，等d學生驚下

foresight

CrabPincers 發表於 14-8-2 09:23
50分，全級名次呢？

我女中文40分合格，佢得4*. 但全級不記得係不係得1*個同學合格，所以佢雖然得4*分，名 ...

是指中文全級名次嗎?佢學校中四有17X名學生，好似每科前60名會在成績表上顯示出來，他並不在此60名內，不過因佢其他副科考得不錯，計埋其他科總平均分都有6X分，全級是在前三十名內。

MC1128

foresight 發表於 14-6-24 17:25
到了高中，中文相對困難，阿仔現中四，而家剛考完試，也已知道各科成績，各科中數中文最差，僅僅合格邊緣， ...

樓主兒子九月升中五,若果中文基礎較弱,距離公開試時間不多,這段時間內單靠閱讀來爭取成績,趕不及了。要"目標為本"了。

樓主試買本或借本香港中學生文藝月刊,四月號,有訪問去年考DSE的聖保羅書院學生陳樂行關於中文科取得5的備戰經驗

據陳同學說,自覺中文科成績不理想,於是在最後階段發力。文中附有他的中作卷文章,他當年揀作"己所不欲,勿施於人"。

老實說,看文,能看出他的中文寫作能力只是四平八穩,中間水平,非優秀文筆。

最難得,是他講述如何準備中文科各卷,包括取消fb account,減少玩樂,堅持多作文,多做文言文練習,多找同學練習說話等等

*我並不是反對透過閱讀來提升語文水平,金庸,亦舒都看遍了。上述不是提升中文水平的方法,是分享短期內如何應付DSE中文科。

anna525

中文各卷均有大量技巧，靠睇書係提高中文水平，但唔代表成績會好，作文卷字數要多，但更重要係落位準，知道寫作重點，否則文筆幾好都唔合格!!!

王家爸爸

allnnone 發表於 14-8-5 15:07
作為一位剛退下來的中文老師，我覺得多閱讀和精讀經典作品可以提升語文基礎和語感，但要應付DSE，考試的策 ...

考試策略和技巧有一定的重要性，所以天王有搵食空間。

熙媽媽

allnnone 發表於 14-8-7 13:34
高中補習只可以短時間應付考試，學生欠缺基本能力，面對一些陌生或較新的題目和題型，便會無所適從。如果從小培養語文能力，面對一些「花招」，也能輕易點破，從容處理。 ...

完全同意

熙媽媽

allnnone 發表於 14-8-7 13:34
順帶一提，就作文卷而言，因為評分包括內容、文句、經織和字體標點，所謂離題，理論上只影響內容和組織的評分，文筆好的學生，也可以取得合格成績。我的學生就試過在公開試作文離題，仍取得C等成績。(僅供參考) ...

我有少少唔同嘅睇法。


如果舊制(2007年以前，即係用ABCD而唔係以LEVEL顯示成績嘅)CE，卷一分綜合改寫+短寫+作文三部分，所以作文離題，一方面有另外兩部分幫補一下，另一方面，作文部分佔分唔似得而家佔晒100%，所以作文就算被判離題無而家影響咁大。攞合格( grade E)唔難，攞C都有可能。


DSE如果被判離題，攞LEVEL 2都有可能，不過攞LEVEL 4就真係好難。


根據網上考生自己提供2013買卷後知道實質成績，有學生2013年卷二攞51.5都只得LEVEL3, 52.9先攞到LEVEL 4。


所以如果離題但呢張卷攞到LEVEL 4，可能原因係：
1.考生誤會自己離題，但係只係扣題唔緊。
2. 文句真係筆下生花+字體鐵畫銀鉤+標點準確而多樣化
3. 佢係MARGINALCASE，但係個年cut-off score低左少少，所以上到高一個LEVEL

小彬彬

allnnone 發表於 14-8-7 13:34
高中補習只可以短時間應付考試，學生欠缺基本能力，面對一些陌生或較新的題目和題型，便會無所適從。如果從 ...

"文筆好的學生，也可以取得合格成績。"
看合格是指3還是2, 作文離題拎2有d 可能, 拎3机會好微.......

hadwinboy

原帖由 foresight 於 14-06-24 發表
初中成績中文並不是最差的，好過英文，但現在反而英文成績不錯，中文才取50分，其實我都知道係個仔從小就沒 ...

