應去或留?請俾點意見...

雪~bb

情況如下:
仔,現讀區內一線小一,校舍新,設備齊,派位好,硬件冇得彈.


第1次試前係我跟功課,每日做到10點,
超慢,喊,字樣衰,日日要鬧.
成積差,跟唔上,唔明白,級名次最尾果堆.食慾減少.
之後,
日日去補習最少3小時,放學直踩到7點後,
唔合作唔放走,字體有改善,速度有改善.
冇時間玩,唔開心,冇心機, 失去活力變得較陰沈.冇左笑容.
不再跟我分享學校生活, 問佢返學開心嗎?
佢會面冇表情答我"開心"
我話補完習回家可玩一陣就答"我好攰冇心機玩"
最近第2考試成積出左成積冇進步,級名次尾10.

我知咁落去唔係辦法,諗緊轉校,
咁既成積,去唔到2線,只可以去D"派到家長都會喊"果D,
我搵到間係有愛心的, 學術淺D,中學派位冇咁好,
不過包容性強, 學生少,會因應學生能力去教.

我15/16, 唔敢亂黎,

有D人話再睇多年可能會變好,唔好轉,讀埋小2唔得小3先再轉.因轉左返唔到轉頭!
咁既生活,睇到個仔唔開心,我又覺得好肉赤! 但轉又好驚行錯步.

有D人又話如果再浸多年, 小一教既吸收唔到,小2如果唔進步,
咪等於兩年空白?! 咁小3轉左校都好難追返兩年喎?

心亂,俾D意見我啦,THX

PandaVV

原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.

Can you find out the reason?
Talk with your kid and listen to him.

Do not just concern on the result,
pay more attention to your kid thinking.

Shangrila

老實講，如果係我，遇到咁嘅情況，我會毫不猶豫幫小朋友轉校。

當然父母都應該先了解小朋友想法，攪清楚究竟係邊到出咗問題，但其實你現在都觀察到佢嘅情況，好明顯，係壞嘅影響多過好嘅影響。

根本佢依家已完全失去學習興趣，甚至影響到情緒，胃口，我睇你講到佢咁嘅情況，我會建議你同學校社工傾吓，或帶佢見吓心理醫生。（唔係講笑，係真心覺得你要處理，小朋友唔識講，表達唔到負面情緒，先會喺飲食失調等地方反映出嚟)

老實講，我唔知小朋友讀邊間名校，但小一學生，根本同幼稚園無咩大分別，六歲人仔，每晚做功課到10點？大人恐怕都支持唔住，何況小朋友？呢間學校嘅功課量，我不敢恭維。而如果唔係學校問題，而係小朋友有學習困難嘅問題，繼續落去更加係一種折磨。

咁細個小朋友，小肌肉都仲未發展得好好，但努力寫好嘅字可能已被擦完又擦，本來可以休息玩樂嘅時間，換來只係老師幾個剔、一個「甲」、或者一個貼紙同幾個印仔。（其實老師做晒呢堆嘢，唔使三分鐘。)而呢本作業簿，媽媽你到學期結束，新學年開始之前，可能就已經丟咗。最後小朋友得到最多嘅，應該係挫敗感。

其實學校硬件再好，都不及軟件重要，硬件好但在裡面活得不開心，有意思嗎？派位好，得罪講句，如果小朋友多數包尾，派得再好都無你份。

至於軟件，其實你小朋友咁嘅情況，學校老師有咩嘢反應？如果無理，咁其實軟件都係麻麻。另外，佢同其他小朋友相處又怎樣？呢啲都有可能係影響佢學習嘅因素。

俾我揀，我會寧願小朋友過得開心，在二線學校排中間，三線學校排前頭，都唔會想佢學得不開心，成績又成日在下游，面對師長嘅責難，而失去自信。(自信係容易失去，又好難揾得番嘅嘢)成績再差嘅小學，都會有人派到band1中學，只係比例上嘅分別。萬一你小朋友喺三線學校都仍然喺下游，呢一類學校，通常反而俾到學生同家長嘅支援會較多。

唔好信大啲會好啲嘅理論，要到時好啲，首要條件係1.佢有動力令自已更好(例如佢遇到一個佢好喜歡，又錫佢嘅老師，令佢天天返學都好開心)呢個真係可遇不可求。

Shangrila

諗返你點解要呢個小朋友，你希望佢點樣過生活？究竟邊樣最重要唔可以失去？咁你會知道應該點決定。

MrBeast

如果你知道如何改善的方法和有信心在summer 追返，和跟到二三年班的課程，就留在原校，otherwise 我諗我會轉，當然當事人的意願也要consider.

longlokma

原帖由 Shangrila 於 14-05-23 發表
老實講，如果係我，遇到咁嘅情況，我會毫不猶豫幫小朋友轉校。

當然父母都應該先了解小朋友想法，攪清楚究 ...

