應去或留?請俾點意見...

tsz

樓主，祝你早日找岩學，可得闲２母子開開心心去玩下

kipapa

恕我直言, 看過樓主之講述, 作為同是小一生家長的我並不覺得學校及小朋友有問題, 問題似乎在於家長對小朋友太早已有預設期望。 首先, 一個沒有受過任何操練的5/6歲小朋友, 寫字慢及字體差是正常不過的, 如果因為這樣而要每天受到家長責罵, 試問他如何能對學習有興趣呢?  成績差便是理所當然的事。  再者, 加上3小時枯燥無味的補習, 成績毫無寸進亦是意料之內。

既然原校沒有放棄小朋友, 為何仍要轉一間包容性強及家長派到會喊的學校呢?  包容與縱容有時只是一線之差, 如小朋友到小六時學術水平仍只有小三四水準的話, 相信家長唔會接受到掛?

我覺得要轉的是方法及家長心態而不是學校。 既然樓主已作出差不多最壞打算, 何不留在原校安心就讀, 一改以往之方法, 說不定小朋友仍可在高小時能趕進BAND 1之列。 小朋友的自信心多是由家長協助建立的, 他現時最需要的是家長的關懷、鼓勵、體諒與支持; 對小朋友寬容一點, 小朋友自然會快樂一點。

暑假即將來臨, 這亦正是修補親子關係的最佳時機。  建議多陪伴小朋友到各公園/沙灘泳池/博物館玩, 既可抒發身心又可拉近與小朋友間之距離, 亦可常到圖書館陪他一起看圖書以提升小朋友的語文能力。  相信樓主如能將成績放下, 耐心教導扶持小朋友的話, 明/後年將會有一張不一樣的成績表, 而且亦能令小朋友重投妳懷抱, 開開心心愉快地成長, 這亦是比任何事情都要重要的。

07mama

雪~bb 發表於 14-5-23 00:04
情況如下:
仔,現讀區內一線小一,校舍新,設備齊,派位好,硬件冇得彈.

我既情況完全相反, 區內2線學校, 自行1個鐘內做完功課, 考試都係好HEA咁溫習.
係學校好百厭, 好鍾意玩. 一樣有人叫我唔好轉, 過多2年睇定D.


一個小朋友話 "我好攰冇心機玩", 好嚴重, 一定要正視.
成績好唔好, 都不及喜歡學習和返學重要
小一只係起步, 就算成績唔好, 之後追到的大有人在.
不喜歡學習, 沒有生活動力, 影響可以很深.

另外, 2線學校並不代表他教得淺或功課少, 所以一定要問問讀緊既朋友真實情況.

Obiepapa

去穩間合適的學校。

owennam

希望媽媽早曰穩返個寶貝仔

natnatbaby

同意，現在即取消所有補習。有些小朋友係補極都不會有進步的，只有對學習更反感。我囡囡正是這樣，我見朋友的也是，日補晚補，仍沒明顯進步。，我也是心急見囡囡成積退步，甘多人去補又比她試補下，自己又不想勞氣教。結果補了半年，成績全無起息，比老師批評，只有更討厭學習，無信心，而且成績沒進展。現在自己跟，成績少許進步。至於轉校，若沒違反孩子意願可一試，但要輔導轉校原因，不可令他覺得自己差才需要轉。

water13

原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.

我女之前情況同你仔一樣，成績追唔上，一缐學校唔會理成績唔好嘅學生，佢嘅性格亦變得越來越退縮，乜都唔敢表達⋯⋯捱到三年班同佢轉左校，而家成績中等，返學開心，我同佢情緒都變得好左，壓力無咁大。細路仔心理可以健康發展係大前提，我好後悔無一早同佢轉(佢自己都覺得係)希望可以比少少參考你。

nieualma

天天在校那麼長時間, 讀哪間學校當然是關鍵, 當中功課量已經是最重要一樣, 天天用大量時間做功課, 那有時間溫習和提升自己? 而且即使樓主不責備小朋友的字體, 恐怕一線學校都不容許.

雪~bb

chun媽 發表於 14-5-24 14:49
我不知道樓主對學業的要求是否好高,我見樓主要求每天補課三小時,可知,樓主的要求,有時,做家長的,都要調節一 ...

就係唔高先想死我要求佢做晒功課同溫好D默書
每個月既評估我已經當睇唔到架啦
再降底就係由佢自生先滅架

雪~bb

kipapa 發表於 14-5-26 09:46
恕我直言, 看過樓主之講述, 作為同是小一生家長的我並不覺得學校及小朋友有問題, 問題似乎在於家長對小朋友 ...