路過。其實我也很迷惘，閱讀對中學高中成績真的有幫助嗎? 我自幼稚園開始已不停看書，書痴，一目十行，半日一本小說。高小中文成績名列前茅，一直keep 住是書痴，但會考中文只有D，我同班同學從來不看課外書(學校要求除外), 中文會考也是 D. 當然，現時我仔也喜歡看書，我也大量提供，但將來成效.... 誰知.

熙媽媽

回覆 hadwinboy 的帖子

我考CE年代，卷二有閱讀理解+問答，分別佔分幾多就已經唔記得。

1 閱讀理解方面：篇章比而家淺，問得又直接D。
白話文考生得分會接近，分別只在於有人會放棄文言文(可能時間唔夠或唔識)。

2 讀本問答：
睇溫書夠唔夠，都好似起到決定性作用。


所以以前呢卷影響大嘅係讀本問答，唔似得而家成份卷係閱讀理解，無晒讀本問答。

熙媽媽

hadwinboy 發表於 14-8-8 15:18
路過。其實我也很迷惘，閱讀對中學高中成績真的有幫助嗎? 我自幼稚園開始已不停看書，書痴，一目十行，半日 ...

我覺得睇書有幫助，問題在於
1 睇咩書
2 會唔會一路睇，一路想本書嘅內容(想想係未寫得合理，自己對書有「睇法」

正如睇小說好，不過銖多戈睇小說只睇情節，少思考，用字亦唔留意。
例如一個人只睇愛情輕小說，睇黎睇去同一個作者，類似嘅情節，另一個人睇得闊D，具人生思考嘅小說，咩《活著》呀，《金鎖》呀，內容層次唔同，思考深度唔同。

如果要應付DSE，或者要睇多少少思考性、哲理性嘅文章，梁實秋呀，周國平呀，張中行呀……。一路睇，一路想本書嘅內容立意，唔同意作者講法亦得。

剛剛完左嘅書展，嚴歌苓(即張藝謀套《歸來》嘅原著《陸犯焉識》嘅作者)有個講座，名為「從讀書人到寫書人」，我覺得佢講得幾好，有時間可以睇睇呀！
https://www.youtube.com/watch?v=4_txNQW5k0w&list=UUA2X-HD4lnFkFfmpe1XIRFw

hadwinboy

原帖由 熙媽媽 於 14-08-08 發表
本帖最後由 熙媽媽 於 14-8-8 19:49 編輯

多謝推介。我覺得我看書是屬於少分析思考內容那類，但寫作文筆尚可，所以高少初中還撐得住，會考成績便令自己失望了。

88muimui

原帖由 foresight 於 14-06-24 發表
本帖最後由 foresight 於 14-6-25 12:12 編輯

到了高中，中文相對困難，阿仔現中四，而家剛考完試，也已 ...

試下去揾名師補習班， 如用心補， 我覺得有效架

88muimui

原帖由 foresight 於 14-06-24 發表
初中成績中文並不是最差的，好過英文，但現在反而英文成績不錯，中文才取50分，其實我都知道係個仔從小就沒 ...

有用， 不過要認真， 我女去年考 dse 的， 佢中文一向不好，在校內係14x 人 考 11x - 12x,  中五去補最出名嗰個天皇， 去年中文都考左個5, 人人話閱讀難， 但佢係攞 5**, 所以你盡早比阿仔補

熙媽媽

熙媽媽 發表於 14-8-8 19:23
我覺得睇書有幫助，問題在於
1 睇咩書
2 會唔會一路睇，一路想本書嘅內容(想想係未寫得合理，自己對書有「 ...

記得以前老師要我地睇王文興嘅《家變》，作者係自序竟要求讀者慢讀，細個時點會咁做呀！為左做讀書報告，快快脆脆睇完。不過佢個「慢讀」建議卻一直留係腦中，因為對我而言，呢個建議好新穎。


近日睇到王文興自己解「慢讀」好有意思： 「一目掃過，讀到的是你自己的思想，你變成這一句的作者，只有一字字慢讀，這一句才是作者的思想。」
或者呢個都係古人對於好書睇完又睇嘅原因，「好書不厭百回讀，熟讀深思子自知」。

Elinor

回覆 88muimui 的帖子

中文補習導師邊個好？