说得好好，只看楼主的文字，我也為孩子感心痛……

CALVEN

轉,


睇到都心痛,

atirw

Usually students rank bottom in famous school will  rank top in 2nd school. That's why the school give y offer. Go ahead.

hkparent

原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.

You can consider to move to a 2nd tier school and repeat P1, or repeat in the current school. That will help the child to restore confidence.

nieualma

完全同意Shangrila 的講法, 應該轉

wongay123123

小朋友開心先最緊要呀! 如果決定轉校要先了解下小朋友想不想, 同小朋友傾下先, 可能他未必想架

hadwinboy

一個6歲小朋友，竟然連玩都冇力(非生病時), 你還顧慮什麼呢

Yanamami

Shangrila 發表於 14-5-23 04:53
老實講，如果係我，遇到咁嘅情況，我會毫不猶豫幫小朋友轉校。

當然父母都應該先了解小朋友想法，攪清楚究 ...

[size=15.454545021057129px]其實學校硬件再好，都不及軟件重要，硬件好但在裡面活得不開心，有意思嗎？派位好，得罪講句，如果小朋友多數包尾，派得再好都無你份。

So true~如果喺中中等等，就可以睇多年，但小朋友谷到恆都喺包尾果浸，朝7晚10，唔開心，我睇到都心痛，而且只喺P1，幾時先涯到P6？

童年就只有一個，而且小學年代既經歷會影響他到teenage時性格既形成。名校與否，衡量一下利弊。一間good enough的學校，合適的學校更能令他有得著，有發揮，也未嘗唔喺好事呢~

大件仔

完全和我朋友兒子情況一樣, 可惜當年我朋友堅持讀下去, 這6年我見佢和兒子好像活在地獄的生活, 最後, 派位也只有派了一間B3中學, 相反, 另一個朋友佢兒子在一間2-3線小學讀, 就派到一間B1中學, 終於, 我明白讀書是學生自家努力因數多, 學校只是一個佩合, 不要太介懷學校名聲

Christi

原帖由 hadwinboy 於 14-05-23 發表
一個6歲小朋友，竟然連玩都冇力(非生病時), 你還顧慮什麼呢

同意！

一個冇晒自信既小朋友，一個充滿挫敗既小朋友，好難讀得好。
要醫，先醫小朋友心病，要醫心病，先轉環境。

yannietimb

原帖由 Shangrila 於 14-05-23 發表
老實講，如果係我，遇到咁嘅情況，我會毫不猶豫幫小朋友轉校。

當然父母都應該先了解小朋友想法，攪清楚究 ...

完全認同！
現在新聞已經報導有幾多小朋友存在精神情緒問題，難道你想小朋友是其中之一？
看描述，小朋友的學習興趣已全失去，現在才p1, 你覺得佢可以撐到幾時？不要死守名校or1線學校吧！其實派位出來的，點解有d學校六年後既畢業生多是band one, 其他學校不是，難道相信真的因為一線學校課程師資較好？我更相信是谷出來，有小朋友受谷，並非代表全部！
襯小朋友還小，有機會援救他的學習興趣，早作決定，我記得自己小學時都係讀d村校，到5，6年級都遇過有些來自名校讀不上的同學，他們最初來到就覺得d野好淺，但結果他們成績還不什了了，因為他們已對學習完全提不起興趣！

jc2009

同情樓主小朋友情況, 我都讚成轉校, 繼續落去只會對學習失去興趣.

CHIULHJ

我會馬上轉校

Jane1983

有無同小朋友傾吓？他有什麽想法？

無食慾、吾願玩、吾笑容、吾同你分享心事，真系好大件事。去到甘，什麽名校都吾要，要番個仔緊要d。

搞掂轉校d野，帶個仔去玩，晚晚傾番心事，建立番親蜜的親子關係，呢樣應系number 1

Olympian

好慘啊！你不如問下老師佢係學校開唔開心先，我聽有些朋友家長講，即使佢小朋友考第尾，有一個又成日唔合格，但係佢地都鐘意返學，同埋自己話唔想轉校，因為有朋友。如果唔清楚原因，怕了校問題依然存在。

不如你又要問下佢返補習覺得點呀？補習老師好人嗎？會唔會好辛苦？想唔想媽咪教返你？

我唔知你個區點，我個區就最淺間學校都每日8至10樣功課。小朋友約1至1.5小時完成，手慢就2小時。最少功課返而係間一線，5至6樣，有時冇功課。我仔小手肌弱，寫得樣衰都要算數，如果唔係搞好耐。