我從冇要求字靚只係要寫啱,老師執字好嚴
連數字都要執,擦來擦去點會唔慢
我只係要佢認真D寫, 唔使擦黎擦去.
又唔使交左第2日又要重做/改正,
如果咁都高要求,我都冇野好講.
而且只係開學頭3個月係我教,
之後佢每日3小時補習,
只夠佢做功課同溫一陣間書
回家我冇再要佢做D咩,
我已經完全放手,
而家字體速度都好了很多.
但真係完住學唔到野咁
今個月英評估只有7分,
連填I (AM), YOU (ARE)都唔識
我都冇鬧佢,我唔知仲可以點降底要求.
呢間學校不是不好,但谷的太多了,
吸收唔到,好又有咩用.根本虛不受補.
例如我仔連基本文法都未學好,就要交50字英作
點交得出,咪又係我做.
原校點會放棄小朋友? 佢地根本不理,
又係叫我去補習,我話日日補3個鐘冇得再補啦.
果間家長派到會喊既學校,我去過觀課
校長帶我去睇每一班上堂
他記得好多學生名同學習問題
介紹學校有咩方法幫D學生
學生都有禮守規的,派位比同區差係事實.
但到時先算啦,轉心態你講得啱
我唔再諗"可能有日會變好"
直接俾間淺易D既佢讀等佢有返興趣
佢係得既2年會追上先再考慮向高發展吧
如果都係唔得都算了,預設期望我生個普通人,真係蠢都冇辦法了

雪~bb

natnatbaby 發表於 14-5-27 00:27
同意，現在即取消所有補習。有些小朋友係補極都不會有進步的，只有對學習更反感。我囡囡正是這樣，我見朋友 ...

下月開始只補兩個鍾算了家中有妹妹又地方細
其實好混亂好難控制
我教得仔又睇唔實個妹

cowmoon

我有朋友有類似情況。她為孩子轉二線學校 repeat 小一，所有事情從新出發，成績進步至中上上，自信心返哂來，學習態度大幅改善。

josephbaba

你係咪住九龍，可考慮愛心私校, 15人—班。 http://aogmms.edu.hk/

14-5-29 22:35 上傳

下載附件 (110 KB)

water13

雪~bb 發表於 14-5-29 21:44
我從冇要求字靚只係要寫啱,老師執字好嚴
連數字都要執,擦來擦去點會唔慢
我只係要佢認真D寫, 唔使擦黎擦去. ...

完全明白你感受！一線學校只會叫你去補習，唔會有任何支援。有時二三線學校反而會更加照顧學習有差異嘅學生，可能會對小朋友更好！
我當時同女女講：「唔係你唔夠好，亦唔係呢間學校唔好，只係唔適合你啫！
我同你揾左間適合你多d，會讀得開心d嘅學校，不過你都要繼續努力先得架！」
樓主，支持你！為仔仔選擇更合適嘅學校。

小凝`

我睇左之後第一個感覺係 你既小朋友好似唔太適合補習社形式？或者係個間？
因為有啲小朋友去補習社覺得係開party
好興奮 一齊傾計
如果佢好乖會自動自覺做功課既
就唔好去啲有惡老師既補習社
都係練習寫字階段 當然做得慢
唔好比人惡自己個寶貝
照你所形容黎睇 我覺得你小朋友好識諗
會唔會係佢自己想係屋企做功課多過去補習社呢？或者想對住父母？細細個鐘意痴父母嫁麻=]！
如果真係補習社唔岩佢 要搵啲有耐性又有愛心既私補老師先岩佢

yamyau

轉校

AgapePa

雪~bb 發表於 14-5-29 21:44
我從冇要求字靚只係要寫啱,老師執字好嚴
連數字都要執,擦來擦去點會唔慢
我只係要佢認真D寫, 唔使擦黎擦去. ...

既然補習都唔得, 慳番唔使補.
轉攻體藝, 堤高自信.

小凝`

回覆 雪~bb 的帖子

我見你話英文字唔識我完全諗起我個陣 我真係未適應到當時既返學模式
一上英文堂 老師全係英文教書
我老師見我好呆
用中文問我係唔係有野唔明唔識
我點頭
佢再問邊到唔識
我答...全部xD

其實每個小朋友都有佢"開腦"既時間
差在遲定早

我身邊有好多例子 小學成績好差 初中成績都好差 高中開始發力
依家讀緊大學
當然前題一定要入到好學校先啦