如果補習社老師用激將法

Fion_Chan

阿仔中一這個月上了新的補習社，他一直說ok,但剛才打電話給我哭著說 就快要去上補習但好怕那補習社老師，因他經常話阿仔「乜你咁蠢」、「呢個字小學一年級都學過啦你唔識？」、「你唔識計呢條數乜咁渣」……那我便說不如轉補習社，阿仔又話唔好，因一齊上的有相熟朋友仔（我們也是因人介紹的，但老師對朋友仔態度正常），阿仔怕被朋友仔取笑受唔住老師教法要放棄，也千叮萬囑我不要和老師傾，阿仔話佢頂得住。我好擔心，應點做好？

可樂fan

最重要佢頂得住,有D小朋友真係work,我囡就
要時常問囝囝情況,留心D佢有冇唔開心!

王家爸爸

可樂fan 發表於 14-5-24 13:04
最重要佢頂得住,有D小朋友真係work,我囡就
要時常問囝囝情況,留心D佢有冇唔開心! ...

我覺得不可以只用指責的方法，也不會覺得可以只用贊賞的方法，我比較贊成用一啖砂糖一啖屎的方法。

Yanamami

講呢d說話唔喺大忌咩？阿仔哭著說好怕那老師，唔喺隨便說吧~~忍左好耐？如果喺學校老師講，恐怕俾人complain左好耐o路~~話雖唔喺句句要讃，但都唔洗禁hurt人啊~~禁其實補左喺咪成績好左呢？阿仔話頂得住咪信他，但要多d同他傾偈，瞭解下他上課情況，關心他感受囉（他俾人踩完，有得同你呻下會好d掛~）。有媽咪一齊，他應該會感到安心d。

王家爸爸

Yanamami 發表於 14-5-24 20:00
講呢d說話唔喺大忌咩？阿仔哭著說好怕那老師，唔喺隨便說吧~~忍左好耐？如果喺學校老師講，恐怕 ...

最擔心有長遠影響，變得缺乏自信。真系要多D同小朋友傾下，多D關心他，開解下他，增強他的自信。

my_majesty

補習老師嚴厲d我覺得ok
但講埋d咁負面既說話, 真係會影響小朋友心理架bor
到時佢對呢科產生抗拒感, 或者自信低落就麻煩了.....

Fion_Chan

Yanamami 發表於 14-5-24 20:00
講呢d說話唔喺大忌咩？阿仔哭著說好怕那老師，唔喺隨便說吧~~忍左好耐？如果喺學校老師講，恐怕 ...

只是補了一個月，未考試唔知好唔好。我上星期聽了阿仔的電話一時間都好激氣，老師咁踩法，如果學校老師我尚且要避忌，出面普通補習社老師吧了，要我仔這樣受氣！？(話我怪獸都係咁話)。不過阿仔話頂得住又再三叫我唔好插手，才忍住。上星期他回家後神情輕鬆，他說這堂沒有被老師踩了，也沒有留堂 (他之前做唔掂功課時不時要留堂)。我也同阿仔講有什麼唔開心要和家人說，不要死頂。希望老師只是對初來的學生落下馬威，以後會好一點吧。
不過，就快暑假我都會找定另外一些補習試下。真要轉走的話，在暑假轉，藉口多的是(如要向介紹的朋友仔交代時)

Yanamami

睇下对成績有無幫助啦!如果有(唔係話要忍氣吞声)而阿仔又頂得順，都未必要轉既，只要你多关心他上課情况，有機会俾佢呻下，發洩左会好d.加上你既关心同安慰，睇貼d有無影响他心情同自伩就得啦!有好多教練(sports)都係禁講野，有mami体貼就好快惯左，hurt唔到佢地。

longlokma

如果阿仔頂得住自己话唔轉既，就放心比佢继續試啦，一来老師可能是用激将法，二来亦可当做磨練，總好过那些只视学生為老闆的補習社。     当然，補習的最终目的始終是成绩，如成绩有進步，阿仔更有自信，就什麼也值得啦。

sonkhl

要了解：1，老師有否相同情況對其他小朋友。
2，做好咗，有進步會否同樣在課堂上稱讚。
3，小朋友有否進步。
如以上都有，可考慮繼續。

小凝`

回覆 Fion_Chan 的帖子

雖然你仔仔話handle到但關心佢多d 係傾計中睇下留唔留意到佢既意願
最擔心係口是心非

如果真係要轉
私補都係一個選擇

kayi0556

我覺得初中已經接收咁多負面思想， 就算呀仔話頂得住， 有好多野就係果一兩句而好大影響， 其實已經影響緊， 小朋友因為咁唔開心， 話唔想補習已經係一個負面影響吧

我囡補習唔會抗拒， 什至會覺得補習好重要， 老師影響好大， 我囡都係因為補習老師， 讀書態度好好， 亦好正面。 同樣你仔都會受老師影響， 但可能係負面影響

選擇老師要小心， 學校老師就話唔到自己揀， 但補習老師絕對可以避開d唔好的老師

manwaimail

我個囝老師係用鼓勵法，佢上星期上堂送左一支筆俾佢，個囝珍而重之。
我都好感恩佢有好老師

黃巴士

記得自己初出來職場第1日返工時, 老細曾經都咁講 : 咩你咁蠢架??  當時我無出聲回應, 只當他發UP風.  對於補習老師咁講, 真係好睇吓語氣.  基本上, 我都會叫果仔不要上心, 又唔係佢講啱, 何須在意.  
以我見的一位補習SIR, 他是有料的補習老師, 他的確會咁講嘢, 感覺上他覺得青年人都應該受得"串"吓, 2來, 又可收驚嚇作用.   3來, 他只會覺得頂唔住咪BYE BYE囉, 大把學生在手. 唔想俾人串, 咪醒定D, 交齊功課, 溫足書本
至於受唔受到依套, 真係見仁見智.  套在我家孩子中就WORK囉, 因為TUTOR有料, 他佩服他!!  相反, 如果補習老師無料, 他/她們幾咁鼓勵佢, 送小禮物, 我兒都會不會補下去的.  因為, 他知道終極目的是來補習.

cellon

Fion_Chan 發表於 14-5-23 17:27
阿仔中一這個月上了新的補習社，他一直說ok,但剛才打電話給我哭著說 就快要去上補習但好怕那補習社老師，因他經常話阿仔「乜你咁蠢」、「呢個字小學一年級都學過啦你唔識？」、「你唔識計呢條數乜咁渣」……

辱罵 = 激將法？

Mymaggie

你仔仔要的是補習，不是訓練他的抗疫力，何苦？補習已經是苦事，若這樣的老師激勵唔到阿仔，令阿仔無曬自信，真是得不償失，坊間大把好的補習老師，唔方棄這個，又如何搵個好的呢？

dubbies

語氣好重要 重語氣大聲鬧 咩你咁蠢 同笑住講 咁都唔識架 已差好遠 小朋友需要鼓勵的環境努力向上 但愛之深 恨之切 導師有緊張學生向上的心 還不錯呢！

swk0201

回覆 Fion_Chan 的帖子

激將法?吾覺,太多辱罵 ,負面不太好,小朋友已去到哭,你要小心,忍到爆煲,很難處理

有獎有罰,多些鼓勵說話勝於負面

小朋友話頂得住會否怕家長怪責?怕那位導師知道會罵他?