呢度九成既帖都係關於補習，唉

黃巴士

Combo 發表於 14-6-13 15:27
香港地，我識的學生，他們已經是全級的三甲之人，但仍然光顧補習社，何解？ ...

可能這些家長覺得, TOP3全是補習社裁培出來.  去補習, 家長干手淨腳掛.  

小凝`

johnnywalker 發表於 14-6-11 22:04
其實，老師問題唔係今時今日出現，教育學院收既學生，大部分都係入唔到正規大學既中學畢業生...雖然唔排除 ...

其實佢將咩都歸咎於老師根本冇多角度睇清楚問題
佢認為事實係點 只係單方面睇咋.

就習中focus 係學校老師同超大型補習社黎講:
學校老師教咁多班 而所有教材都係自己準備 最多都係多1個TA, 老師返到屋企都仲係改緊同學既卷/功課
佢地要教學生 整個課題既內容, 由基本去到細微, 重點的內容!
相反, 補習老師有1 team 人幫佢整教學notes, 亦都比學校老師多更多時間去準備教材
但補習只教學生答題技巧, 個課既重點, 細微同基本既就少提, 什至唔提

所以多時間研究學制課程, 如何教補習學生針對重點黎答題

如果講教學熱誠? 有邊個老師一開始唔係滿腔熱誠?
但點解會慢慢消退? 比功課學生 學生就唔做 遲交 一拖再拖?
老師都會對學生有期望, 但見到有學生成績唔好 邊個老師唔會心酸?
點可以話只有老師責任, 學生既責任呢?

HKEAA既課程指引 朝令夕改
只談2012開始既HKDSE
佢地每年都加野入課程..
課程唔完善
以前AL 學既野都係step by step
個年既dse 有d科係跳step學
(e.g 有d topic要學a 先會明b, AL會先學a後學b, 而DSE直接學b)

年年中4學既野都唔同, 年年中5學既野都唔同, 年年中6學既野都唔同
老師都係普通人 要記住朝令夕改既課程外 仲能照顧哂敢多學生 ?

有資歷既老師, 教得好既都有返咁上下年紀, 將近退休
學校都開始發掘有能力既新老師 準備填補教師流失
試一個新老師都係1年1年的試
新進老師仍在摸索適合自己和學生既教學方法
老師師資不足既情況往往就這樣出現
即使老師有10年師資以上仍未找到教學方法的 大有人在, 我亦遇過不少

仲有教課書既問題, 如果對個科有一定既認識, 就好易睇到書入面有既問題
畢竟最初學生是靠老師和書本吸收知識
但書本不足, 再加上老師師資普通
學生點會唔向外求知呢?
中學老師成日要求自律, 主動學習
所以學生會去補習補習, 為的是什麼?
為的咪係搵資源增加對科目既認識
不過學生成手材料時 識唔識靠自己歸納分類 就好睇佢地能力

再講HKEAA 要求學生做project 式既sba
令學生用多左時間
學生咪去搵d罐頭式note 用黎溫習
邊d好 邊d完整d? 咪補習社有成team人整個d囉
又會比埋by topic 既past paper 又唔洗自己搵
何樂而不為?

我唔認為依家補習成風係單方面, 只有老師責任既因素
以上種種都係成因之一
唔可以樣樣怪哂學校老師

vincher

原來初中教育版是補習乐園版！
……如夢初醒

my_majesty

回覆 Mighty 的帖子

好同意
我唔係唔信老師既能力
而係係咁大班既情況下, 老師幾有料都好難address到每個人既需要

Mighty

以香港今日的資源、我吾相信做不到小班教学、但以呉得掂之流、他那有能力去改革？成日出来講野時都眼神不定、根本就是一個没有信心的人、有個這様的局長、今日香港、、、真可悲！！

王家爸爸

Mighty 發表於 14-6-16 11:21
以香港今日的資源、我吾相信做不到小班教学、但以呉得掂之流、他那有能力去改革？成日出来講野時都眼神不定 ...

解決問題需要從根源做起。所以，我認為提高教師質量比小班教學更重要。

poonseelai

老師起薪點有20000，其實好好，但香港學生多選金融、商科、醫科及法律

杰杰媽媽

有有有...........我仔由小學到宜家中二都未補過習, 雖然佢成績只係中等

Chowwy

有有有，　仲有我地，小學到中一未補過習，科科「掹車邊」

i_am_smart_bb

我都唔贊成依賴補習，升中後，應該要放手讓孩子學會主動學習和溫書。
始終補習老師唔可以跟一世的

hadwinboy

我識一個小一就要補，因唔肯做功課，又教唔明，媽媽說還掂哥哥都要補，便兩兄弟一齊補。站係我角度，我完全覺得浪費金錢，是父母沒有灌輸責任感去個小朋友度，不做功課也沒有施予懲罰，但針唔係吉落我度，我可以講風涼話

below5cm

我覺得李純恩單純地將學生須要補習，歸咎於老師的教學質素，是對前線老師的大不公！